වචන නැතුව ආදරෙයි කියමුද?
ප්‍රේම සම්බන්ධතාවය ගොඩ නගා ගත් කාලයේ තිබුණු ආදර පෑම විවාහයෙන් පසුව බිඳ
වැටෙන බව අඹු - සැමියන් අතර වූ මතයයි. මේ අතර ඇතැමුන් කියන්නේ ආදරෙයි කියල
හැම වෙලාවෙම කිය කිය ඉන්නද? නමුත් වචන නැතුව ආදරය ප්‍රකාශ කරන අන්දම ඔබ
දන්නවාද?
සැමියා පැමිණෙන පෙර මගට එන්න.
දවසේ මෙහෙවර හමාර කරල සැමියා නිවසට එන විට වගේම උදේට සැමියා නිවසෙන් පිට
වෙන විට බිරිඳට බොහොම කාර්ය බහුල වේලාවක්‌ වෙන්න පුළුවන්. නමුත් මේ සියළු
කටයුතු මධ්‍යයේ සැමියා එන පෙරමගට වගේම නිවසෙන් පිටවෙන විට පසුගමන් යැම
මගින් ඇතිවෙන හෘදයාංගම බැඳීම නිසා වචන නැතුව වුණත් ආදරය පිළිබඳ මිහිරි සුවඳ
සිතට දැනේවි.
සැමියාට සවන් දෙන්න.
පවුල පිළිබඳව, වටපිටාව පිළිබඳ තොරතුරු කතා බහ කිරීමේදී එම විෂය දෙදෙනාටම
සම්බන්ධ නිසා රසවත් කතා බහක්‌ වේවි. නමුත් සැමියාගේ කන්තොරුව, ඊට අදාළ
වටපිටාව පිළිබඳ කතා බහ බිරින්දෑට මුලින් කී කතාබහ තරමටම නම් රසවත් වෙන්නෙ
නෑ. නමුත් එවන් අවස්‌ථාවකදී නීරස කතා බහ වුණත් යම් විදිහකට ඇහුම්කන් දෙන
ලීලාව අගවන්න ඕන. එහෙම නොමැති වුණොත් මේ කතා බහ පිළිබඳව අවධානයක්‌ නොදක්‌වා
සිටින විට තමන්ට හිතවත්කමක්‌ දක්‌වන්නේ නැතැයි වූ හැඟීම සිත තුළ ඇතිවෙනවා.
මේ නිසා බිරිඳ පිළිබඳව වූ ලෙන්ගතු සිත ඉබේටම ටික ටික දුරස්‌ වෙනවා. නමුත්
නිතරම ස්‌වාමිපුරුෂයාගේ කතා බහට සමීපව බිරින්දෑ සිටී නම් ඇගේ හිතෛෂී බව
ඉබේටම දැනෙනවා. මෙවන් අවස්‌ථාවකදී වචන වලින් නොවුණද, ආදරේ ප්‍රකාශ කිරීම
පිළිබඳව ප්‍රායෝගිකත්වය ඉබේටම ගොඩ නැගෙනවා.
සතුටු අවස්‌ථාවන් ගොඩ නගන්න.
බටහිර රටවලින් ආදේශ වන ීමරචරසිැ කිරීම මගින් පවුල තුළ සතුටු අත්දැකීම්
වින්දනය කිරීමට අවශ්‍ය පරිසරයක්‌ ගොඩ නගන්නට ඔබට පුළුවන් විය යුතුයි. විවාහ
සංවත්සර දිනය ස්‌වාමි පුරුෂයාගේ උපන් දිනය වැනි අවස්‌ථාවලදී ස්‌වාමි
පුරුෂයා පුදුම කිරීමට ඔබට පුළුවන්. රස කැවිල්ලක්‌, පුංචි ත්‍යාගයක්‌ මගින්
ඔබට මේ අලුත් අත්දැකීම ස්‌වාමි පුරුෂයාට වින්දනය කිරීමට පුළුවන්. පවුල තුළ
ගොඩ නැගෙන මෙවන් පුදුම කිරීම් මගින් වචන නැතුව ආදරේ ප්‍රකාශ කරන්න අවස්‌ථාව
ලැබේවි.
