This site has features that require javascript. Follow these simple instructions to enable JavaScript in your web browser.
Sithmal Yaya
කිරි හරක් දැක්කොත් ධන ලාභ
සිහිනයකින් විවිධ දේ ඉඟිකරනවා. ඔබට භාග්‍ය හෝ අභාග්‍ය උදාවෙයිද යන්නත්, ඉදිරි ජීවිතය කෙසේද යන්නත් සිහිනෙන් හඳුනාගත හැකිය. ඔරුවකින් එගොඩවී යනවා සිහිනෙන් දැකීම. • ඔබ යම් අනතුරකට මුහුණ පෑමට සිදුවිය හැකිය. ඒ නිසා පරෙස්සම් වීම ඉතාම වැදගත් වේ. අෑත ප්‍රදේශයකට යනු දැකීම. • ඔබට දැනට තිබෙන තනතුරු අහිමිවී සිටින තැනින් පහළට ඇද වැටේ. කැඩපතකින් මුහුණ බැලීම සිහිනෙන් දුටුවිට. • ගර්භණී මවක් මේ සිහිනය දුටුවේ නම් ඇයට බුද්ධිමත් දරුවන් ලැබේ. තරුණ කාන්තාවකට නම් ඇයට ප්‍රේම සම්බන්ධතාවක් ඇතිකර ගැනීමට අවස්ථාව උදා වේ. කිකිළියක් පැටවුන් සමඟ සිටිනවා දුටුවහොත්. • ප්‍රේමය හා විවාහ සබඳතා සාර්ථක වේ. කිඹුලකු සිහිනෙන් දුටුවිට. • සතුරු කරදර ඇති වේ. පොත්පත් කියවීම. • ප්‍රේම සම්බන්ධතා සාර්ථක වීම, වෙළෙ¼දාමෙන් වාසි සැලසීම සිදු වේ. කිරි හරක් පට්ටියක් දැකීම. • ඔබට හදිසි ධන ලාභ ලැබේ. ඒදඬු දැකීම හෝ ඒදණ්ඩකින් ඇද වැටෙනවා සිහිනෙන් දුටුවිට. • ඔබට අලාභහානි සිදුවේ. ධන සම්පත් හීන වී යයි. ඔරලෝසුවක් සිහිනෙන් දුටුවොත්. • ඔබට වස්තු ලාභ ලැබේ. තරුණ කාන්තාවක් සිහිනෙන් දැකීම. • කීර්ති ප්‍රශංසා හා ධන ලාභ ලැබේ. සිහිනෙන් හඬනවා දුටුවිට. • ඔබ කරන කියන කටයුතු අසාර්ථක වන බවට ඉඟියකි. ආචාර්යවරුන් සිහිනෙන් දුටුවිට. • රාජ්‍ය අනුග්‍රහය ලැබේ. රාජ්‍ය සම්මාන පවා ලැබීමට ඉඩ ඇත. තම ශරීරය ඉදිමී තිබෙනවා සිහිනෙන් දුටුවිට. • සැප සම්පත් ලැබීමට ස්ත්‍රී සම්බන්ධතා ඇතිවීමට මෙම සිහිනය ඉඟිකරයි. අම්බලම් සිහිනෙන් දැකීම. ඔබට විපත් කරදර ඇති වේ. සහකාරිය වෙන් වී යයි. ජලය පානය කරනවා දුටුවිට. • අනපේක්‍ෂිත ධන ලැබීම්, ගරු සැලකීම් ලැබීම් මෙම සිහිනයෙන් ඉඟි කරයි. අලුත් වස්ත්‍ර දුටුවාම. • ඔබට දියුණුව උදාවේ. නිල්, රතු ඇඳුම් ඇඳ සිටිනු සිහිනෙන් දුටුවිට. • බලාපොරොත්තු කඩවීම සිදුවේ. --- • යමෙක් බළලකු සිහිනෙන් දුටුවේ නම් මිතුරකු නිසා කරදරයකට පත්වීමට ඉඩ ඇත. • බල්ලකු දුටුවොත් බලාපොරොත්තු අවුල්සහගතභාවයට පත්වනු ඇත. උත්සාහවන්තභාවයෙන් කරන කටයුතු ප්‍රතිඵල රහිත වේ. • බුරන බල්ලකු සිහිනෙන් දුටුවොත් යම්කිසිවකු සමඟ ඇති කර ගන්නා සම්බන්ධතාවකින් විපුල පල ලද හැකිවනු ඇත. • බල්ලකු සපා කෑම පිළිබඳ සිහිනයක් දුටුවේ නම් හිතවත් කෙනකු විරුද්ධ වීමට බෙහෙවින්ම ඉඩ ඇත. • උෟරන් සිහිනෙන් දුටුකල හදිසි විෂක් හා රෝදුක් ඇතිවේ. • උකුස්සන් සිහිනෙන් දුටුවිට සැප සම්පත් හීනවී දුක් ‍ෙදාම්නස් ඇති කෙරේ. • කකුළුවන් සිහිනෙන් දැකීමෙන් වෙර වීර්යය අඩු කෙරේ. බලාපොරොත්තු අසාර්ථක වනු ඇත. චිත්ත සන්තාපයෙන් යුතුව කටයුතු කිරීමට සිදුවේ. • කොටළුවන් පිට උඩ යෑම හෝ දක්කාගෙන යෑම සිහිනෙන් දැකීමෙන් අන්‍යයන්ගේ කේලම් බස් කරණකොට ගෙන චිත්ත වේදනා ඇති කෙරේ. • කොටියකු හීලෑ කරනවා දුටුවිට සිය අදහස් මුදුන්පත් වනු ඇත. • කොටියකු සමඟ පොරකනු දිටී නම් ජයග්‍රහණය ලැබීමට හා සැප සම්පත් ලැබීමට ඉවහල් වනු ඇත. • එළුවකු සිහිනෙන් දැකීමෙන් විරුද්ධවාදීන් ඇතිවීමට බෙහෙවින් ඉඩ තිබේ. අන්‍යයන්ගේ ප්‍රයෝගවලට හසුවීමටද බෙහෙවින් ඉඩ ඇත. • එළදෙනක් සිහිනෙන් දුටුවිට අනාගත සුබ සිද්ධියට ඉවහල් වන වැඩපිළිවෙළකට පසුබිම සකස්වනු ඇත. • බූරුවකු සිහිනෙන් දැකීම කරදරකාරී ප්‍රශ්න ඇති කෙරේ. යුගදිවි ගමනට බාධක සහිත වෙයි. • බැටළුවන් සිහිනෙන් දැකීම නිසා විරුද්ධවාදීන්ගෙන්ද උදවු උපකාර ලබා ගැනීමට හැකිවනු ඇත. • වලසා සිහිනෙන් දැකීමෙන් හිත මිතුරන් සමඟ අමනාපකම් බෙහෙවින්ම ඇතිකෙරේ. • ඇතා සිහිනෙන් දැකීමෙන් සිතැඟි ඉටුවී ජයග්‍රහණයට බෙහෙවින්ම ඉවහල් වනු ඇත. • සිංහයා සිහිනෙන් දුටුවොත් වැදගත් ක්‍රියාවකදී නායකත්වය ලැබෙනු ඇත. බහුජනයා අතර සම්මාන ලැබීමටද අවස්ථාවක් උදාවනු ඇත. • සුදු අශ්වයා සිහිනෙන් දැකීමෙන් හදිසි ධන ලාභ ලැබීමට ඉවහල් වන කාල පරිච්ඡේදයක් උදා වෙයි. • කළු අශ්වයා ඔබ සිහිනෙන් දුටුවොත් බලාපොරොත්තු අසාර්ථක වීමට හා චිත්ත සන්තාපයට පත්වන සිදුවීම් තුළින් උදාසීන භාවයට පත්වනු ඇත. • දුඹුරු පැහැ අශ්වයා සිහිනෙන් දර්ශනය වූයේ නම් කාර්යය හානියට මෙන්ම මන්දෝත්සාහී භාවය ඇති කිරීමට ඉවහල් වනු ඇත. • කුළු හරකා සිහිනෙන් දැකීමෙන් සතුරු කරදරයක් කරණකොටගෙන අපහසුතාවට පත්වීමට බෙහෙවින් ඉඩ ඇත. • වඳුරා සිහිනෙන් දර්ශනය වුණොත් ඔබට සමීප හිතෛෂීවන්තයකු විසින් පවුලේ සමඟි සමාදානය පලුදු කිරීමට ක්‍රියා කරනු ඇත. • රිළවා දුටුවොත් සතුරු බලපෑම්වලට ලක්වීමට මෙන්ම ශරීර සෞඛ්‍යයේ දුර්වලතා නිසා අපහසුතාවට පත්වනු ඇත. • නරියන් සිහිනෙන් දැකීම නිසා දුක් කරදර පීඩා පාඩු අලාභහානි ආදිය ඇතිවේ. • කිඹුලන් සිහිනෙන් දැකීම නිසා සතුරු බලපෑම් ක්‍රියාත්මක වෙයි. සොර බියද ගෙනදේ. • ගෝනා දුටුවොත් රහස් අනාවරණය වීමට මෙන්ම අන්‍යයන් සමඟ මතභේද ඇති කිරීමටද ඉඩ ඇත. • ඉත්තෑවා සිහිනෙන් දර්ශනය වීම නිසා වැඩකටයුතු අවුල්සහගතභාවයට පත්වීම, ධන හානි වීම, ව්‍යාපාර කටයුතුවලින් පාඩු සිදුවීම ආදී ග්‍රහ ප්‍රතිඵල ඇති කෙරේ. • ගිරවා සිහිනෙන් දැකීමෙන් ඔබගේ හිතවතකු ඔබ හා අමනාප වනු ඇත. • මොනරා දැකීමෙන් පවුලේ ඥාති වර්ගයාගේ සම්බන්ධයෙන් ධනය ලැබීමට ඉවහල් වනු ඇත. • හාවා සිහිනෙන් දර්ශනය වීමෙන් මිතුරු ඇසුරෙන් තමාගේ අභිවෘද්ධිය ඇති කෙරෙනු ඇත. • මුගටියා සිහිනෙන් දර්ශනය වීමෙන් ලැජ්ජා භය නොමැති දුෂ්ට කාන්තාවන් නිසා අපවාද ඇසීමට සිදුවනු ඇත. • පරෙවියා දැකීමෙන් ප්‍රේම සම්බන්ධතා මල්පල ගැනීම සිදුවනු ඇත. • මුවා දැකීමෙන් ඔබට එරෙහිව සතුරු බලපෑම් එල්ල වීමට ඉඩ ඇතත් එය නිෂ්ප්‍රභ වනු ඇත. ජේ‍යාතිෂ විද්‍යා පණ්ඩිත (ජනාධිපති සම්මානලාභී) කොස්ගොඩ ජේ.පී. ද සොයිසා උපුටා ගැනීම මව්බිම