This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
චොක්ලට් මූස් (ක්‍රීම් රහිත)


ඔයාලට මතක ඇති මම කලින් රෙසිපි එකක චොක්ලට් මූස් හදන හැටි කියලා දුන්නා. මෙතන click කරලා ඔයාලට ඒ රෙසිපි එක බලන්න පුලුවන්.  අද මම ඔයාලට කියන්නේ ඒ චොක්ලට් මූස්ම ක්‍රීම් නැතුව හදන හැටි. හදිසියේ කෑමට නිවස එන කෙනෙක්ට චොක්ලට් මූස්හදන්න අපි නිතරම නිවසේ ක්‍රීම් තියාගන්නේ නෑනේ. ඉතින් ඒ වගේ වෙලාවට මේක ඉතාමත් වටිනවා. ඒ වගේම ක්‍රීම් ටිකක් මිල අධික නිසා අඩු වියදමින් චොක්ලට් මූස් හදන්න මේ විදිහට ඔයාලට පුලුවන්.

මෙන්න අවශ්‍ය ද්‍රව්‍ය

බිත්තර 03
chocolate
සීනි කෝප්ප 1/4
බටර් ‍03 tsp
දෙහි පොතු ස්වල්පයක්

දැන් බිත්තර 03 කහමද වෙන් කර ගන්න. cooking chocolate උණු කරගන්න. දන්නවනේ උණු කරගන්න ඕන විදිහ? වතුර සාස්පානක් ලිපේ තියලා චොක්ලට් දීසියකට කඩලා දාලා ඒ දීසිය වතුර සාස්පානේ තියලා චොක්ලට් උණු කරගන්න. උණු කරගත් චොක්ලට් එකට බටර් මේස හැදි තුන දමා කලවම් කරගන්න. දැන් බිත්තර සුදුමද beat කරගන්න. ඒ අතර සීනි ඒයට කලවම් කරගන්න. සීනි හා බිත්තර සුදුමද භාජනය අනෙක් පැත්තට හරවනකොට වැටෙන්නේ නැති තරමට beat වෙන්න ඕන. දැන් බිත්තර කහමද වලට ගාගත්ත දෙහිපොතු එක් කරගන්න. දෙහි පොතු අවශ්‍යම නෑ. ඒත් ඒක දැම්මම අමුතු රසක් එනවා. අකමැති අය නොදා හිටියට ප්‍රශ්ණයක් නෑ. බිත්තර කහ මද ටික චොක්ලට් මිශ්‍රණයට එක් කර හොදින් හැන්දකින් කලවම් කරන්න. දැන් එය ශීතකරණයේ තබන්න. රැයක් එළිවෙනතුරු ශීතකරණයේ තබනවා නම් mousse එක හොදින් set වෙනවා. මේ ප්‍රමාණය දෙන්නෙකුට සෑහෙනවා.