කේන්දරේ බලන්නේ ඇයි?
"මම නම් කවදාවත් කේන්දර බලන්නෙ නෑ." අයෙක්‌ කියයි.
"කේන්දර බැලුවොත් තමයි සේරම අපල - අපල දැන ගන්න කේන්දර බලල වැඩක්‌ නෑ.?" මම නම් වැඩක්‌ පටන් ගන්නෙ කේන්දර බලල නම් නෙවෙයි· මේ කේන්දර පිළිබඳ අදහස්‌ දැක්‌වීම් ය.
කේන්ද්‍රය බැලීම යනු කුමක්‌ද?
යමෙක්‌ මෙලොව බිහිවන විට අහස්‌ ගැඛෙහි ග්‍රහ මණ්‌ඩලය පිහිටි ආකාරය පිළිබඳ නිවැරැදි සටහනක්‌ වූ කේන්ද්‍රය මිනිසාට තමන් ගැන බොහෝ දැ පසක්‌ කරවයි. ජන්මියාගේ උපතේ සිට විවාහය - මරණය දක්‌වා ගොඩනැගෙන සිදුවීම් විග්‍රහ කර බැලීමේ හැකියාවක්‌ කේන්ද්‍ර සටහනක ඇත. එම විග්‍රහයන් නිවැරැදි වීමට නිවැරැදි කේන්ද්‍ර සටහනක්‌ අවැසි වෙයි. නිවැරැදි ජ්‍යොතිෂවේදියකුගේ ජ්‍යොතිෂමය මඟජ්දැක්‌ම ජන්මියාගේ අනාගතය ගොනුකර බැලීමට ඉවහල් වෙයි.
සියල්ලම මේ අයුරින්ම සිදුවේද?
එය සැම දෙනා හටම ගැටලුවකි. අනාගතයේ සිදුවන සියල්ල පල විපාක ලෙස කේන්ද්‍ර සටහනේ සඳහන්ව ඇත. ඒ සියල්ලම කුසල් අකුසල් ය. වෙනත් අයුරකින් විග්‍රහ කළහොත් සුබපල සහ අසුබ පල ය. අසුබ පල යනු අපලයන් ය. පෙර භවයෙහි කරනු ලැබූ කුසල් අකුසල් හි ගොනුවක්‌ ජන්මියකු මෙලොවට ගෙනැවිත් ඇත. කේන්ද්‍ර සටහන තුළින් කුසල් අකුසල් හි පලදීම් තහවුරු කෙරෙයි. සුබ කාලය පෙර කළ කුසල් බලයත්, අසුබ කාලය පෙර කළ අකුසල් බලයත් මනාව පෙන්නුම් කරයි.
කේන්ද්‍ර සටහනක සඳහන් ග්‍රහයෝ සියල්ලම සුබ ග්‍රහයන් නොවෙති. සියල්ලෝම අසුබයෝ ද නොවෙති. යමෙකුගේ කේන්ද්‍ර සටහනක අයහපත් ග්‍රහයෙකු තවත් අයෙකුගේ කේන්ද්‍ර සටහනක යහපත් ග්‍රහයෙකු වෙයි. යහපත් අයහපත් ග්‍රහයන් ලෙස සංකේතවත් කරනු ලබන්නේ උපතින් ම ජන්මියාට උරුම වූ යහපත් අයහපත් කාලයයි. එම කාලය තුළ උරුම වූ කායික - මානසික ස්‌වභාවයන් මෙම අපූර්ව වූ කේන්ද්‍ර සටහන තුළ සඳහන්ව ඇත. සියලුම ග්‍රහයන් සුබයන් හෝ අසුබයන් නොවෙතියි යන ජ්‍යොතිෂමය සිද්ධාන්තයෙහි ලා ගොනු කරන කල කේන්ද්‍ර සටහනෙන් අපගේ ජීවිතයට නිවැරැදි උපකල්පනයන් ලබා ගත හැකි වෙයි. කේන‍ද්‍ර සටහනක රාශි වළල්ල හෙවත් භාව දොළොස තුළ ග්‍රහ බලය පැතිරී තිඛෙයි. ග්‍රහයන් දෙතුන් දෙනකු එක්‌ රාශියකට ගොනුවන අවස්ථා ද ඇත. ග්‍රහයන්ගෙන් තොර වූ රාශීන් ද ඇත. මෙම රාශීන් දොළස මිනිසාගේ හිස, ගෙළ, පපුව, යටිබඩ, තුනටිය, දෙපා ආදී ශාරීරික කොටස්‌ ද සංකේතවත් කරනු ලබයි. ජන්මියාගේ අනාගත සහකරු සහකාරිය සහ ඔහුගේ ඇගේ නිවස, මවුපියන්, සහෝදර සබඳතා රැකියාව සහ ගති ලක්‍ෂණයන් ද කේන්ද්‍ර සටහනක ගොනුව ඇත. සඳු හෝ සිකුරු දුර්වලව ලග්නයේ සිටීම තම සහකරුට හෝ සහකාරියට දියවැඩියාව වැනි රෝග තත්ත්වයන් ද ලිංගක ශක්‌තිය දුර්වල බව ද ප්‍රකට කිරීමකි. ලග්නයේ කුජ සිටීමෙන් තම සහකරුගේ ලිංගික ශක්‌තිය ප්‍රබල බව ද රවි හෝ කුජ විසිදෙවන දෙර්කාණාධිපතියාව ලග්නයේ සිටීමෙන් ඔහුගේ හෝ ඇගේ රහසිගත ස්‌ථානයන්හි උෂ්ණාධික බව සඳහන් කෙරෙයි. එහෙයින් තම කේන‍ද්‍ර සටහන තුළ සහකරු සහකාරිය පිළිබඳ අපූර්ව වූ තොරතුරු ද සැඟව ඇත. එම අනුගතවීම් තුළ විවාහයෙන් පසු ජීවිතය, විවිධ වූ හැකියාවන්, දරුවන්, දරුවන්ගෙන් තමනට ලැඛෙන සැලකීම්, සත්කාර, වගකීම් යුතුකම් පිළිබඳව ද කේන්ද්‍ර සටහනකින් කිව හැකි වෙයි. යමෙකුගේ කේන්ද්‍ර සටහනක ලග්නයේ සඳුත් අට වැන්නේ සෙනසුරුත් පිහිටි කල ඔහු හෝ ඇය කෙට්‌ටු ශරීරයක්‌ ඇති අයකු බව පැවසෙයි. හත අධිපති හය වැන්නේ නම් විවාහයට ලැඛෙන්නේ කලින් හඳුනාගත් අයෙකු නොවේ. හත්වැන්නාධිපති හතේ නම් හොඳ විවාහයකි. හත්වැන්නාධිපති අටේ නම් විවාහයට ලැඛෙන්නේ අප්‍රකට අයෙකි. ශක්‌තිවන්තයකු නොවේ.
