හුනියමටත් වඩා හානිකර නිවසට පිටතින් එල්ලවෙන දෝෂ
වාස්‌තු විද්‍යාව යනු ගෘහ නිර්මාණ ශිල්පයයි. ගෘහය යනු නිවසයි. නිවස ඉදිකිරීමේදී අනුගමනය කළ යුතු වැදගත් රහස්‌ ක්‍රමයන් කීපයක්‌ වේ.
මෙම විද්‍යාව පිළිබඳව ප්‍රථමයෙන් ග්‍රන්ථයක්‌ රචනා කළ වාස්‌තු ශාස්‌ත්‍රෝපදේශකයන් හැටියට දහඅට දෙනකු සිටිය බව "අග්නි පුරාණ" නම් වූ ග්‍රන්ථයේ මේ ශ්ලෝකයෙන් පෙන්වා ඇත. එම නම් පාඨක ඔබගේ දැන ගැනීම සඳහා මෙසේ පෙන්වමි.හෘගුරත්‍රිවසිෂ්ටශව විශ්වකර්මා මයසථතා
නාරදෙ නග්නජිවෛචඤව විශාලාක්‍ෂඃ පුරනෑරඃ
බ්‍රහ්මා කුමාරො නන්දිසා
ශෞනකො ගර්ගඑවාච වාසුදේවො නිරුධශච තථා ශුක්‍ර බෘහස්‌පති අෂටාදශෛතෙ විඛ්‍යාතා වාස්‌තුශාස්‌ත්‍රොපදෙශකාඃ
ශෞනකො ගර්ගඑවාච වාසුදේවො නිරුධශච තථා ශුක්‍ර බෘහස්‌පති අෂටාදශෛතෙ විඛ්‍යාතා වාස්‌තුශාස්‌ත්‍රොපදෙශකාඃ
මෙහි නම් මෙසේය, භෘගු - අත්‍රි - වසිෂ්ට - විශ්වකර්ම මය - නාරද - නග්නජිත් - විශාලාක්‍ෂ - පුරන්දර - බ්‍රහ්ම - කුමාර - නන්දිෂ - ශෞනක - ගර්ග - වාසුදේව - අනිරුධ - ශුක්‍ර - බ්‍රහස්‌පති යන දහ අටදෙනා වෙති. මෙම සෘෂිවරුන් පෙන්වා දී ඇති ආකාරයට නිවසට බලපාන පිටතින් එල්ලවන බාහිර දෝෂයන් පිළිබඳ විස්‌තර මෙසේය. මේ රහස්‌ ඔබ නොදන්නා නිසා ඔබේ මනස සිත කිළිටි වන්නේ ඔබ මිය යන තුරාම ඔබ සිතා ගන්න.
මාර්ග වේධ දෝෂය :
මහා මාර්ගයක කෙලින් වංගුවක්‌ නිවසක ප්‍රධාන දොර වෙත එල්ල වීම මාර්ග වේධ දෝෂය වේ. මේ දෝෂය නිසා හිමියාට පමණක්‌ නොව නිවසේ වසන අයටද විපත් ඇතිවේ.
වෘක්‍ෂ වේධ දෝෂය :
නිවස ඉදිරිපිට ලොකු ගසක්‌ තිබී එම ගසේ සෙවනැල්ල නිවසේ ඉදිරිපිටට හා ප්‍රධාන දොරට වැටේද ඒ දෝෂය හේතුකොට ගෙන නිවසේ වෙසෙන අයට හා විශේෂයෙන් දරුවන්ට කරදර හා විපත් ඇතිවේ. එසේම හිරු උදාවේ සිට එක ප්‍රහාරයක්‌ හෙවත් සත් පැය හමාරක්‌ ගිය තැන කවර වෘක්‍ෂයක වුවද සෙවනැල්ල ගෙට වැටීම ශුභ නොවේ.
කදිම වේධ දෝෂය :
නිවසේ ප්‍රධාන දොර ඉදිරිපිට නිතර මඩ ගොහොරුවක්‌ (මඩවලක්‌) තිබේනම් නිවසේ වන්නන්ට සංතාපය ඇත්වේ.
ජල නිර්ගමන වේධ දෝෂය :
නිවසේ ප්‍රධාන දොරට කෙලින් ගලා එන වතුර පාරක්‌ වංගුවක්‌ ආකාරයට දොරටුව ඉදිරියෙන් හැරී යනවානම් නිවසේ වස්‌තුව රැදෙන්නේ නැත. ඉතුරු කිරීමට බැහැ. වැය වීම් වැඩිවේ.
කුපවේධ දෝෂ :
නිවසේ ප්‍රධාන දොරට කෙලින් රියන් හතක්‌ ඇතුළත ළිඳක්‌ පිහිටා ඇතොත් නිවසේ සිටින අයට සිහිමද ගතිය, හිසේ ආබාධ, පවුලේ අවුල් නිතර අසනීප ඇති කරයි.
දේවතා වේධ දෝෂය :
නිවසේ ප්‍රධාන දොරට හරි කෙළින් සමීපව කෙටි දුරකින් ප්‍රතිමාවක්‌ ඉදිකර තිබුණොත් එම නිවසේ වස්‌තුව විනාශ වී යයි. ධන හානිය ඇතිවේ.
ස්‌ථම්භවේධ දෝෂය :
නිවසේ ප්‍රධාන දොරට හරි කෙලින් කෙටි දුරක්‌ තුළ කුලුනක්‌ හෝ ගල් කණුවක්‌ පිහිටිය හොත් එම නිවසේ කාන්තාවන් දුරාචාර කටයුතුවල යෙදේ.
