ඔබට ගැලපෙනම සහකරුවා ඔබට හමු වී ඇති බව පෙන්වන ලක්ෂණ 14ක්

ගැලපෙන කෙනා එක පාරින් හොයාගන්න වාසනාවන්ත අය ඉන්නවා, නමුත් වැඩි දෙනෙක්ට අත්දැකීම් වැඩි ප්‍රමාණයකින් පස්සෙ තමයි තමන්ගෙ සැබෑ සහකාරයාව තෝරා ගන්න සිද්ධ වෙන්නේ. මේ ගැන විවිධ අය විවිධ කතා කියන්න පුලුවන්, නමුත් අපි කාටවත් මිනිස්සු දැක්ක ගමන්ම අඳුරාගන්න හැකියාවක් නැහැ. සමහර අයට ඒකට අවුරුදු ගාණක් ගත වෙනවා වෙන්න පුලුවන්. එහෙම කාලෙකට පස්සෙ හරි තමන්ට ගැලපෙන්නේ නැති කෙනෙක් කියලා තේරුම් ගත්තාම තමන්ට හානි කරන තමන්ගේ සතුට අහිමි කරවන එවැනි සබඳතා වලින් දුරස් වෙන්න ඔබට හැකියාව තියෙනවා.

නමුත් මිනිසුන්ගේ සමහර හැසිරිම් වලින් කල් තියාම ඔවුන් ගැන කියන්න පුලුවන්කමත් තියෙනවා. සමහර විට මේ ලකෂණ කල් තියා හඳුනා ගත්තොත් ඔබට ඔබේ සම්බන්ධතාවය වඩාත් යහපත් එකක් බව දැනගන්නට හැකියාව ලැබේවි. අපි අද ඔබට ඉදිරිපත් කරන්නේ එවැනි ලක්ෂණ 14ක්.

01. ප්‍රසිද්ධියේ ඇඟෑලුම්කම් පෙන්වීම
ප්‍රසිද්ධියේ ආදරය ප්‍රකාශ වෙන විදියට හැසිරීම හොඳ දෙයක් ද නරක දෙයක් ද? මෙයින් ඇත්තටම සතුටින් ඉන්න ජෝඩුවක්ව පෙන්වනවද? අධ්‍යන වලින් නම් කියන්නේ ඔව් කියලා. තමන්ගේ ෆේස්බුක් ප්‍රොෆයිල් එකට තමන් සහ සහකරු එකට ඉන්න ඡායාරූපයක් දාලා තියනව නම්, නිතරම අනෙක් අයත් එක්ක තමන්ගෙ සම්බන්ධතාවය ගැන කතා කරනවා නම්, ප්‍රසිද්ධ ස්ථාන වලදීත් ආදරණීය විදියට හැසිරෙන්න පැකිලෙන්නේ නැතිනම් ඒකෙන් කියන්නේ තමන්ගේ සම්බන්ධතාවය සැඟවීමට කිසිම හේතුවක් නොමැති බවයි. එවැනි සම්බන්ධතා විශ්වාස කිරීම පහසුයි.

02. සිප ගන්නා ආකාරය
‌සිප ගැනීම කියන්නේ ආදරය කරන අය අතර ආදරය වැඩි කරවන රොමැන්තික ක්‍රියාවක්. ඔබට කෙනෙක් සිප ගන්නකොටම ඒක කොයි තරම් අවංක එකක්ද නැතිද කියලා දැනෙනවා. සිප ගන්නා වෙලාවට ඇස් පියාගෙන, සෙමින්, කාලය ගනිමින් දිගු වේලාවක් සිප ගන්නා අය ඉතාම විශ්වාසනීය සම්බන්ධතා පවත්වන බව කියනවා.

‌03. අඩුවෙන් කෙටි පණිවිඩ යැවීම වැඩි දේවල් අදහස් කරනවා
සමහර අයට තමන් කියන දෙය තමන්ගෙ සහකරුට ඇත්තටම වටහලා දෙන්න ඉතාම දිග මැසේජ් යවන්න සිද්ධ වෙනවා. නමුත් සමහරුන්ට කෙටි වචනයකින් දෙකකින් එකිනෙකා වටහා ගන්න හැකියාව තියෙනවා. මේ වගේ අය එකිනෙකා හොඳින් ගැලපෙනවා.

