අකළට මහලු වීමත් කෘෂ බවත් නැති කරන ඉන්නල

ඇතැම්විට අල විවිධ රසයන්ගෙන් අනූනව පවතින නිසා මේ කියන්නට යන අල වර්ගය ගැන ද එසේ වෙනමම රසයක් ඇති බව කිව යුතුයි. බතල, මඤ්ඤොක්කා, හුලං කීරිය, හිඟුරල, කිරි අල වැනි අල මෙන් දිවට සුපුරුදු රස ඉන්නල තුළින් ඇති වන්නේ නැත. මෙහි පවතින බෙහෙත් රසය කටට අපි‍්‍රය කරන බව සමහරු කියයි. ඖෂධීය ගුණ පවතින මේ ඉන්නලවල රසය ඇති කිරීමට නම් හොඳින් තුනපහ එකතු කළ යුතුයි. මේ බව කියන්නේ වෛද්‍ය මංගලා මහලේකමයි.

බෙහෙත් රසය නිසා අපි‍්‍රයයි.

ඉන්නල ව්‍යංජනය පිළියෙල කරන විට එහි පොත්ත ඉවත් කළ යුතුයි. ගෝනියක් තුළට ඉන්නල දමා පොළොව ගසා පොතු ඉවත් කර ගැනීම සිදු කළ යුතු වෙනවා. ඊට අමතරව පොත්ත රැහැල ද ඉවත් කර ගත හැකියි. ඇතැමුන් ඉන්නල තම්බා ආහාරයට ගනු ලැබේ. එහෙත් මෙහි ඇති බෙහෙත් රසය නිසා ඇතැමුන් අපි‍්‍රය කරන අතර හොඳින් තුනපහ එකතු කර කිරි දමා රසවත්ව පිසගත හැකියි.

ප්‍රෝටීන් බහුලයි

අනෙකුත් අල වර්ගවලට වඩා පිටි ගතිය අඩු අල වර්ගයකි. තෙල් හා සීනි ප්‍රමාණය අඩුවෙන් ඇත. ප්‍රෝටීන් බහුලව ඇත. ඒ නිසා ශක්තිය වැඩියි. විටමින් හා ඛනිජ ලවන වලින් බහුලව ඇත. අනෙකුත් අලවලට වඩා යකඩ ප්‍රමාණය වැඩියි.

ඖෂධීය ගුණ

පිටි ගතිය අඩු නිසා දියවැඩියාවට ගුණ දෙයි. ශක්තිය වඩයි. නීරක්තිය නැති කරයි. ශරීරයේ බලය වඩයි. කම්මැලිකම දුරලයි. කෑම රුචිය වැඩි කරයි. අජීර්ණය නැති කරයි. අස්ථි හා දත් ශක්තිමත් කරයි. සම පැහැපත් කරයි. අධික තරබාරුව නසාලයි. රුධිර වාහිනී ගත රෝගවලට ගුණදායකයි. රුධිරයේ කොලෙස්ටරෝල් අඩු කරයි. ඇස් පෙනීම දුරු කරයි. මල බද්ධය නැති කරයි. අධික රුධිර පීඩනයට ගුණ දෙයි. අධික නිදිමත දුරු කරයි. සන්ධි රෝග නැති කරයි. අකලට මහළුවීම නැති කරයි. වකුගඩු රෝගීන්ට ගුණදෙයි. කෘෂබව නැති කරයි. මුත්‍රා දැවිල්ල නැති කරයි. ප්‍රෝටීන් ඌනතා මන්දපෝෂණයට ගුණදායකයි. මාංශපේශීන් හොඳින් වර්ධනය කරයි.

අවුරුද්දට ඉන්නල

අලුත් අවුරුද්දට කෑම මේසයට පිළිගන්වන හත් මාළු ඉතාමත් ප්‍රකට ව්‍යංජනයකි. එය රසයෙන් මෙන්ම ගුණයෙන් ද ඉහළයි. විවිධ එළවළු වර්ග එකතු කර සාදනු ලබන හත් මාළුව ඉන්නල ද එක් එළවළුවක් ලෙස ජනපි‍්‍රය වී ඇත. මෙහි ඇති ගුණාත්මක බව නිසා ආහාරය පෝෂණයෙන් පරිපූර්ණ කරයි.

100g ක අඩංගු පෝෂණය