සුසාන වේධ දෝෂය :
නිවසේ ප්‍රධාන දොරටුව කෙලින් සොහොනක්‌, සොහොන් කොතක්‌ තිබුණ හොත් එම නිවසේ වසන අයට ලෙඩදුක්‌ සංතාප ධන හානි හා ගෘහ මූලිකයාට නිවසේ විසීම අප්‍රිය කරයි.
කෝණ වේධ දෝෂය :
නිවසේ ප්‍රධාන දොරට කෙලින් ඉඩමක මුල්ලක්‌, ගේට්‌ටුවක මුල්ලක්‌, වෙනත් ගොඩනැඟිල්ලක මුල්ලක්‌, තුංමං හන්දියක්‌, හතරමං හන්දියක්‌, තිබුණ හොත් සොර සතුරු භය, ප්‍රේත දෝෂ, භූත දෝෂ, අමනුෂ්‍ය දෝෂ වැනි උපද්‍රව ගෙන දෙයි.
දොරටු වේධ දෝෂ :
නිවසේ ප්‍රධාන දොරට කෙලින් වෙනත් නිවසක දොරටුවක්‌ තිබීම ඇස්‌වහ කටවහ සොර සතුරු බිය ඇතිකරයි.
වර්චස්‌ ස්‌ථාන දෝෂ :
නිවසක ප්‍රධාන දොරට කෙලින් වැසිකිළියක්‌, කැසිකිළියක්‌, කුණු කසල දමන වළක්‌ තිබේ නම් නිවසේ අයට මානසික අසහන අසනීප ඇතිවේ. එසේම නිවසේ ශ්‍රියාව දිනෙන් දිනම අඩුවී යයි.
තිරස්‌චීන වේධ දෝෂ :
නිවසේ ප්‍රධාන දොර ඉදිරිපිට ගවගාලක්‌ ගවයන් ලගින තැනක්‌, කුකුල් කොටුවක්‌, බල්ලන් ලගින කූඩුවක්‌ තිබුණහොත් එම නිවස පහත් තත්ත්වයට ඇදවැටෙයි. නිවසේ සිටින අය පිරිහෙයි.
රජක වේධ දෝෂය :
නිවසේ ප්‍රධාන දොරට කෙලින් රෙදි සෝදන තැනක්‌ තිබුණහොත් එම නිවසේ සිටින අයට පහත් මානසික තත්ත්වයක්‌ ඇතිවෙයි. උසස්‌ තනතුරු නිලතල අහිමි වී සමාජයේ අප්‍රිය බව ඇතිවේ.
කුම්භාකාර වේධ දෝෂය :
නිවසේ ප්‍රධාන දොරට කෙලින් උළු, ගඩොල්, වලං පෝරණුවක්‌ තිබුණහොත් සතුරු කරදර, නඩුහබ ස්‌ථාන දෝෂ ඇති කරයි.
ගණිකා වේධ දෝෂය :
නිවසේ ප්‍රධාන දොරට කෙලින් දුරාචාරයේ හැසිරෙන අය සිටින තැනක්‌ ඇත්නම්. එම නිවසට එල්ල වූ මෙම නිවසේ සිටින අය අතර අසමගිය දරුවන්ට විපත් ඇතිවේ.
ම්ලේච්ඡ වේධ දෝෂය :
නිවසේ ප්‍රධාන දොරට කෙළින් පහත් කුලයේ අය සිටින නිවසක්‌ හෝ අහිගුණ්‌ඨික පිරිස්‌ සිටින නිවසක්‌ තිබුණහොත් එම නිවසේ සිටින අයගේ වස්‌තුව විනාශ වී දියුණුව පිරිහේ.
රාජවේධ දෝෂය :
නිවසේ ප්‍රධාන දොර ඉදිරිපිට අමාත්‍යවරයකුගේ නිවසක්‌ මන්දිරයක්‌ ඇතොත් රැකියා අහිමිවීම තනතුරු අහිමි වීම ඇතිවේ.
බ්‍රහ්ම වේධ දෝෂය :
නිවසේ ඉදිරිපස බිත්තියේ හරි මැද ප්‍රධාන දොරටුව තැබුව හොත් නිවසේ පෞඪත්වය විනාශ වෙයි. කීර්ති ප්‍රශංසා අහෝසි වේ.
වේධ දෝෂ ඇතිවන සැටි
නිවසේ උසමෙන් දෙගුණයක දුර ප්‍රමාණය ඇතුළත ඉහත සඳහන් දෝෂ පවතින බව වාස්‌තු විද්‍යා ග්‍රන්ථවල සඳහන් වේ.
එසේම නිවසේ දෙපස හෝ පිටුපස පිහිටි මෙබඳු දෝෂවලින් අශුභ පල ඇති නොකරන නිසා ඒ ගැන නොසිතිය යුතු බවද උතුම් වාස්‌තු විද්‍යා ග්‍රන්ථයන් ආදියේ විස්‌තර කර ඇත.
මේ දෝෂයන් ගැන නොසොයා නොබලා පොඩි සණ්‌ඩුවක්‌ හේතුකොටගෙන නිවස හතර වටා සිටින අය හූනියන් කරලා කියා මනස අපිරිසිදු කරගෙන බොරුමායම් දේවදිෂ්ඨි අංජනම් පිටුපස ගොස්‌ තම මුළු සේසතම ඉවරකොට දුකට පත්වී මැරුණු පසු වෛරකාරයන් ලෙස සිතා ප්‍රේතයන් වී ඉපිද තම භූමියටම බැල්ම හෙලා කරදර ඇති කරන බවද සිතට ගත්වා. මෙය තමා විසින් ම කරගන්නා හූනියමකි.
රඹුක්‌කන ජිනදාස එදිරිසිංහ
උපුටා ගැනීම දිවයින පුවත් පත
උපුටා ගැනීම දිවයින පුවත් පත
