ජන්ම පත්‍රයක අංක දොළහෙන් කියැවෙන දේවල්
ලග්නය නොහොත් කේන්ද්‍ර සටහනේ අංක 01 න් ශරීරය ගැන සොයාබැලේ. පෞරුෂය, වාසනාව, අවාසනාව යන තත්ත්වයන් මින් පෙන්නුම් කෙරේ. හැම ජන්ම කේන්ද්‍ර සටහනකම ශුභ ඵල ගෙන දිය හැකි ග්‍රහයෝ සිටිති. අදාළ ග්‍රහයාගේ එන දිශා අතුරු දිශා වලදී ශුභ ඵල ලබාදෙයි. යෝගකාරක ග්‍රහයන් ධනය, බලය, කීර්තිය වැනි සම්පත් ලබාදීම සිදුවේ. හිරුගේ ප්‍රභා ශක්‌තිය මෙන්ම සඳුගේ උත්තේජනයත් කේන්ද්‍රකරුගේ ගති පැවතුම් වලට විශේෂ බලයක්‌ උදාකරයි. ලග්නාධිපති ග්‍රහයා බල සහිතව සිටී නම් යහපත් කල්ක්‍රියා, සාරධර්ම, ගුණධර්ම අතින් පෝෂණය වේ. රවි ලග්නයේ සිටීම ඉතාමත් ශුභදායකය. එහෙත් තුලා ලග්නයට නීචවේ. සඳු වෘශ්චිකයේ සිටි විට නීචවෙයි. අව සඳු වඩාත් අශුභය. රවි මේෂ ලග්නයට උච්ච වන අතර සිංහයට සමක්‍ෂෙත්‍රවේ. සඳු වෘශ්භයට උච්ච වන අතර කටකයට සමක්‍ෂෙත්‍රවේ. කුජ ග්‍රහයා මකර රාශියට උච්ච වන අතර මේෂ වෘශ්චික රාශි 02 කට සමක්‍ෂෙත්‍ර වෙයි. බුධ කන්‍යාට උච්ච වේ. එසේම සමක්‍ෂෙත්‍රවීමද සිදුවේ. මිථුනයට ද බුධ සවක්‍ෂෙත්‍රය. ගුරු උච්චවන්නේ කටකයටයි. ගුරු ධනු – මීන දෙකට සවක්‍ෂෙත්‍රවෙයි. සිකුරු වෘෂභ ලග්නයට හා තුලාවට සමක්‍ෂත්‍ර වන අතර මීනයට උච්චවේ. ශනි සමක්‍ෂත්‍ර වන්නේ මකර කුම්භ ලග්න දෙකට සහ උච්චවන්නේ තුලාවටය. රාහු කන්‍යාවටත් කේතු මීනයටත් සමක්‍ෂත්‍ර වන අතර, උච්ච වන්නේ (රාහු) වෘෂභ – මිථුන රාශි දෙකට සහ (කේතු) වෘශ්චික – ධනු යන රාශි දෙකටය.
ඉහතින් දක්‌වන ලද ග්‍රහයන් සමක්‍ෂත්‍ර උච්ච බලයෙන් සිටින රාශීන්ය. උච්ච සමක්‍ෂත්‍ර මූල ත්‍රිකෝණ මිත්‍ර සම සතුරු ආදී වශයෙන් ග්‍රහයන් අදාළ රාශිවල ගමන් කරන විට ලැබෙන ප්‍රතිඵල ස්‌ථාන බලයට වෙන්වෙයි. ග්‍රහයකු උච්ච රාශිගතව සිටි පමණින්ම උච්ච ඵලය අපේක්‍ෂා කළ නොහැකිය. උච්ච ඵලය ලැබීමට ඇති උච්ච අංශකයට ආයුතුය.
කුජ ලග්නගතව සිටීමෙන් අදාළ අය සටන්කාමියකු කරයි. මේෂ රාශියේදී රවි උච්චවීම සිදුවේ. මෙය වසරේ අප්‍රේල් මාසයේ සිදුවන්නේය.
ජන්ම පත්‍රයක දෙවැන්න නොහොත් ධනස්‌ථානය මගින් සැම ලෞකික බලවේගයක්‌ම බල රහිත – සහිත වීම නිසා සිදුවෙයි. ඇති හැකි – නැති බැරි, වාසනාව අවාසනාව, විවාහයෙන් පසු ජීවන ගමන ගෘහ ජීවිතය, මරණය ගැනද දෙවැන්නේ විමසීම කරණු ලැබේ. 02 -07 ස්‌ථාන මාරක මෙන්ම ලෞකික ස්‌ථානද වේ. සඳු 02 සිටීම නිසා වාසනාව උදාකෙරේ.
ශරීරයේ බාහු සහ පපුවේ උඩකොටස්‌ 03 වැන්නට අයත් ස්‌ථාන ලෙස සැලකෙන අතර, 03 වැන්න සහෝදරස්‌ථානය නොහොත් බන්ධුස්‌ථානය ලෙස සැලකේ. මෙම ස්‌ථානයෙන් ආයුෂ ගැනද (දෙවැන්නෙන් දෙවැන්න) සොයා බැලේ. මොලේට බලපාන ස්‌ථානයක්‌ නිසා ස්‌නායු පද්ධති කෙරෙහිද ක්‍රියාකාරීවේ. බුද්ධිය ඥනය, කීර්තිය 03 න් ප්‍රකාශවේ. මෙම ස්‌ථානයෙන් සහෝදර – සහෝදරියන් නෑයින්, කාර්මික, විද්‍යා කේන්ද්‍ර සහ ලිsපි ලේඛන කටයුතු ගැනද බැලිය හැකිය. 03 වැන්නේ කුජ සිටි විට මුදල් අනිත් අඩුපාඩු ඇති නොවේ.
කේන්ද්‍රයේ සිව් වැන්නෙන් අනාවරණය කර ගත හැක්‌කේ දේපළ, ඉඩකඩම්, සැප සම්පත්, යාන වාහන, ගේදොර නෑයන්, මව, අධ්‍යාපන කටයුතු වැනි දේ ජීවිතයේ සැÄ සමය ගෙවන හැටි යනාදියය. 04 වැන්නෙන් බුධ බලවත්ව සිටීනම් යහපත්ය. නැත්නම් ස්‌ථාන මාරු ඇති කරයි. ගුරුට 04 වැන්න ඉතාමත් ශුභ ස්‌ථානයකි.
පුත්‍රස්‌ථානය නොහොත් විද්‍යාස්‌ථානය ලෙස හඳුන්වනු ලබන 05 වැන්නට ජන්මියාගේ හෘදය වස්‌තුව හා යටිබඩ ප්‍රදේශවලට අයත්වෙයි. මෙම ස්‌ථානයෙන් කේන්ද්‍ර හිමියාගේa බුද්ධිමත් බව, අධ්‍යාපන කටයුතු, දූ දරුවන්ගේ තත්ත්වය, ගුණවගාව, ආලය ගැන කටයුතු හා පෙර උපත, මේ භවයේදී දරුවන් ලැබීම ඔවුන්ගේ වාසනාව, අවාසනාව ගැන සොයා බැලේ. 05 ගුරු සිටි විට අධ්‍යාපන කටයුතු සාර්ථක වේ.
කේන්ද්‍රයේ 06 වැනි ස්‌ථානය සතුරු ස්‌ථානයයි. උපචය ස්‌ථානයක්‌ නිසා ජන්මියාගේ බලය තහවුරු කරයි. ආහාර පාන, ලෙඩරෝග ගැනද මින් බැලිය යුතුවේ. 06 වැන්නේ පාප ග්‍රහයන් සිටීම නරක නැත. ශුභ ග්‍රහයන්ට සුදුසු නැත. බුධ – සඳු – ගුරු – සිකුරු ග්‍රහයන් මෙහි සිටීමෙන් එතරම් වැදගත් කමක්‌ නැත. ස්‌ථානයට අධිපති ග්‍රහයා දුර්වලව සිටියේනම් ලෙඩරෝග ඇතිවේ. රවි, කුජ, රාහු ග්‍රහයන්ට 06 වැන්න සුදුසු ස්‌ථානයකි. සිකුරු ශනි 06 සිටීමද යහපත් නැත.
07 වැන්න වූ කලස්‌ත්‍රානය මගින් ලෞකික ආශා ඇති කෙරේ. විවාහ දිවිය ගැනද විශේෂයෙන් සොයා බැලේ. රැකියා ව්‍යාපාර කටයුතු ගැනත් ධන නාස්‌තිය ගැනත් 07 න් බැලිය යුතු වන්නේය. මරණය ගැනද විශේෂයි. 07 වැන්නේ උච්ච ග්‍රහයකු සිටීම හෝ 07 අධිපතියා 07 හෝ 10 උච්ච වීමක්‌ හෝ යහපත් විවාහයකට මඟ සලසයි. ශනි 07 නම් විවාහය ප්‍රමාද විය හැකියි.