භාව දොළසින් කරනු ලබන අපූර්ව හඳුනාගැනීම් තුළ අප සැම මිනිසුන් ලෙස වටහා ගත යුත්තේ කුමක්‌ද? අපලකාරී සමය තුළ පරාජය හඳුනා සමාජයෙන් සැඟවිය යුතුද? අලසයකු ලෙස සියලු කටයුතුවලින් හුදෙකලා විය යුතුද? එය මිනිසුන් ලෙස ලද මිනිසත් කමට නිගාකර ගැනීමකි. මිනිසා අපලකාරී බව හඳුනාගත යුතුය. තම නැණ පමණින් එයට ප්‍රතිකර්ම යෙදිය යුතුය. අපල කාලය හඳුනා ගැනීම තුළ එයට නොබියව මුහුණ දීමට සහ අපල සමනයට ප්‍රතිකර්ම කිරීමට මිනිසාට හැකිවෙයි. අපල අකුසල් සියල්ලම කේන්ද්‍රයේ සඳහන් අයුරින් ම විපාක දෙනු ලබන්නේ උත්සාහයන් අතහැර දැමීමෙන් සහ කළ යුතු ප්‍රතිකර්මයන් නොකිරීමෙන් ය. ග්‍රහ බලය වෙනස්‌ කළ හැක්‌කේ මිනිසාටය. අපල සමය සියුම්ව ඇරඹෙයි. එය ක්‍රමයෙන් බලවත් වෙයි. විපාක ගෙන දෙයි. මෙම අකුසල් කාලය සහ ග්‍රහ ස්‌වරූපය හඳුනාගෙන සිටීම ජන්මියාට වාසියකි. අපල කල්හි ඇතිවන කළකිරීම උදාසීනත්වය, ක්‍ෂණික කෝපය හඳුනාගෙන එයට පිළියම්, පිළිවෙත් කිරීමෙන් අපල කාලය යහපත් කර ගත හැකි වෙයි. අකුසල් අපල ග්‍රහ ස්‌වභාවය අනුව කුසල් වැඩිය යුත්තේ එබැවින්ය. අප ධාර්මික වීම තුළ ධර්මයට අනුගත වීම සිදුවෙයි. ධර්මය විසින් මිනිසා ආරක්‍ෂා කරනු ලබන්නේය. අපල සමනය වන්නේ එලෙසය. සඳු ග්‍රහයා ඇති කරනු ලබන චිත්ත පීඩා ද කුජ ග්‍රහයා ගොනු කරනු ලබන උෂ්ණ රෝග - හදිසි අනතුරු ද අපලකාරී ග්‍රහයන්ගේ ස්‌වරූපයන් පිළිබඳව නිදර්ශනයන් ය. රෝගී බව, ශෝකය, පරාජය උරුම කරවන සෙනසුරු ග්‍රහයා වෙනුවෙන් ගිලානෝපාස්‌ථානය, කපුටු දාන, අසරණ සරණ වැනි කුසල්මය කටයුතු කිරීමෙන් සෙනසුරු ග්‍රහයාට පින් අනුමෝදන් කිරීමෙන් අපල දුරුවෙයි. ග්‍රහයන් සඳහා කළ යුතු වත් පිළිවෙත් ද විවිධ වෙයි. පිළිවෙත් සඳහා ග්‍රහයන් අනුව බලවත් වන දිනයන් ඇත. දිසාවන් ඇත. එය නිවැරැදිව හඳුනා වත් පිළිවෙත් කිරීමෙන් අයහපත් ග්‍රහයාගේ අයහපත සමනය වෙයි. අපල දුරුවෙයි. යහපත උදාවෙයි. එහෙයින් කේන්ද්‍ර සටහන නිවැරැදි පරීක්‍ෂාවකින් අපල හඳුනාගත යුතුය. අනතුරුව තමන් සුදුසු ගුණයක පිහිට ලැබිය යුතුවෙයි. අපල සමනය වී යහපත උදා වන්නේ එවිටය. එය අඳුරෙහි ගමන් කරන්නාට පිහිට වන පහන් ආලෝකය පරිදිය.
මතුගම ජයනෙත්ති
උපුටා ගැනීම දිවයින පුවත් පත
