මාස හයෙන් පසු දරුවාට පෝෂණීය සුප් එකක්
ප්‍රථම කිරි බින්දුව දරුවකු බිහිවන ඇසිල්ලේම මවකගේ පියයුරෙන් ප්‍රථම මවුකිරි බිඳුව ශ්‍රාවය වෙනවා. ඇත්තෙන්ම එය ඉතාම සුළු ප්‍රමාණයක්. මෙම ශ්‍රාවය සාමාන්‍ය මවුකිරිවල පැහැයට වඩා වෙනස්. එය කහ පැහැයක් ගන්නවා. මෙය ශ්‍රාවය දරුවාට අනිවාර්යයෙන්ම දිය යුතුයි. එයට හේතුව දරුවාගේ බුද්ධිය වර්ධනය වන පෝෂක වර්ග, දරුවා විෂබීජ වලින් ආරක්‍ෂා කරනු ලබන සියලුම පෝෂක වර්ග තිඛෙනවා. මෙම ක්‍ෂීර ද්‍රාවණය කොලෙස්ට්‍රම් ලෙස හඳුන්වනවා. අම්මාගේ ආදරය කොලෙස්ට්‍රම් පෝෂකය ශ්‍රාවය වීම හිතේ හැටියට සිදුවන්නේ නැහැ. ඒ සඳහා මවට දැනෙන උත්තේජනය වැදගත් වෙනවා. ඉන් පළමු වැන්න මවගේ සිතෙහි දරුවා කෙරෙහි ඇතිවන ආදරයයි. දරුවා පිළිබඳ ඇතිවන මුල්ම හැඟීමයි. දෙවැන්න දරුවා පියොයුර උරා බොන විට එහි ඇතිවන උත්තේජනයයි. මුල් මාස හය කිරි විතරයි මෙලෙස මවුකිරි හොඳින් ශ්‍රාවය වීම සඳහා අවට පරිසරයත් හේතුවක් වනවා. ආරක්‍ෂාව, ආදරය, කරුණාව, වේදනාව අඩුවීම, හොඳ සෞඛ්‍ය මට්ටමකින් යුතුව සිටීම වැදගත්. මේ නිසා දරුවකුට මුලින්ම ශ්‍රාවය වන මවුකිරි ස්වල්පය අනිවාර්යයෙන්ම ලබාදීම ඉතාම වැදගත්. ඒ වගේම ලෝක සෞඛ්‍ය සංවිධානය නිර්දේශ කර තිඛෙන ආකාරයට සහ ශ්‍රී ලංකා පවුල් සෞඛ්‍ය සේවය නිර්දේශ කර තිඛෙන ආකාරයට අනිවාර්යයෙන්ම දරුවාට මාස 6ක කාලයක් වනතුරු මවුකිරි දීම අනිවාර්යයි. මවු කිරි දෙන්න බැරි හේතු මෙලෙස මාස 6ක කාලයක් අනිවාර්යයෙන්ම දරුවාට මවුකිරි ලබාදිය යුතු වුවත් කරුණු දෙකක් මත දරුවාට මවුකිරි හැර අමතර ආහාර ලබාදීම ගැන සලකා බලන්න පුළුවන්. දරුවාගේ වර්ධනය අඩාල නම් සහ මව රැකියාවකට යනවා නම් මෙලෙස නොකඩවා මාස 6ක් මවුකිරි දීමට නොහැකි වෙනවා. ඒ වගේම තමයි ආහාරයක් ගැනීම කියන්නේ ඉතාම සංකීර්ණ ක්‍රියාවලියක්. ආහාර කැබැලි කිරීම, දිව මත රෝල් කිරීම, ඇඹරීම ආදිය ඉතාම සංකීර්ණයි. ඒ නිසාම දරුවා ඒ සඳහා හුරුකිරීම මාස 6ක ඉඳලම පටන් ගන්න අවශ්‍යයි. අමතර ආහාර මාස 10ක් පමණ වනතෙක් ලබාදෙන මේ ආහාර වේල අමතර ආහාර ලෙසද හඳුන්වනවා. එම අමතර ආහාර වේල අවුරුද්දක් පමණ කාලයක් යනතුරු ලබා දෙනවා. නමුත් අවුරුද්දකට පසුව මෙම ආහාර වේල ප්‍රධාන ආහාර වේල් 3ක් ලෙස ලබාදීම ගැටලුවක් නොවේ. මාස 6දී ලබාදෙන ආහාර වේලත් සාමාන්‍ය ආහාර වේලකට වඩා වෙනස් වනවා. ඉතා මෘදුවට පොඩි කරගත් උකු, කැඳ ස්වභාවයේ දියරමය ආහාරයක් විය යුතුයි. මුල්ම සතියේ පමණ රතු බත් ඛෙරි කර උයා ඉන් වේලක් හෝ දෙකක් අමතර ආහාර ලෙස කුඩා දරුවාට ලබා දෙනවා. මෙය දරුවාට ආහාර හඳුන්වා දීමේ මුල්ම පියවරයි. පෝෂණීය සුප් එකක් මේ ආහාරයෙන් සති දෙකකට පමණ පසුව එයට විවිධ දේවල් එකතු කරනවා. "ප්‍රෝටීන්, විටමින්, ඛනිජ, මේදය" අඩංගු ආහාර මේ අනුව දරුවාගේ ආහාර වේලට එකතු වනවා. මෙයට හොඳම උදාහරණය තමයි පෝෂණීය සුප් එක. මෙම පෝෂණීය සුප් එක පහත පරිදි සකස් කළ හැකියි.
