විවිධ කටයුතු සඳහා ඔබ නොදත් සතියේ සුබ දින
එදිනෙදා ග්‍රහ ගමන පිළිබඳ නිවැරදි විස්‌තර වන්නේ පංචාංග ලිතකය. එමෙන්ම සතිපතා පළවන ජ්‍යෙdතිෂ පුවත්පත් වලින්ද එම සතිය තුළ ඇතිවන ග්‍රහගමන ගැන දැන ගත හැකිය. එසේ ග්‍රහයන්ගේ ගෝචර ගමන බලා කටයුතු කිරීමෙන් දිනය පිළිබඳව වඩාත් පැහැදිලි අවබෝධය ලැබිය හැකිය. එසේ වුවත් එසේ නොබලා සාමාන්‍ය වශයෙන්ද දිනයක ඇති වැදගත් කම අනුව එදින කටයුතු කිරීමෙන් යම් ප්‍රයෝජනයක්‌ ලැබිය හැකිය.
මේ අනුව විවිධ කටයුතු සඳහා සතියේ යම් යම් දිනවල වැදගත් වන දින පිළිබඳ මෙසේ විස්‌තර කළ හැකිය.
ඉරිදා :
සතියේ දින අතර ප්‍රථම දිනය වශයෙන් සලකන ඉරිදා දිනය රවිට අයත් දිනයයි.
මෙදින රවි හෝරාව බලවත් වේ. පොදුවේ ඉරිදා දිනය පහත සඳහන් කටයුතු සඳහා යහපත්
වේ.
සොරුන් ඇල්ලීමට, ආයුධ සෑදීමට, කලාවන් සම්බන්ධ කටයුතු ආරම්භයට, නපුරුකම් මැඩීමට රෝග පීඩාවක්‌ සම්බන්ධ පිළියම් යෙදීමට, නව කටයුත්තක්‌ ආරම්භයට, නව අමාත්‍යාංශ පිහිටු වීමට, නව නිලධාරීන් පත්කිරීමට, සිල්ක්‌ රෙදි වර්ග මිලදී ගැනීමට එවැනි රෙදි විකිණීමට, කැලෑ කැපීම ආරම්භයට, ගව මහීසාදී සතුන් පිළිබඳ කටයුතු ආම්භයට, වෛද්‍ය වෘත්තිය සම්බන්ධ කටයුතු, සතුරන් මර්දනය සඳහා ඔවුන් වෙතට යැමට, හිරිහැර සම්බන්ධ පොලිසියට පැමිණිලි කිරීමට හෝ වෙනත් එවැනි පිළියම් සඳහා යැමට මෙදින සුබ වේ.
මෙම ඉරිදා දිනයේ ග්‍රහචාරයේ රවි චන්ද්‍රයාගේ සිට 3, 6, 10, 11 යන ස්‌ථානයක ගමන් කරන්නේ නම් මෙම දිනය වඩාත් බලවත් වේ. එවැනි දිනයක ඉහත කාර්යයන් කරන්නේ නම් එය වඩාත් සාර්ථක වේ.
සඳුදා :
සතියේ දින අතර සඳුදා දින සඳු බලවත් වේ. මෙදින සඳු හෝරාව බලවත් වේ.
සාමාන්‍යයෙන් විසිතුරු මල් මිලදී ගැනීම, උක්‌වගා කටයුතු වලට, අස්‌වනු
නෙළීමට, ස්‌ත්‍රී පක්‍ෂයෙන් සැලකුම් ලබා ගැනීමට යැමට, සංගීතය ඉගෙනීම
ආරම්භයට, කෘෂි කාර්මික කටයුතු ආරම්භයට, යුද හමුදාවල උසස්‌ නිලධාරීන් පත්
කිරීමට, ඔවුන් සමග සම්බන්ධතා ඇති කර ගැනීමට, සතුරන් සමග සටන් වැදීමට, නව
සැලසුම් සෑදීමට, ඥාතීන්ගෙන් සැලකුම් ලැබීමට යැමට, අලුත් ඇඳුම් පැළඳුම් ඇඳීම
ආරම්භයට සඳුදා දිනය සුබ වේ.
සඳුදා දිනක සඳු 4, 7, 10 වැන්නේ ගමන් කරන විටත්, සඳු කටක රාශියේ පිහිටි කල්හිත් මෙම දිනය වඩාත් සුබ වේ. බලවත් වේ.
