This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
ගැහැනු මේ තරම් මහත් වෙන්නෙ ඇයි?
null

තරබාරුකම ඔබේ පෙනුමට වගේම නිරෝගී බවටත් හානි කරනවා. ඒ නිසා තරබාරුකම ගැන වගේම තරබාරුකම මට්ටු කරන ක්‍රම ගැනත් කතා කරන්නයි මේ සූදානම. තරබාරුකමට හේතු මොනවාද?
  • ආහාර වැඩියෙන් ගැනීම
  • ඇතැම් මානසික හේතු
  • ලෙස්ටින් නිෂ්පාදනය අඩුවීම නිසා ආහාර ගැනීමේදී මො...යට සංවේදනය අඩුවීම.
  • අධිකව මත්පැන් පානය (මේ නිසා ශරීරයේ සීනි තැන්පත් වී තෙල් බවට පත්වෙයි)
තරබාරුකම ආරයට යන රෝගයක්ද?
මවුපියන් වැඩියෙන් ආහාර ගන්නේ නම් ඔවුන් තරබාරුයි නම් දරුවන්ද එම ආහාර රටාවට හුරුවන නිසා දරුවන්ද තරබාරු විය හැකිය.

තරබාරුකම රෝගයක් වන්නේ ඇයි?
ඒ සඳහා ඔබ ඔබේ උසට සරිලන බර ප්‍රමාණය මැන බැලිය යුතුයි. එය මැනෙන්නේ ස්කන්ධ දර්ශකයෙනි. (ඕර්ධ් අගය) ඕර්ධ් අගය පැවතිය යුතු වන්නේ 18-23ත් අතරය. එම අගය 36ට වැඩි නම් ඔබට රෝග අවදානමක් ඇති බව ඉන් හැ'වේ. නමුත් ඕර්ධ් දර්ශකය යුරෝපීය රටවලට අදා... ලෙස සකස් කර ඇති නිසා අප රටවලට මෙය අදා... කරගන්නා විට මෙම අගයට වඩා අඩුවෙන් පැවැතිය යුතුය.

තරබාරුකම නිසා ඇතිවන රෝග මොනවාද?
  • දැනට හඳුනාගෙන ඇත්තේ පරිවෘත්තීය සින්ඩේ‍රා්ම් රෝග ලෙස දියවැඩියාව, අධික රුධිර පීඩනය, කොලෙස්ටරෝල් ආදියයි.
  • මේදය වැඩිවීමෙන් හෘද රෝග ඇති විට, රුධිර වහනය අඩුවීම හා හෘදයට රුධිරය සපයන න...වල තෙල් තැන්පත් වීමෙන් අංශභාග වැනි රෝග මතුවිය හැකිය.
  • ඇස් පෙනීම දුර්වල වීම.
  • ඔස්ටියෝ ආතරයිටිස් රෝග ඇතිවීම. (හන්දි ගෙවීම, ශරීරයේ හැඩය වෙනස්වීම නිසා කොන්දේ වේදනා හා ස්නායු තදවීම් වීම)
  • නහරවල පීඩනය අධික වීම නිසා නහර ගැට ගැසීම.
තරබාරුකම නිසා විශේෂයෙන් කාන්තාවන්ට ඇතිවන රෝග තිබෙනවාද?
ඔව්. තරබාරු වී තෙල් ශ්‍රාවය වීම වැඩිවන නිසා කාන්තාවන්ට පිත්තාශයේ ගල් ඇතිවීමේ වැඩි අවදානමක් ඇත.

කාන්තා පිරිමි දෙපිරිසටම විවාහයට පෙර බර අඩු කරගන්න කියන්නේ ඇයි?
ශරීරයේ තෙල් අධිකව තැන්පත් වීමෙන් දියවැඩියා රෝග ලක්ෂණ මතුවිය හැකියි. මේ නිසා දෙදෙනාටම නිසරු බවේ ලක්ෂණ මතුවිය හැකිය. සාමාන්‍ය බර අයකුට වඩා තරබාරු අයකුගෙන් නිසරු බවේ ලක්ෂණ දැකිය හැකිවීමත් මෙයට හේතුවකි.
• දරුවන්ට තරබාරුකම ආරයට යෑමද මින් අඩුවෙයි.

කාන්තාවගේ නිසරු බවට තරබාරුකම හේතුවක්ද? 
ඔව්. කාන්තාවන් තරබාරු වීම නිසා ඩිම්බ කෝෂ ඉදිමීම හෝ එහි ගෙඩි හටගැනීම නිසා නිසරු ලක්ෂණ පෙන්විය හැකිය.