අවශ්‍ය දේ අවශ්‍ය වේලාවට දෙන්න.
ඔබ මොනතරම් කාර්ය බහුල වුණත් බිරිඳක ලෙසින් ස්‌වාමි පුරුෂයාගේ අවශ්‍යතා
පිළිබඳව උන්නදුවීම ඉතාම වැදගත්. නාන කාමරයට යන ස්‌වාමි පුරුෂයාට තුවාය
ලබාදීම සීතල දිනයක දිය නා පිටතට පැමිණෙන විට උණුසුම් තේ කෝප්පයක්‌
පිළිගැන්වීම වැනි සංග්‍රහශීලි බව පෙන්වන්න පුළුවන්. එවන් අවස්‌ථාවලදී තම
බිරිඳ පිළිබඳව ගොඩ නැගෙන ලෙන්ගතු සිත සමග ආදරය පිළිබඳව වූ හෘදයාංගම බැඳීම
ඉබේටම තහවුරු වේ.
ගෞරවය පුදන්න.
බිරිඳක සැමියෙකු ලෙසින් වූ පවුල් ජීවිතයේ දී දෙදෙනා අතර විවිධ තරාතිරම්
තිඛෙන්නට ඉඩ ඇත. ඔහු ඔබගේ ස්‌වාමිපුරුෂයාය. යන ගෞරවණීය සිතුවිල්ල මත පිහිටා
කටයුතු කිරීම අවශ්‍යය. එසේ නොමැතිව විවිධ මානයන් මත පිහිටා ගෙන ස්‌වාමි
පුරුෂයා නොතකා සිටීම තුළ පවුල තුළ ඇතිවන්නේ දුරස්‌ථ බවකි. මේ නිසා ස්‌වාමි
පුරුෂයා පිළිබඳව නිරන්තරව ගෞරවයෙන් කටයුතු කිරීමෙන් වචන නැතුව ආදරය ප්‍රකාශ
කිරීමට පුළුවන්.
ඔහුගේ සෞඛ්‍යය ගැන උනන්දු වන්න.
ඔබ ස්‌වාමි පුරුෂයාට ආදරය පිළිබඳ සිත තුළ හැඟීමක්‌ ඇත්නම් නිතරම ඔහුගේ
සෞඛ්‍ය ගැන සැලකිල්ලෙන් සිටීම ඉතාම වැදගත්. ආහාර පිළියෙළ කිරීමේදී හිතකර
වීම, සෞඛය ප්‍රවර්ධනය පිළිබඳව විශේෂ අවධානය යොමු කරන විට වචනයෙන් නොමැති
වුවත් බිරිඳගේ ආදරය වටහා ගැනීම අපහසු නැත.
පවුල තුළ ප්‍රධානත්වය දෙන්න.
පවුලක්‌ ලෙස ඔබට යම් යම් තීරණවලට එළැඹීමේ හැකියාව තිබුණද හැම විටම ස්‌වාමි
පුරුෂයා ප්‍රධාන කොට සලකා තීරණ ගැනීමට යොමු වන්න. ඔබගේ මෙම පුරුද්ද නිසා
ස්‌වාමි පුරුෂයා පවුලේ ප්‍රධානියාය යන සංකල්පය ගොඩ නැගීම නිසා ඔබ තුළ වූ
හෘදයාංගම බැඳීම ස්‌වාමි පුරුෂයාට තේරුම් යනු ඇත.
මේ අන්දමට සලකා බලන විට ආදරය වචන මගින් ප්‍රකාශ නොකළද ඔබගේ හැසිරීම් රටාව,
ප්‍රතිචාර තුළින් ඒ බව හදවතට දැනෙන සේ කටයුතු කිරීම අපහසු නැත.
චාන්දනි ද සිල්වා
උපුටා ගැනීම නවලිය පුවත් පත
.jpg "චොක්ලට් ෆජ්")
