රාජ්‍ය පාලකයන් සහ ප්‍රභූවරුන් වසඟ කරවන ජය සිකුරු රාවණා රාජ වශී යන්ත්‍රය
මෙය පැලඳ ගැනීම තුළින් තමාට වඩා උසස්
අය හා රාජ්‍ය පාලකයන්ද ප්‍රභූවරුන්ද තමාට වසඟවීම, නම්‍යශීලීවීම, තම අදහස අනුමත කිරීම, එකඟවීම, තම බස පිළිගැනීම හා ලාභ සත්කාර ලැබීම සිදුවේ. එමෙන්ම රාජ්‍ය සභාවේදී, විවාදයේදී, මහජනයා ඇමැතීමේදී තමාට ජය ලැබෙයි. අත්දුටු සත්‍ය යන්ත්‍රයකි.
යන්ත්‍රය ඇඳීම :
ද්විත්ව රේඛාවෙන් ඇඳ, ත්‍රිශූල පිහිටුවා මැද "නම" ලියන්න. ග්‍රාහකයාගේ
සුබ නැකැතට හා පාක්ෂියා රජ කරන වේලාවක තඹ හෝ
රත්රන් තහඩුවක ඇඳීම, පන්හිඳට සුවඳ දුම් අල්ලවා - පුන්කළසක් හා සරස්වතී දේවියගේ රූපයක් මේසය මත තබා
පහන් දල්වා මරුවාට පිටුපා පරමාර්ථය අධිෂ්ඨාන
කර ආරම්භ කළ යුතුය.
ජපාරම්භය සඳහා මඩුවක් හෝ සුදුසු කාමරයක්
තෝරාගෙන සිවු අධිපතීන් සඳහා යහන් සතරක් සාදා උඩුවියන් බැඳ පුන්කළස් හතරක් මැදිකර ගත් යන්ත්‍ර ආසනය, මල්, බුලත්, පුවක් මල්, කපුරු, පිනිදිය, හඳුන්කූරු, ආදියෙන් අඩු නොකොට, කැවිලි වර්ග 07, පලතුරු
වර්ග 07, ගිතෙල් 1/2, මීපැණි, උක්හකුරු, හබල පෙති, තම්බාපු කඩල, පස්ගෝරස, යහන මත තබා පොල් ගෙඩි 01, තැඹිලි ගෙඩි 01, පොල්තෙල්, අබතෙල්, පස්තෙල්වලින් පහන් 02 බැගින් දල්වා, ලදපස් මල්, යහන මත ජප භූමිය තුළ විසුරුවා කිලිහරණ සාදා ජපයට ලෑස්ති විය යුතුය.
ජප කාලය තුළ ඇඳුරු තෙමේ දිනපතා ස්නානයෙන්
පිරිසුදුව, ස්ත්‍රී සංවාසයෙන් තොරව, කිලිකුණු ආහාර පාන වර්ගවලින් මිදී, සැහැල්ලු එළවළු වර්ග පමණක් යැපීම හා දිනපතා උදය හා සවස යන්ත්‍ර ජප කිරීම කළ යුතුය.
ජප ආරම්භයට සර්ව දිෂ්ටි, සර්ව යන්ත්‍ර, මන්ත්‍ර දිෂ්ටි, දේව දිෂ්ටි ආදී පොදු දිෂ්ටි භාවිත කළ හැකිය.
එසේම සරස්වතී දිව්‍යාංගනාව ප්‍රධාන කර සියලු දේව ස්තෝත - කච්ච ආදිය ජපකිරීම
සුදුසුය.
ජපයට පළමු කස්තුරි, ගෝරෝචන, කුංකුමප්පු, සුදුහඳුන් යන මේවා හඳුන් තෙලෙන් අඹරා යන්ත්‍රය කළුමැද නව පොට අඹරා කන්‍යා හුයෙන් යන්ත්‍රය වෙළා
ගත යුතුය.
ජපය :
ඕං අච්චිලක්කට්ටි තෝඩා පච්චිලක්කට්ටි
තෝඩා අඩා බල තෝඩා බල විෂ්ණු බල කදිර බල මා බල, මාගේ ගුරුන් බල, බුද්ධ බල, මුනි බල, මාගේ මූණ බලා නැමි නැමි වර වර ඒ ස්වාහ--.
ඕං හංතානී සහංතානී භගවතානී ඉරිට්ටි ඒ ස්වාහ--
ඕං බුද්ධ බලා, මා බලා, මාගේ මූණ බලා නැමි නැමි වර වර ඒ ස්වාහ--
1008 වරක් - ජපකොට පැලඳ ගැනීම යහපති.
මව්බිම
