මෝඩයන්ට දිව්‍යලෝකෙ පේන්නේ නෑ....
අම්පාරේ එක්තරා ප‍්‍රාදේශීය රෝහලක හෙද නිලධාරිවරයෙක් සමගින් වයස අවුරුදු හතරක පුංචි දැරියක් කතාකරමින් සිටියා. පුංචි වුණත් ඒ දැරිය හරිම බුද්ධිමත්. හෙද නිලධාරිවරයා දැරිය රැවටීමට උත්සාහ කළා. එවිට දැරිය කිව්වා ‘‘ඔයා මාව රවට්ටන්න බොරු කියනවා. බොරු කියන්න එපා හොඳ නෑ. එතකොට අපායට යනවා. ඇත්ත කියන අය දිව්‍ය ලෝකෙට යනවා’’ කියා ‘‘හා එහෙනම් කියන්න කොහෙද දිව්‍ය ලෝකෙ තියෙන්නේ ’’ හෙද නිලධාරිවරයා විමසුවා. ‘‘දිව්‍ය ලෝකෙ තියෙන්නෙ අහසේ’’ දැරිය කිව්වා.
‘‘කෝ නෑනේ මට පේන්නේ’’ උඩ බලමින් හෙද නිලධාරිවරයා පැවසුවා.
‘‘දන්නැද්ද මෝඩයන්ට දිව්‍ය ලෝකෙ පේන්නේ නෑනේ ’’කටකාර දැරිය පවසා සිටියා. අවසානයේ හෙද නිලධාරිවරයා මුහුණ රතු කරගෙන හිමිහිට මාරු වෙලා ගියා.