04. සමාන විනෝදාංශ තිබීම
සාමාන්‍යෙන් කියන්නෙ විරුද්ධ දේවල් එකිනෙක ආකර්ෂණය වෙනවා කියලනේ. නමුත් එකිනෙකට සමාන ආශාවන්, විනෝදාංශ තිබීමත් ඉතා වැදගත්. එවිට එකට විනෝද වීමේ අවස්ථාව හිමි වෙනවා. ඔබට සහ ඔබේ සහකරුට සමාන විදියේ පෞර්ෂයන් තියෙනවා කියලා කියන්නේ ඔබ සමාන අවස්ථාවන් වලට සමාන විදියට ප්‍රතිචාර දක්වනවා. මිතුරන් ආශ්‍රයට, විනෝද වීමට එක විදියේ ප්‍රතිචාර දක්වන විට එකට ජීවත් වෙන්න ලේසියි.

05. ඔබ හොඳ ආරංචිත් නරක ආරංචිත් දෙකම ඔබේ සහකරු එක්ක බෙදා ගන්නවා
ඔබට හදිස්සියේ සුභ ආරංචියක් හෝ නරක ආරංචියක් ලබුණාම ඒක කියන්න මුලින්ම මතක් වෙන්නෙ ඔබේ සහකාරයාව නම්, ඒකේ අදහස ඔබ ඉන්නෙ ඉතාම ගැලපෙන සහකරු එක්ක කියන එකයි. ඔබේ සතුට බෙදාගන්න සහයෝගය දෙනවා නම්, ඔබත් එක්ක සතුටු වෙනවා නම්, දුකේදී ඔබව සනසනවා නම්, අඬන්න ඔබට උරහිස දෙනවා නම්, එහෙම කෙනෙක් එක්ක තමයි ඔබ ජීවිතයම ගත කරන්න අවශ්‍ය. ඔබ දුකක් සැකක් බයක් හෝ සතුටක් ඇතිවෙන වෙලාවට ඒක ඔබේ සහකරුට කියන්න මැළිකමක් දැනෙනවා නම් ඒ කියන්නේ ඔබ දෙදෙනා අතර විශ්වාසය මුළුමනින්ම තහවුරු වෙලා නෑ කියන එකයි.

06. ඔබ සමහර වෙලාවට රණ්ඩු කරගන්නවා
ආදරය කරන අය රණ්ඩු කරන එක වැරැද්දක්ද? ඇත්තම කතාව ඒක හොඳ දෙයක් කියන එකයි. රණ්ඩු ඇති වෙනවා කියලා කියන්නේ ඒ අය තමන්ගේ හිතේ තරහ තියාගෙන ඉන්නේ නෑ. සුසාන් පීස් ගඩෝවා කියන මනෝ චිකිත්සිකාව විශේෂයෙන් උපදෙස් දෙන්නේ විවාහ සහ දික්කසාද පිළිබඳ ප්‍රශ්න වලදීයි. ඇය කියන විදියට ඔබ ප්‍රේම සම්බන්ධයක ඉන්නවා නම්, තවමත් ඔබ අතර කිසිදු රණ්ඩුවක් බහින්බස් වීමක් ඇති වෙලා නැතිනම් ඒකේ තේරුම ඔබ තවම එකිනෙකාට තමන්ගේ සැබෑ තත්වය පෙන්වාගෙන නොමැති බවයි. රණ්ඩු කරනවා යන්නෙන් අදහස් කරන්නේ ශාරීරිකව නෙවෙයි. ඕනෑම යුවලක එකඟ නොවීම් තියෙනවා. ඒවා හයියෙන්, ඔබේ මානසික ආවේගයේ හැටියට පිට කරගන්න අවකාශය තියෙනවා කියෙන්නේ විශාල සහනයක් නේ. ඒ වගේම සද්දඑන් කතා කරන්නේ හැමදාම එකම කෙන නම් අනෙක් කෙනාට ඒ අවස්ථාව නැතිනම් ඒකත් ඒ තරම් හොඳ සම්බන්ධයක් නෙවෙයි.

07. ඔබ එකිනෙකාව ධෛර්‍යමත් කරනවා
ඔබ අලුත් කෑමක් හදන්න ඉගෙන ගන්නවා වුණත්, අලුත් සංගීත භාණ්ඩයක් වාදනය කරන්න ඉගෙන ගන්නවා වුණත් ඔබේ සහකරුවා ඊට ඔබව අනුබල දෙනවා නම්, අගය කරනවා නම් ඒකෙන් කියන්නේ ඔබට ඉතාම පරාර්ථකාමී සහකරුවෙක් ඉන්නවා කියන එකයි.

