ආයුෂ කෙටි කරන ප්ලාස්ටික් ජල බෝතල්.
අද වන විට බොහෝ දෙනා ප්ලාස්ටික් උපකරණ භාවිතයට නැඹුරු වී ඇත. විශේෂයෙන් ප්ලාස්ටික් ජල බෝතල් භාවිතය උග්‍ර වී ඇත. බොහෝදෙනා එදිනෙදා පහසුවෙන් කරගෙන යාම සඳහා නවීන උපකරණ භාවිත කරති. එදා උණුකර නිවාගත් හෝ ළිඳෙන් ගත් ජලය පානය කිරීම පුරුදු වූ මිනිසා අද බෝතල් කළ පානීය ජලයට පුරුදුව සිටී. එහෙත් එය කොතරම් ශරීරයට අහිතකරද යන්න ඔවුන් සිතන්නේ නැත. අද භාවිත කරන නවීන පන්නයේ විදුලි උපකරණ මිනිස් ශරීරයට කෙතරම් අහිතකරද? කාර්යබහුල ජීවන රටාව නිසා අපගේ කෑම බීම පරිහරණය කරන භාණ්ඩ ද සම්පූර්ණයෙන් නවීකරණය වී ඇත. මහන්සියක් හා කාලය වැය කිරීමක් නැතිව ක්ෂණික ප්‍රතිඵල ලබාදෙන උපකරණ භාවිතයට සමාජය පෙළඹී ඇත. ඒ අතර බෝතල් කළ පානීය ජලය මුල් තැනක් ගනී. දැනට සොයාගෙන ඇති පරිදි බෝතල් කළ පානීය ජලය විෂකාරක සුළු මට්ටමේ සිට සැලකිය යුතු ප්‍රමාණයක් දක්වා වෙනස් වන පරිදි අන්තර්ගත වේ. මෙය බොහෝ විට බෝතල් කිරීම සඳහා යොදාගන්නා ප්ලාස්ටික් බෝතලය හා එහි මූඩිය මගින් එක්කෙරේ. මෙහි ප්‍රධාන විෂකාරක දෙකකි.
Bisaprolol A සහ රසායනික නිෂ්පාදන සංඝටක Micro Plastic ප්ලාස්ටික්
නිෂ්පාදනයට ගන්නා රසායනික ද්‍රව්‍ය මෙම ද්‍රව්‍ය කෙළින්ම බෝතල් කළ ජලයට
බෝතලය මගින් එක්කරන අතර ජලය ගබඩා කර තිබෙන කාලය සහ ආකාරය අනුව විසරණය
වැඩිවේ. මෙවැනි රසායනික ශරීරගත වීමෙන් හා සාන්ද්‍රගත වීමෙන් පිළිකා අවදානම
වැඩිවෙනවාට අමතරව අධික ස්ථූලභාවය, අධික රුධිර පීඩනය සහ දියවැඩියාව වැනි
හෝර්මෝන ආශ්‍රිත රෝග අවදානම වැඩිවීම සිදුවේ. නවතම සොයාගැනීම් මගින් පෙනීයන
ආකාරයට මෙහි අන්තර්ගත සමහර රසායනික ශරීරයේ ඊස්ටජන් හෝර්මෝනයේ
ක්‍රියාකාරිත්වයට සමාන ක්‍රියාකාරකම් සිදුකරන බැවින් මදසරු බවට හේතුවිය
හැක. බෝතලය පරණවත්ම හා සූර්යා ලෝකයට කෙළින් නිරාවරණය වීම මගින් අන්තර්ගත
ජලයට එක්වීම වැඩි වේ. මේ නිසා වතුර ගබඩා කිරීමට ප්ලාස්ටික් බෝතල් හා ටැංකි ද
ආහාර ගබඩා කිරීම සඳහා ප්ලාස්ටික් ඇසුරුම් භාවිතය ද අවම කළ යුතුය. විකල්ප
ලෙස වීදුරු බෝතල් සහ ස්වභාවික භාජන භාවිතයට ගත යුතුය. කෙසෙල් කොළ වැනි
දේවල් භාවිතය වඩාත් සුදුසුය. ප්ලාස්ටික් බෝතල් නැවත නැවත භාවිතය නොකළ
යුතුය.