පිරිමි අයට වඩා කාන්තාවන් තරබාරු වීම වැඩිද?
  • ඔව්. කාන්තාවන්ගේ ඊස්ට්‍රජන් හෝමෝනය හා තෙල් තැන්පත්වීම වැඩි නිසා පුරුෂයන්ට වඩා ඉක්මනින් මොවුන් තරබාරු වෙයි.
  • ගර්භණී සමයේදී වැඩිපුර ආහාර ගැනීම හා ශරීරයේ ජලය රඳවා ගැනීමත් තවත් හේතුවකි.
දරු ප්‍රසූතියෙන් පසුව කාන්තාවන් තරබාරු වුවත් නැවැත පෙර තත්ත්වයට පත්විය හැකිද?
ඔව්. ආහාර පාලනයෙන් හා නිසි ව්‍යායාමවල යෙදීමෙන් පෙර තත්ත්වයටම පත්විය හැකිය.

දරු ප්‍රසූතියෙන් පසු කොපමණ බරක් තිබිය යුතුද?
දරු ප්‍රසූතියෙන් පසුව මවගේ බර තිබුණු ප්‍රමාණයට වඩා කිලෝග්‍රෑම් 6ක් වැඩි නම් දියවැඩියාව ඇතිවීමේ අවදානමක් පවතියි. කිලෝග්‍රෑම් 6ට නොවැඩි විය යුතුයි.

තරබාරුකම වළක්වා ගන්නේ කොහොමද? 
ශරීරයට දැනෙන ලෙස හොඳින් ව්‍යායාම කරන්න. ආහාර පාලනය කරන්න. දිනකට පැයක්වත් හොඳින් ව්‍යායාම කරන්නේ නම් ආහාර පාලනයත් ඉබේම සිදු වෙයි.

ආහාර රටාව කෙසේ වෙනස් විය යුතුද?
මාස 6ක්වත් තෙල්, සීනි ආහාර පාලනය කර කලින් ගත් ආහාර ප්‍රමාණයට වඩා 2/3ක් පමණ අඩු කර දිනකට කෑම වේල් 5ක් ගන්න. ප්‍රධාන ආහාර වේල් 3ට අමතරව තෙල් හා සීනි රහිත කෙටි ආහාර වේල් 2ක් මෙයට අයත්ය.
  • සමබල ආහාර වේල් පොඩි ප්‍රමාණවලින් ගන්න.
  • බත් හැඳි 1 1/2ක් පලා හෝ මාළු වර්ගයක් සම' ගන්න.
  • රෑ කෑම ගත යුතු වන්නේ සවස 6ට පමණය.
  • අමතර ආහාර වේල් 2ක් උදේ 10ට හා සවස 4ට ගන්න.
  • කෙටි ආහාර වේල සඳහා සීනි අඩු තේ එකක් බිස්කට් එකක් සම' ගත හැකිය.
සාමාන්‍ය ආහාර රටාවකට හුරු වූ අයෙක් ආහාර පාලනය කරන්නේ කොහොමද?
එකවර ආහාර පාලනය සිරුරට දරා ගැනීමට අපහසු නම් නිතර කුසගින්න දැනෙන්නේ නම් රාත්‍රියට ස්නැක් වර්ගයක් හෝ පලතුරු වැනි කුඩා දෙයක් ආහාරයට ගන්න.

තරබාරුකම වළක්වා ගැනීමට නිරාහාරව සිටීම සුදුසුද? 
නැත. එය ඔබේ රෝග අවදානම තවත් වැඩි කරවයි. ශරීරයේ සාමාන්‍ය ස්කන්ධය එකවර අඩුවීම නිසා පපුවේ අමාරු පවා ඇතිවිය හැකිය. නිරාහාරව සිටීමෙන් තෙල් නිපදවීම වැඩිවන අතරම එය තවත් තරබාරු වීමට හේතුවක් වනු ඇත.

ආහාර ගැනීමට පෙර වතුර වීදුරුවක් පානය කිරීමෙන් ආහාර පාලනයක් සිදුවේද?
වතුර පානය කිරීමෙන් ආමාශය තරමක් පිරෙන නිසා වැඩිපුර ආහාර ගැනීම මින් වැලැක්විය හැකිය.

තරබාරු බව අඩු කිරීම සඳහා වෙලදපොලේ ඇති ඔෟෂධ හා පිටි වර්ග ගැනීම නුසුදුසුද? ඒ ඇයි?
මෙවැනි නිෂ්පාදන භාවිත කිරීම ශරීරයට අහිතකරයි. මෙවැනි ඔෟෂධ හා පිටි ගැනීම අක්මාවට හානි කරන නිසා එවැනි නිෂ්පාදනවලින් අෑත්ව සිටිය යුතුය.

උපුටා ගැනීම මව්බිම