සුසුම් අහුරක්...
සිතලට ගල් ගැහුණ තනි හිතට
කඳුළු පොකුරක් හොවමි හඬන්නට
උදුර ගන්නට හිති අත හැරිය
සුසුම් අහුරකි ඔබේ ආදරය...
එකම තරුවක්වත් නොමැති අහස යට
පිපුණ සුදු බිම්මලක් වගේ මම
පායනා තුරා රන් පුරාහඳ
බලාඉමි ආදරේ කියන්නට...
එදා ආදරේ කී ඇස්වලට
හැංගිලා ඔබ ගිහින් ඈතකට
ගෙවෙන හැම තත්පරේ විඳවන්න
පෙම් කඳුළු සීතල ද මේ හැටිම...
බොඳවෙච්ච ඇස් දුකින් පුරවාන
මග බලා ඉන්නවා මං තාම
අදත් වැහි කෝඩයට ඉස්සරින්
ඔබ එන්න ආදරෙත් අරගෙනම...
(තිසුම්)
