මෝහනයෙන් ප්රතිකාර කෙරෙන්නේ කෙසේද?
ප‍්‍රවීණ ජ්‍යොතිර්වේදියෙකු වන
කේ. ඒ. යූ. සරත්චන්ද්‍ර මහතා ඕරාව හා විශ්වශක්ති ප්රතිකාර ගැන සුවිශේෂී
අත්දැකීම් ඇත්තෙකි. ආධ්‍යාත්මික උපදේශක වරයෙක්ද වන ඔහු ස්වාභාවික
විශ්වශක්ති ප්රතිකාර කරයි. නවීනතම ත‍්‍රිමාණ ඕරා ස්කෑනර් යන්ත‍්‍ර ඔහු
සතුව ඇති අතර රේකී මාස්ටර් කෙනෙක් හා ප‍්‍රානික් හීලර් කෙනෙක් හැටියටද
සුප‍්‍රකට මෝහනවේදියකු ලෙසද සහතික ලබා ඇත.
මෝහන ප‍්‍රතිකාරය යනු
නවීන විද්‍යාවෙන් පවා තහවුරු කළ ක‍්‍රමවේදයකි. මිනිස් මොලයේ ක‍්‍රියාත්මක
වන අදියර 4 ක් ඇත. එම අදියර 4 ඇල්ෆා, බීටා, ටීටා, ඩෙල්ටා වශයෙන් හැඳින්වේ.
මේවා මොලයේ තරංග ක‍්‍රියාත්මක වන ආකාරය වන අතර, බීටා හර්ට්ස් 15-38 අතරත්,
ඇල්ෆා හර්ට්ස් 8-12 අතරත්, ටීටා හර්ට්ස් 3-8 අතරත්, ඩෙල්ටා හර්ට්ස් 0.2- 3
දක්වාත් වේ. සාමාන්‍යයෙන් අප සිතන පතන ක‍්‍රියාකාරකම් සිදුවෙන්නේ බීටා
අවස්ථාවේ වන අතර, තීන්දු තීරණ ගැනීම, පසිඳුරන්ගේ ක‍්‍රියාකාරිත්වය, මේ
තත්ත්වය යටතේ සිදුවේ. ඇල්ෆා තත්ත්වය මීට තරමක් ඉහළින් ක‍්‍රියාත්මක වේ.
මෙයින් නිර්මාණශීලී අදහස්, සිතුවිලි ක‍්‍රියාවන් බවට පත්කිරීමේ හැකියාවන්
පවතී. මේ අවස්ථාව සැහැල්ලූ අවස්ථාවක් වන අතර, මානසික සුවයක් ඇති කළ හැකි
අවස්ථාවකි. අප සාමාන්‍යයෙන් ක‍්‍රියාත්මක වන්නේ මේ අවස්ථා දෙකෙහිය. ටීටා
අවස්ථාව යනු සාමාන්‍යයෙන් භාවනා කරන අවස්ථාව වැනි මනස එක්තැන් කරන
අවස්ථාවකි. සිහින දකින අවස්ථාවද මේ, මේ අවස්ථාවේ යටිසිත තරමක් දුරට
ක‍්‍රියාකරයි. ඩෙල්ටා අවස්ථාව යනු සුවබර නින්දකට සමානය. මේ අවස්ථාවේ ශරීරය
හා මනස අලූත්වැඩියාවකට භාජනය කෙරේ. යටිසිත සම්පූර්ණයෙන් අවදිවේ. සිත අතීතයට
හා අනාගතයට යැවිය හැක්කේ මේ අවස්ථාවේදීය. ඒවාගේම මනසට යෝජනා ග‍්‍රහණය කර
ගැනීමේ හැකියාව මේ අවස්ථාවේදී ඇති කරයි. මෙම යෝජනා භාවාත්මක, භෞතිකමය
වශයෙන් හැඳින්වේ.
මෝහනයේදී යමෙකු මේ ඩෙල්ටා අවස්ථාවට පත් කරනව
අතර ඉන්පසු සුවකිරීමේ හැකියාව හා යෝජනා තැන්පත් කිරීමේ හැකියාව ඇති කරයි.
