නිතර වෙහෙස දැනෙන හේතු 12ක්...
බොහෝ දෙනෙක් නිතරම ඉන්නේ මහන්සියෙන්. නමුත් තම දෛනික පුරුදුවල වැරැදි එයට හේතු වන බව ඔවුන් දන්නේ නැහැ. ඒ වගේම ආහාර රටාව සහ ජලයත් එයට බලපානවා.
01. මහන්සිය දැනෙන විටම ව්‍යායාම නැවැත්වීම
ව්‍යායාම කරමින් සිටින විට මහන්සියක් දැනුනොත් එක්වරම ව්‍යායාම නැවත්වීම බොහෝ දෙනාගේ පුරුද්දක්. ඒ නිසාම පසු කලෙක නිතර නිතර මහන්සිය ඇතිවෙනවා. ඒ නිසා ව්‍යායාම නවතන විටම ඉහිල් වීමේ ව්‍යායාමත් කළ යුතු බව මතක තබාගන්න.
02. පමණට වතුර පානය නොකිරීම
දිනකට හැකි පමණ ජලය පානය කරන්න. ජලය පානය මඳ වූ විට සම වියළෙනවා. ශ්වසනය අකර්මණ්‍ය වෙනවා. එයින් නිතර නිතර වෙහෙස ඇතිවිය හැකියි.
03. යකඩ මදි වීම
යකඩ සිරුරට අත්‍යවශ්‍යම පෝෂකයක්. සිරුර වර්ධනය වීමට අවශ්‍යම වර්ධක හෝර්මෝනයක් වන තයිරොක්සීන් නිපදවීමට යකඩ ඉතාම වැදගත් වනවා. යකඩ හීම් යකඩ සහ හීම් නොවන යකඩ ලෙස වර්ග දෙකකි. යකඩ අවම වූ විට හෝර්මෝන ගැටලු ඇතිවන බැවින් මහන්සිය ඇතිවෙනවා.
04. වැඩ අධික වීම
ඇඟ වුවද මොළය වුවද වෙහෙසවා වැඩ කරන විට එයද මහන්සිය ඇති වීමට හේතුවක් වනවා.
05. බිය වීම
බොහෝ පුද්ගලයන් ඉතාම සුළු දෙයකින් පවා බියට පත්වෙනවා. ආයතන ප්‍රධානියා හදිසි රැස්වීමක් කැඳවූ විට පවා බියට අසහනයට පත්වන අය සිටිනවා. එයද වෙහෙසට හේතුවක්.
06. උදේ ආහාර නොගැනීම
උදෑසන ආහාරය ඉතාම වැදගත්. නිසි පරිදි උදෑසන ආහාරය නොගත් විට සිරුර අප්‍රාණික වීම නිසා වෙහෙසට පත්වෙනවා.
07. කෙටි කෑම
බොහෝ දෙනකු කෙටි කෑම ආහාරයට ගැනීමට පුරුදු වී සිටිනවා. එහි ඇති තෙල්, සීනි, පිටි සහ අධික ලුණු සිරුරට අහිතකරයි. අධික තරබාරු, බෝ නොවන රෝග රැසකට මේවා හේතු වෙනවා.
08. "නෑ" කියන්නට නොහැකි වීම
බොහෝ දෙනෙක් නෑ, බෑ කියන්න බයයි. ඒ නිසා ඔවුන් සියල්ලම බදාගන්නවා. එයින් මනස අසහනයට පත්වෙනවා පමණක් නොවෙයි වෙහෙසටත් පත්වෙනවා.
09. කාර්යාලය අපිරිසුදු වීම
සේවය කරන ස්ථානය නිතර අපිරිසුදු වීමත් ඔබ වෙහෙසට පත්කිරීමට හේතුවක්. නිතර අස්කිරීමට සිදුවීම, ඒ පිළිබඳ සිතීම ඔබව වෙහෙසට පත්කරනවා.
10. විවේකය තුළත් වැඩ කිරීම
විවේක දිනයේදීත් බොහෝ දෙනා සේවා ස්ථානයේ සේවය කරනවා. එයින් නිදහසේ, විවේකයෙන් සිටීමට තිබෙන කාලය නැති වන අතර එය වෙහෙසට පත්වීමට හේතුවක්.
11. නිදන වේලාවේ විද්‍යුත් තැපෑල භාවිතය
නින්දට ගිය පසුව විද්‍යුත් තැපෑල භාවිත කිරීමට බොහෝ දෙනා හරිම උනන්දුයි. මේ නිසාම නින්දට තිබෙන කාලය අඩු වෙනවා.
12. අවදි වීමට පමා වීම
සෑම දිනකම පමාවී අවදි වීම නිසා අනෙක් කටයුතු වේගවත්ව කළ යුතු වෙනවා. එයින් ඔබ අනවශ්‍ය ලෙස වෙහෙසට පත්වෙනවා.
හංසි ආටිගල
මව්බිම
