නාබර කජු සමග නෙළුම් අල වෑංජනය
අවශ්‍ය ද‍්‍රව්‍ය
නාඹර කජු මද ග‍්‍රෑම් 250
පෙති හැඩයට කපා හොඳින් සෝදාගත් නෙළුම් අල ග‍්‍රෑම් 150
පොල් කිරි අඬුකෝප්ප 2 1/2
සිහින්ව කපාගත් සුදුළුෑනු බික්‌ 5
සිහින්ව කපාගත් රතුළුෑනු ගෙඩි 8
සිහින්ව කපාගත් අමුමිරිස්‌ කරල් 5
කෑලි කපාගත් තක්‌කාලි ගෙඩියක්‌
රම්පෙ, කරපිංචා, උළුහාල් ස්‌වල්පයක්‌
කුරුඳු කැබැල්ලක්‌
අමු තුනපහ කුඩු තේ හැඳි 2
කහකුඩු තේ හැඳි 1/2
ගම්මිරිස්‌ කුඩු ස්‌වල්පයක්‌ සහ පොල්තෙල් තේ හැඳි 1
සාදන ක‍්‍රමය
පළමුව නාඹර කජු පෙගෙන්න හැර සෝදා ඉවත් කොට පසෙකින් තබන්න. එයටම පිරිසිදු කරගත් නෙළුම් අල සුද්ධ කර පෙති හැඩයට කපාගන්න. ලිප මත භාජනය රත් වූ පසු එයට තෙල් හැඳි 1 ක්‌ දමා සුදුළුෑනු, රතුළුෑනු, අමුමිරිස්‌, රම්පෙ, කරපිංච, කුරුඳු, උළුහාල් දමා රන්වන් පැහැ වනසේ බැදගන්න. ඉන්පසු එයට නාඹර කජු මද සහ නෙළුම් අල එකතු කර නැවත එයට තුනපහ කුඩු, කහකුඩු, ගම්මිරිස්‌ කුඩු, ලූණු රස අනුව දමා හොඳින් කලවම් කර එයට පොල් කිරි එකතු කර හැඳි ගාමින් සකසා ගන්න. අවසානයේ කපාගත් තක්‌කාලි වෑංජනයට එකතු කර කලවම් කර මේසයට යවන්න.