උදාහරණයක් වශයෙන් ඔබට තුවාලයක් ඇතැයි සිතන්න, අධික වේදනාවක් ඇතිවිට
නිදිපෙති දෙන්නේ ඇයි. ඉක්මනින් නින්දට යෑමෙන් ඒ තුවාලය සුවවන නිසාය. එවිට
වේදනාව ද අඩුවේ. සැත්කමක් කරනවිට සිහිනැති කරවන්නේත් මේ නිසාය. මෝහන
ප‍්‍රතිකාරවලට පෙර අදාළ පුද්ගලයා ඉක්මන් නින්දකට පත් කළ යුතුය. මෙය
සාමාන්‍යයෙන් අපි නිදන නින්දකට වඩා වෙනස්ය. ඔබ නිදාගත්විට සිදුවන කිසිවක්
ඔබ නොදනී. නමුත් මෝහන නිද්‍රාවකදී එසේ නොවේ. මෝහනය අතරතුර මෝහනවේදියා කියන
බොහෝ දේවල් ඔබට ඇසේ. අවට ශබ්ද පවා ඇසේ. සිදුවන එකම දේ නම් මනස
සැහැල්ලූවීමයි. නැත්නම් ඩෙල්ටා අවදියට පත්වීමයි. මෝහනය වූ පසුව සිත එක්
තැන්වේ. එබැවින් කරනු ලබන යෝජනාවලට එකඟවන්නට සිදුවේ. මෝහනයේදී පත්වන
තත්ත්වයට ප‍්‍රගමනය යයි කියනු ලැබේ. මෝහනය කිරීමට වඩාත් පහසු හා ඉක්මන්
ක‍්‍රම රාශියක් ඇත. ඇස ආකර්ෂණය කිරීම, කන හෙවත් වචනය ආකර්ෂණය කිරීම,
ස්පර්ශය වැනි ක‍්‍රමවලින් ක්ෂණිකව කෙනෙක් මෝහනයට පත් කළ හැක. තමා මෝහනය
කිරීමට යන බව දන්වා කෙනෙකුව මෝහනය කිරීම වඩාත් සුදුසු ක‍්‍රමයකි.
මෙහිදී ඩෙල්ටා අවස්ථාවට පත්වූ පසුව කෙනෙකුට ඕනෑම ප‍්‍රතිකාරයක් කළ හැක.
අපි කලින් ලිපිවල සඳහන් කළ රේකී හා ප‍්‍රානික් හීලින් පවා වඩාත් හොඳින් කළ
හැක. එසේම රෝගියාව අතීත ප‍්‍රගමනයකට ගෙන ගොස් අතීතයේ නීරෝගීව සිටි කාලයේ
ඔහුගේ තත්ත්වය ඔහුට ලබාදෙන්නට පුළුවන. ”මා දැන් මීට අවුරුදු 10 කට කලින්
අතීතයට ඔබව රැුගෙන යනවා. ඒ කාලයේ ඔබ නීරෝගීමත්, අන්න ඒ තත්ත්වයේ තමා දැන්
ඔබ ඉන්නෙ.” මෙසේ පැවසූවිට පවා රෝග සුවවේ. ඊට හේතුව බොහොමයක් රෝග කායිකව
මෙන්ම මානසිකව ද බලපාන බැවිනි. සමහරක් රෝග කායිකව සුවවී ඇතත් මානසිකව සුවවී
නැති අතර රෝගියා තමා තවමත් සුවවී නොමැති බව සිතයි.
වේදනාත්මක
තත්ත්වයන් සඳහා මෝහන ප‍්‍රතිකාරය වඩාත් සුදුසුය. කොන්දේ අමාරුව, හිසේ රුදාව
වැනි තත්ත්වයන් යෝජනාවකින් වුවද සුවපත් කළ හැක. ශාරීරික පීඩාවලට මෝහන
ප‍්‍රතිකාරය වඩාත් සුදුසුය. ඒවාගේම මානසික රෝගවලට ඊටත් වඩා සුදුසුය.
ඇබ්බහිවීම්වලට විශේෂයෙන් මත්ද්‍රව්‍යවලට වඩාත් සුදුසුය. එසේම ලිංගික ගැටලූ
නිසා ඇතිවන විවාහ ප‍්‍රශ්නවලට ද මෝහන ප්රතිකාර වඩාත් යහපත්ය. ඉගෙනගන්නා
දරුවන්ගේ බුද්ධිය සම්බන්ද කටයුතුවලට මෝහන ප‍්‍රතිකාරයෙන් ඉතාමත් යහපත්
ප‍්‍රතිපල ලබාගත හැක. සමාජය තුළ වැඩියෙන්ම ඇත්තේ මානසික රෝගීන්ය,
බොහෝදෙනෙක් තමා මානසික රෝගයකින් පෙලෙන බවක්වත් නොදනී. එවැනි අයට මෝහන
ප‍්‍රතිකාරයෙන් ලද හැකි උපකාරය ඉතාමත්ම වටිනා එකකි.
ප‍්‍රවීණ ජ්‍යොතිර්වේදී, ආධ්‍යාත්මක පර්‍යේෂක, රේකී මාස්ටර් කේ. ඒ. යූ. සරත්චන්ද්‍ර
උපුටා ගැනීම සිළුමිණ
උපුටා ගැනීම සිළුමිණ