08. ඔවුන් එකිනෙකාගෙ ඇස් දිහා බලනවා
ඔබ හිතනවා නම් ඔබට ඔබේ සහකරුගේ ඇස් දෙක දිහා ඕන තරම් වේලාවක් බලාගෙන ඉන්න පුලුවන් කියලා හිතනවා නම්, ඔබ දෙදෙනා අතරේ ගැඹුරු ආදරයක් තියෙනවා. මෙය පර්‍යේක්ෂණයකින් පවා ඔප්පු වෙලා තියෙනවා. 1970 සික් රුබින් නම් ප්‍රකට සමාජ මානව විද්‍යාඥයා විසින් ආදරය කරන ජෝඩු ලොක් කරන ලද කාමරයක රඳවා පර්‍යේක්ෂණයක් කළා. එහිදී හෙළි වුණේ ඒ තරම් දැඩි සම්බන්ධයක් නැති අය එකිනෙකාගේ ඇස් දිහා බලාගෙන ඉන්නේ මුළුකාලයෙන් 30%-60%ත් අතර කාලයක් වුණත් දැඩි ලෙස ආදරය කරන අය මුළු කාලයෙන් 75%ක් පමණ එකිනෙකාගේ ඇස් දිහා බලාගෙන සිටින බවයි. ඒ වගේම පිටතින් බාධාවක් පැමිණිවිට එකිනෙකාගේ ඇස් වල ග්‍රහණයෙන් ක්ෂණිකව මිදීමටත් ඔවුන් අසමත් වුණා.

09. ඔබට ඔවුන් නැතුව ඔබේ අනාගතය කෙබඳු වේදැයි හිතාගන්නවත් බෑ
‌අනාගතය ගැන හිතනකොට ඔබේ සහකරු නැතිව එය මවා ගන්න බැරි නම්, ඔබ වයසට යන හැටි, දරුවන් හදන හැටි ආදිය ගැන හැම වෙලේම හිතන්නේ ඔබේ සහකරු සම්බන්ධ කරල නම් ඔබට තියෙන්නේ ඉතාම සෞඛ්‍ය සම්පන්න ආදරයක්.

‌විවාහ වෙන යුවලක සැමියා සහ බිරිඳ විවාහයෙන් පස්සේ හැමදාම එකම විදියට ඉන්නේ නැහැ. වසරකින් වසට 5කින් 10කින් මිනිසුන් වෙනස් වෙනවා. වඩාත් සතුටින් ඉන්න යුවලවල් එකිනෙකාගේ මේ වෙනස්කම් වලට ඉතාම්යහපත් ලෙස හැඩගැහෙමින් එකිනෙකාගේ පෞර්ෂත්වයේ වර්ධනයන් දරා ගන්නවා සහ හඳුනා ගන්නවා.

10. ඔබ එකිනෙකා ගැන ඉතාම රහසිගත දේවල් පවා දන්නවා
ඔබ දෙදෙනාම එකිනෙකාගේ රහස් දන්නව. එහෙම දන්නේ ඔබට තනිව රහස් අනෙකාගෙන් සඟවාගෙන සිටීමට නොහැකි නිසා. අපේ සියලුම නරක රහස් පවා දැනගෙන අපිව පිළිගන්න කෙනෙක් එක්ක ජීවත් වෙන එක ඉතාම සහනයක්. ඒවා හෙළි වෙයි කියලා බයෙන් ඉන්නහේතුවකුත් නෑ. ඒ වගේම ඒ වගේ සම්බන්ධතා වලට පිටතින් හානි වෙන්න පුලුවන් ඉඩකඩත් ඉතාම අඩුයි.

11. ඔබට ඔවුන් එක්ක ඉදිද්දී ඔබේ සැබෑ ස්වරූපය පෙන්වන්න පුලුවන්
ඔබ ඔබේ සහකරු එක්ක ඉදිද්දී විශේෂයෙන් අමුතු හැසිරීමක් දක්වන්න අවශ්‍ය නැතිනම්, ඒ වගේම ඔබේ ළමා හැසිරීම් සියල්ල ඉවසන කෙනෙක් නම් එයිනුත් හැඟවෙන්නේ ඔබ ඉතාම නීරෝගී සම්බන්ධයක ඉන්න බවයි. ඒ වගේම ඔබට දුක සතුට තරහ බාධාවක් නැතිව ප්‍රකාශ කරගන්න පුලුවන් වීමත් ඉතාම වැදගත්.

