ලගදි විවාහ වෙන්න ඉන්නවා නම් ඔයාගේ විවාහය ලස්සනට කරගන්න මේ ටික වැදගත් වෙයි

විවාහ වෙන දිනය කියන්නේ කෙනෙක්ගේ ජීවිතයේ වටිනම වැදගත්ම දවස කිව්වොත් නිවැරදියි. ඉතින් මේ වැදගත් දවස සුන්දර දවසක් කර ගන්න තමයි හැම යුවලකගෙම හීනය. ඒ වුනාට ගොඩක් අය ඔවුන්ගේ මංගල දිනය සැලසුම් කරනකොට සැලකිලිමත් වෙන්න අතපසු කරන ඒත් අනිවාරෙන්ම සැලකිලිමත් වෙන්න ඕනේ දේවල් කිහිපයක්ම තියෙනවා. ඔයා ලගදි විවාහ වෙන්න බලාපොරොත්තුවෙන් ඉන්නවා නම් මේ පොදුවේ කරන වැරදි ටිකෙන් වැලකෙන්න.

සම්ප්‍රදාය මතම පමනක් විශ්වාසය තැබීම.
යුවලක් ඔවුන්ගේ විවාහ දිනය සැලසුම් කරනකොට, ඒ සිද්ධියට සම්බන්ධ සියලුම දේවල් සාම්ප්‍රදායිකව කරන්න උත්සාහ කරනවා නම් ඒක ගැටළුකාරියි. අපි මේ කියන්නේ සිරිත් විරිත් මගහැරිය යුතුයි කියන එක නෙමෙයි. උත්සවයේ සියලුම සැරසිලි, ගීත, ඒවගෙම නර්තන ආදි සියලුම දේවල් සම්ප්‍රදාය පදනම් කරගෙන කරනවා නම් ඔයාගේ මංගල උත්සවය නීරස වෙන්න පුලුවන්. සම්ප්‍රදායට ගරු කරමින් ඔබේ උත්සවය සැලසුම් කරාට වරදක් නැහැ. ඒත් ගොඩක් ඈත අතීතයට යන්න උත්සාහ කරන්න එපා. සම්ප්‍රදායට අනුව යමින් නවීන ආකාරයට ගැලපෙන විදියට ඔයගේ උත්සවය සංවිධානය කරන්න.

උත්සව සභාව මෙහෙයවන්නා.
උත්සව සභාව මෙහෙයවීමට පිටතින් කෙනෙක් ගෙන්වනවා නම්, උත්සවයට පෙර ඔහුත් සමග සාකච්ඡා කරන්න. ඔබ කවුද යන්න සහ ඔබට අවශ්‍ය කුමක්ද යන්න පිලිබද ඔහුව දැනුවත් කරන්න. මොකද පැමිනෙන අමුත්තන් කොයි ආකාරද යන්න පිලිබද හොදින්ම දන්නේ ඔබයි.

මංගල දිනයට පසු උත්සව.
විවාහ මංගල්‍යට පසු දිනම ඔබේ දෙවනි දවස හෝ වෙනත් මංගල්‍යට සම්බන්ධ උත්සවයක් පැවැත්විමට තීරණය කර තියෙනවා නම් එය ඇත්තටම සුදුසු නැහැ. මොකද මංගල දිනයේ කියන්නෙ හැගීම් වගෙම ආතතියෙන් පිරිලා තියෙන දවසක්. ඒ දවසට පසුව යුවලට අනිවාරෙන්ම දවසකවත් විවේකයක් අවශ්‍යයි. ඒනිසා දිනක දෙකක විවේකයක් ගෙන පසුව එම උත්සව පවත්වන්න.

පොදු ස්තාන වල විවාහ උත්සව පැවැත්වීම.
විවාහ උත්සවය කියන්නේ සුන්දර හා ආදර හැගීම් දනවන සිදුවීමක්. ඉතින් එවැනි පෞද්ගලික කටයුත්තකට සෙනග ගැවසෙන පොදු ස්තානයක් තෝර ගන්න එක එතරම් සුදුසු නැහැ. එවිට නාදුනන අය ඔබේ ඡායාරූප නැරඹිමට, ඔබේ අමුත්ටන්ට කතා කිරීමට වගෙම උත්සවයට සහභාගි වෙන්නත් උත්සාහ කරන්න පුලුවන්. එවැනි තත්වයක් මගහරවා ගන්න ඔබම වෙන කර ගත් ස්තානයක ඔබේ මංගල උත්සවය පවත්වන්න.

කතා වලට වැඩි කාලයක් ගත කිරීම.
මංගල සභාවකදි පවත්වන කතා ඉතාමත් දිගු ඒවා නොවිය යුතු බව මතක තබා ගන්න. ඒවා වඩා දිගු වීමෙන් ඔබේ මංගල උත්සවය නීරස එකක් වගෙම පැමින සිටින අයට එපා වුන එකක් වෙන්න පුලුවන්. ඒ නිසා සභාව ඇමතීමට සිටින අයට ඉතාම කෙටියෙන් ඔවුන්ගේ කතාව අවසන් කරන ලෙස කලින්ම දැනුවත් කරන්න.6. මංගල සැලසුම් ප්‍රමාද කිරීම. බොහෝ යුවලවල් සිතන්නේ තමන්ට ඇති තරම් කාලයක් තියෙනවා, ඒ නිසා කලබල වෙලා මංගල්‍ය සැලසුම් කරන්න ඕන නැහැ කියලයි. නමුත් ඒක වැරදියි. ඔබ සියල්ල කිරීමට අවසාන මොහොත වෙන තෙක් සිටියහොත් කාලය මදි වෙන්න පුලුවන්. අවසානයට වෙන්නේ මංගල දිනයේදි ඔබ හෙම්බත් වී ආතතියට පත් වීම විතරයි.

