හීන හිතක්...
මල් සුවදක සද රැල්ලක හැංගි ළඟ උන්නූ
පිණි අහුරක කඳුළු පොදක සීතල හා බැඳුණු
සිනා මලක පැතුම් ගඟක සුවඳ එක්ක රැඳුණු
සීතල පෙම් කුසුම් ඔබයි සිතේ කොනක පිපුණු
වලා පෙළක දේදුන්නක දුටුවු හින අහුරෑ
මියැදෙන්නට දැං ළඟයිලු හඬන්න නෑ කඳුළු
රන් හීනෙක මල් යායක එකම මලක් පතපු
දුරින් පිපුණ තරැව මමයි අහිමි සඳට හඬපු
හීන හිතක එක හීනෙක හිනැහී ළඟ උන්නූ
අහස් ගඟට මහ සයුරට වැඩි ආදරෙ පෙන්නූ
එක්වන්නට වරම් නැතිව පැතුම් ලොවම සුන් වූ
පෙම් යුවලකි අපි දෙන්නම පෙර භවයෙක වෙන් වූ
තිසුම්