ඔබේ හැසිරීම, ක්‍රියාවන්, පුරුදු කොයි තරම් අසාමාන්‍ය වුණත් ඔබට එක විදියට ආදරය කරන්න පුලුවන් කෙනෙක් ලබන්න පුලුවන් නම් ඒක ඉතාම වාසනාවක්. එතකොට ඔබට ඔබේ ජීවිතය පුරාම ඔබ නොවන චරිතයක් මව පාන්න අවශ්‍ය වෙන්නේ නෑ.

12. ඔබට එකම විදියේ විහිලු වලට හිනා යනවා
‌මිනිස්සුන්ගේ විකට රසය එකිනෙකට වෙනස්. සමහර අයට මෝඩ විහිලු වලටත් හිනා යනවා, තවත් අය කැමති ටිකක් ගැඹුරු විහිලු වලට. ඔබ දෙදෙනාටම එකම විහිලු වලට එකම්සිදුවීම් වලට හිනා යනවා නම් ඒකෙන් කියන්නේ ඔබ දෙන්නා දිගු කාලයක් ඉතා සතුටින් ජීවත් වීමට නියමිත බවයි. එක්තරා සඟරාවකින් කරපු සමීක්ෂණයකින් හෙළි වුණා සතුටින් ඉන්න යුවල වලින් 75%ක් ම දිනකට එක් වතාවක් හෝ එකට හිනාවෙන බව.

13. ඔබ දෙදෙනා අතර හොඳ ශෘංගාරයක් තියෙනවා
ප්‍රේම සම්බන්ධයක ඉතාම වැදගත් දෙයක් තමයි ලිංගිකත්වය. බොහෝ විට විවාහයෙන් පස්සේ එකිනෙකා ගැන තියෙන ශෘංගාරාත්මක හැඟීම් අඩුවෙලා යනවා දකින්න පුලුවන්. නමුත් මේක බලපාන වෙනත් හේතුත් තියෙනවා, කාන්තාවන් ගෙදර වැඩපලට වලට සහ දරුවන්ගේ දේවල් වලට පමණක් කාලය වැය කිරීම එයට ප්‍රධාන හේතුවක්. එහෙම වුණත් සමහර අය ඉන්නවා වයසට ගියත් එකිනෙකා ගැන තියෙන උනන්දුව අඩු නෑ.

නිරෝගි විවාහ දිවියක් ගත්කරන යුවලකට සතියකට වරක් හෝ ලිංගික ක්‍රියාකාරකම් වල නිරත වීම රුපියල් ලක්ෂයක් ලැබුණා වගේ සතුටක් එක් කරන බවයි සමීක්ෂණ වලින් කියන්නේ. ඒ වගේම ඒ හැර එකිනෙකාගේ අත් අල්ලා ගැනීම, සිප ගැනීම, තුරුලු කර ගැනීම, සුරතල් කිරීම ආදිය මගිනුත් සම්බන්ධතාවයේ මේ කොටස ශක්තිමත් වෙනවා.

14. සමහර දේවල් වලදී නම්‍යශීලි වෙනවා
ඔබට ඔබේ සහකරු නැතිව ඉන්න බැරි නම්, සමහර කොන්දේසි ඉදිරියේ නම්‍යශීලි වෙන්න සිදු වෙනවා. මේකේ තේරුම දාලා යාවි කියන බයට බැගෑපත් වෙනවා කියන එක නම් නෙවෙයි. තේරුම් ගන්න උත්සහ කරන එකයි. සමහර දේවල් අපට කොයි තරම් හිතුවත් සාධාරණීකරණය කරන්න බෑ අපේ කෝණෙන්. එතකොට අනෙකාගේ කෝණයෙන් ඒවා සාධාරණ වෙන්න පුලුවන්ද කියලා හිතලා බලන්න නම් අනෙකා ගැන විශාල ආදරයක් ඔබට තියෙන්න ඕන.

උපුටා ගැනීම රැජිණිය