කරපිංචා ඇඹුල
අවශ්‍ය ද්‍රව්‍ය :
කරපිංචා දළු
රතුළූණු, බැදපු තුනපහ, සියඹලා, උළුහාල්, අබ අවශ්‍ය පමණට
පොල්කිරි ස්වල්පයක්
අමුමිරිස් කරල් 2
කුරුදු පොතු ස්වල්පයක්
තෙල් ස්වල්පයක්
මිරිස් කුඩු ස්වල්පයක්
අවශ්‍ය පමණට ලුණු
සාදා ගන්නා ක්‍රමය :
කරපිංචා දළු හොදින් සෝදා දියබේරෙන්නට තබා සිහින්ව කපාගන්න. රතු ළූණු හා අමු මිරිස්ද සිහින්ව ලියාගන්න. දැන් තෙල් ටිකක් ලිපතබා රත්වනවිට ලියාගත් අමුමිරිස්, රතුළූණු කැබලි දමා බැදෙන්නට හරින්න. බැදීගෙන එනවිට උළුහාල් හා අබ ටිකද දමන්න. කුරුදු පොතුද කුඩාවට කඩා එයටම එකතු කරන්න. දැන් කරපිංචා වලට ලුණු, තුනපහ, මිරිස්කුඩු එකතුකර අතගා තෙලට දමන්න. තෙලෙන් තැම්බීගෙන එනවිට පොල්කිරි එකතු කරන්න. සියඹලා වතුර ටිකක දියකර එකතු කරන්න. දැන් මෙය මදගින්නේ පිසගන්න. මෙය අධික රුධිර පීඩනය තිබෙන අයට ඉතා ගුණදායක ආහාරයක් බව පිළිගැනේ.