08 වැන්න වූ කලී මාරක ස්‌ථානයයි. 07 වැන්නෙන් 02 කවූ 08 වැන්න ආයුෂ කෙරෙහි බලපාන්නේය. පාප ග්‍රහයකු සතුරුව හෝ නීචව 08 ට ආවිට බිරිඳට අපල සිදුකෙරේ. 08 වැන්නේ ග්‍රහයකු නොසිටීම වඩාත් හොඳයි. කේaන්ද්‍රයේ ස්‌ථාන 12 න් නරකම ස්‌ථානය මෙයවේ. බුධ – ශුක්‍ර 08 සිටීම තරමක්‌ හෝ සැනසිල්ලකි.
පුන්‍යස්‌ථානය නොහොත් භාග්‍යස්‌ථානය ලෙස 09 වැන්න සැලකේ. උසස්‌ දැනුම, බුද්ධිමත් බව, ඉගනීමේ කටයුතු, ආගම ධර්මයට ලැදි වීම, පිං කිරීම, පියාට සැලකීම, ඥdති මිත්‍ර සම්බන්ධතා, වන්දනා ගමන්, විදේශ ගමන් බිමන්, දරුවන්ගේ දියුණුව ආදී තොරතුරු 09 න් සොයා බැලේ. 09 සිටින ග්‍රහයන් අශුභ තත්ත්වයක්‌ උදා නොකරයි.
කේන්ද්‍රයේ 10 වැන්න කර්මස්‌ථානයයි. තම ක්‍රියාකාරීත්වය පෙන්වන්නේ 10 වැන්න බලවත් නිසාය. රැකීරක්‍ෂා දියුණුව ගැන 10 න් බැලිය යුත්තේය. රවි 10 සිටීම විශේෂ බලයක්‌ ගෙනදෙයි. ලෞකික ලෝකෝත්තර වශයෙන් දියුණුව සැලසේ. උසස්‌ පහත් ගතිගුණ ක්‍රියාත්මක වන්නේ මෙම ස්‌ථානයේ ඇති තත්ත්වය අනුවයි.11 වැන්න අයස්‌ථානයයි. රැකියාවෙන් ලබන ආදායම – දුප්පත්කම, පොහොසත්කම, මෙහි ඇති බල දුබල කම් අනුව නිශ්චය කෙරේ. මාධ්‍ය කටයුතු, පොත්පත් ලිවීම ග්‍රන්ථකරණය, සමාජ සේවා කාර්යයන්, පිළිබඳව 11 න් බැලිය යුතුවේ. විවාහය ගැනද 11 න් කියෑවෙයි. හිතවතුන් ආශ්‍රයට ලැබීම සිකුරු 11 සිටීමෙන් සිදුවේ. රාහු 11 සිටීමෙන් වැඩිවන සැපසම්පත් උදාකර දෙයි. හදිසි ධන ලාභ – ලොතරැයි ජය ගැනද 11 න් බැලිය යුතුය.12 වැන්න වැයස්‌ථානය වන අතර සියලු වියදම් මින් ගම්‍ය වෙයි. බුධ – ශුක්‍ර 12 සිටීමෙන් වැය අධිකවේ. සකසුරුවම් කමක්‌ නැත. රාහුද 12 සිටීමෙන් වැය බර වැඩී, ණය වීමට සිදුවේ. ශනි , කේතු 12 සිටීමෙන් සකසුරුවම නිසා යම් සහනයක්‌ උදාකරයි. 12 වැන්නෙන් විදේශ ගමන්ද ඇති කරයි. ගමරට හැර යැම 12න් බැලිය යුතු වෙයි. කේතු 12 සිටින විට ධනය ලබයි. බුද්ධිමතකු වේ.ග්‍රහයන්ගේ ශුභ – අශුභ ස්‌ථාන අනුව සහ ශුභ දෘෂ්ටි බල දුබලකම් අනුව කේන්ද්‍ර හිමියාට හොඳ නරක ගෙනදෙයි.
උපුටා ගැනීම දිවයින