වෘත්තිය කැමරා ශිල්පියකුගේ සහාය නොගැනීම.
මුදල් කාලය ඉතිරි කර ගැනීමට සිතලා ඔබේ ලස්සන දවස විනාශ කර ගන්න එපා. අනවශ්‍ය වියදම් කපා හැරීම වැදගත්. නමුත් ජීවිතයට එක් වරක් පමනක් පැමිනෙන මංගල දිනය සුන්දර ඡායාරූප වලට හා වීඩියෝවක සටහන් කර ගැනීමට දක්ෂ වෘතිමය ඡායරූප ශිල්පියකුට බාර දෙන්න. එය ඔබේ ඉතිරි ජීවිත කාලයටම නැවත නැවත නැරඹිය හැකි සුන්දර මතකසටහන් ලෙස තබා ගන්න පුලුවන්.

අධික ලෙස මත්පැන් පානය කිරීම.
ඔබේ සුන්දර දවස අසුන්දර එකක් වෙන විදියට, ඔබව පාලනයෙන් තොර වෙන විදියට මංගල දිනයේදි මත්පැන් පානය කරන්න එපා. විශේෂයෙන්ම මනමාල පාර්ෂවය. ඔබට උණුසුම්, ආදරණීය හා ආකර්ෂණීය වටපිටාවක් නිර්මාණය කර ගැනිමට අවශ්‍ය නම් අඩු ඇල්කොහොල් ප්‍රමානයක් පානය කරන්න.

මංගල කණ්ඩායම සදහා දරුවන් තෝර ගැනීමේදි.
කුඩා දරුවන්ව මේ සදහා තෝර ගැනීමේදි දැනුම් තේරුම් තියෙන වයසේ දරුවන් තෝරා ගන්න. ඒවගෙම පැය ගණනාවක් රස්තියාදු වීම නිසා දරුවන් බොහෝ නිරාහාරව හෙම්බත් වෙන්න පුලුවන්. ඒනිසා දරුවන්ට අවදානය යොමු කරන්න හා ඔවුන්ගේ අවශ්‍යතා සොයා බලන්න කලින්ම යම් කෙනෙක්ට බාර දෙන්න.

සෑම දෙයක්ම ඔවුන් විසින්ම සංවිධානය කිරීම.
සමහර මනාලියන් වෙනත් කිසිම කෙනෙකුව විශ්වාස නොකරන අතර සෑම දෙයක්ම තමා විසින්ම කිරීමට උත්සාහ කරනවා. එවැනි විටෙක වෙන්නේ මනාලිය බොහෝ වෙහෙසට පත් වී මානසික පීඩාවට ලක් වීමයි. ඒ නිසා සෑම දෙයක්ම ඔබම කිරීමට උත්සාහ නොකර විශ්වාසවන්ත කිහිප දෙනෙකුට එම වැඩ කටයුතු පවරන්න.

එළිමහනේ මංගල උත්සව පැවැත්වීම.
තමන්ගේ විවාහ මංගල දිනයේදී කාළගුණය කෙරෙහි සම්පුර්ණ විශ්වාසය තැබීමට කිසිම යුවලකට බැහැ. මොකද කාළගුණය මොහොතින් වෙනස් වෙන්න පුලුවන්. ඒ වගෙම හිරු එළියට හා සුලන් වලට ඔබේ පෙනුම විනාශ කර දමන්නත් හැකියාව තියෙනවා. ඒනිසා ඔබේ ඡායාරූප පමනක් එලිමහනේ ගැනීමට සුදානම් කර උත්සවය ඇතුලතක පවත්වන්න.

මධුසමය සංවිධානය නොකිරීම.
විවාහ මංගල්‍යක් සංවිධානය සදහා ඔබ බොහෝ උත්සාහයක් හා ශක්තියක් දරනවා. ඒවගෙම විවාහයට පසුව විවේකයක් ලබා ගැනීමට මධුසමයද අනර්ඝ ලෙස සැලසුම් කිරීමට අමතක කරන්න එපා.

විවාහය උත්සවාකාරයෙන් සැමරුවේ නැහැ.
විවාහ උත්සවය කියන්නේ ජීවිතයේ එන වැදගත්ම උත්සවය කිවොත් නිවැරදියි. ඒනිසා එය මගනොහැර සමරන්න උත්සාහ කරන්න. නැතිනම් පසුකාලිනව ඔබට පසුතැවීමක් ඇති වෙන්න පුලුවන්. එය බොහෝ මුදල් වියදම් කරමින් අධිසෝඛෝපභෝගීව ගැනීමට අවශ්‍ය නැහැ. ඔබට හැකි ප්‍රමානයෙන් සරලව සුන්දරව සමරන්න.

මංගල ඡායාරූප ගැනිමේදි.
ඔබ සමරන උත්සවය කුමක්ද යන්න අමතක කරන්න එපා. සෑම දෙයක්ම ඔබේ රුචි අරුචිකම් මත සංවිධානය කරන්න. ඒවගෙම ඔබට ඇත්තටම අවශ්‍යදේ තේරුම් ගැනීමට හා ඔබේ නිර්භීත අදහස් සෑබෑ කර ගන්න බිය වෙන්නත් එපා. මේ දවස ඔබගෙයි. ඒ නිසා එය සුවිශේෂි විය යුතුයි.