කැරට්, වට්ටක්කා, පලා වර්ග කිහිපයක්, හාල්මැස්සන්, කුඩා මාළු, කුකුළු මස් කැබැල්ලක්, මුං ඇට, කවුපි, පරිප්පු ඇතුළු ඇට වර්ග කිහිපයක් පෝෂණ සුප් එකට අඩංගු වනවා. සීනි, ලුණු එපා මෙම සුප් එකට සීනි, ලුණු අඩංගු නොවීම වැදගත් කරුණක්. ලුණු හෝ සීනි අඩංගු වීමෙන් රසය තීව්‍ර වන නිසා දරුවා ඒ රසට හුරු වනවා. එවිට යම් හෙයකින් රසයේ වෙනසක් සිදු වුවහොත් දරුවා ආහාරය ප්‍රතික්‍ෂේප කරන්න ඉඩ තිඛෙනවා. මේ නිසා ලුණු සහ සීනි අඩංගු නොකිරීමට වග බලා ගැනීම ඉතාම වැදගත්. බිත්තර දෙන්න මාස 6ක් සම්පූර්ණ වූ දරුවාට 7 වැනි මාසයේ සිට බිත්තර ලබාදීම යහපත්. බදින ලද බිත්තර, තැම්බූ බිත්තර යනාදී ලෙස දරුවාගේ ආහාර රුචිය වර්ධනය වන පරිදි බිත්තර ආහාරයට එකතු කිරීම වැදගත්. බිත්තර කැබැලි වශයෙන් බත් සමඟ මිශ්‍ර කර ආහාරයට ලබාදීමටත් හැකියි. නමුත් යම් යම් අසාත්මිකතා වලින් පෙළෙන දරුවකුට නම් බිත්තර සුදුමදය ඉවත් කර කහමදය පමණක් ලබාදීම වෛද්‍ය උපදේශයයි. ඒ වගේම මාස 5ක්, 6ක් වන විට දරුවා තෙල්වලට පුරුදු කිරීමත් හොඳයි. බටර්, මාගරින්, පොල් තෙල් ආදී ඕනෑම තෙල් වර්ගයකට දරුවා හුරු කිරීම වැදගත්. ප්‍රධාන කරුණු දෙකක් කෙසේ වෙතත් අවධානය යොමුකළ යුතු ප්‍රධාන කරුණු දෙකක් තිඛෙනවා. ඉන් පළමු වැන්න තමයි පෝෂණය. වැඩෙන වයසේ දරුවකුට වැඩි පෝෂණයක් අවශ්‍යයි. නමුත් වැඩිහිටි කෙනකුට වගේ දරුවකුට විශාල ආහාර ප්‍රමාණයක් එකවර ගන්න අමාරුයි. ඒ නිසාම සුළු ආහාර වේලකින් වැඩි පෝෂණයක් ලබාදීමට මවුපියන් වග බලා ගැනීම වැදගත්. ඒ වගේම තමයි වයසත් සමඟ ලබාදෙන ආහාර ප්‍රමාණය වැඩි කරනවා වගේම ආහාරවල ඝනත්වයත් ටිකෙන් ටික වැඩි වෙන්න අවශ්‍යයි. දරුවාගේ ඇහැ පිනවන, ආහාර රුචිය වඩවන ආහාර ලබාදීමට මෙහිදී වැඩි උනන්දුවක් දැක්වීම සුදුසුයි.
වෛද්‍ය ජයරුවන් බණ්ඩාර සෞඛ්‍ය අමාත්‍යංශය
හංසි ආටිගල
උපුටා ගැනීම මව්බිම පුවත් පත