අඟහරුවාදා :
අඟහරුවාදා හෙවත් කුජ දිනයේ කුජ බලවත් වේ. කුජ හෝරාව බලවත් වේ. මෙදින
රත්රන් මිලදී ගැනීමට හා ඒ සම්බන්ධ කටයුතුවලට යහපත් වේ. ලෝහ වර්ග සම්බන්ධ
කටයුතුවලට ද එසේම යහපත් වේ. අශ්වයන්, ගවයන් මිලදී ගැනීම හා ඒ හා සම්බන්ධ
කටයුතුවලට යහපත්ය. වෛද්‍ය කටයුතු බෙහෙත් ද්‍රව්‍ය මිලදී ගැනීම ආදියට
යහපත්ය. ආයුධ මිලදී ගැනීම විකිණීම සම්බන්ධ කටයුතුවලට මෙදින යහපත්ය.
යුද්ධය සඳහා සූදානම් වීමට, යුද්ධය ආරම්භයට, ද්වන්ද සටන් ආරම්භයට, වතුපිටි පිළිසකර කර ගැනීමට, දුම්රිය මාර්ග සංවිධාන පිළිබඳ කටයුතුවලට, යුද හමුදා භට පිරිස්‌ සකස්‌ කිරීමට, වැඩපලවල් ගොඩනැඟêමට, විදුලිය පිළිබඳ කටයුතුවලට, ඇල වේලි ප්‍රාකාර බැමි ඉදිකිරීම ආරම්භයට මෙදින යහපත්ය.
බදාදා :
බදාදා බුධ ග්‍රහයාගේ දිනයයි. මෙදින බුධ හෝරාව බලවත් වේ. මෙදින මරකත
මැණික්‌ හා වටිනා පාෂාණයන් සහ ඛනිජ ද්‍රව්‍ය ඇති ඉඩම් මිලදී ගැනීමට යහපත්ය.
සුවඳ ද්‍රව්‍ය වෙළෙඳාම හා සම්බන්ධ කටයුතුවලට යහපත්ය.
මනෝවිද්‍යාව කාව්‍යය හා විවිධ කලාවන් ඉගෙනීම ආරම්භයට මෙදින යහපත්ය. ලේඛන කටයුතු මුද්‍රණ කටයුතු ආරම්භයට මෙදින යහපත්ය. වෙළෙඳ ගිවිසුම්වලට අත්සන් තැබීමට බුද දින යහපත් වේ. පාර්ලිමේන්තු කටයුතු ආරම්භයට මෙදින සුබ වේ. ද්‍රව්‍යයන් හුවමාරු කිරීමට, නව ව්‍යාපාර ආරම්භයට වැදගත් තීරණයන් තීරණය කිරීමට හා ඒවා දැන්වීමට, වැදගත් කාර්යයන් ආරම්භයට මෙදින යහපත් වේ. නව ගුවන් විදුලි වැඩසටහන් ප්‍රචාරය ආරම්භ කිරීමට මෙදින යහපත් වේ.
බ්‍රහස්‌පතින්දා :
බ්‍රහස්‌පතින්දා හෙවත් ගුරු දින ගුරු බලවත් වේ. මෙදින ගුරු හෝරාව බලවත්
ය. රන් රිදී පිළිබඳ කටයුතු ආරම්භයට, වෙළෙඳ කටයුතු ආරම්භයට, ත්‍යාග
ප්‍රදානයන් කිරීමට, නිවාස ඉදිකිරීම ආරම්භයට, ආගමික කටයුතු ආරම්භයට හා ආගමික
ගොඩනැඟිලි ඉදිකිරීම් ආරම්භයට හා ඒවාට මුල්ගල තැබීමට මෙදින යහපත්ය.
විශේෂයෙන් විවාහ මංගල කටයුතුවලට යහපත්ය.
ළමා සංස්‌කෘතික කටයුතු ආරම්භයට බ්‍රහස්‌පතින්දා යහපත්ය.
සිකුරාදා :
කිවිදා හෙවත් සිකුරාදා සිකුරු බලවත් වේ. මෙම දිනයේ සිකුරු හෙවත් කිවිගේ
හෝරාව බලවත් වේ. මෙදින ආදරයට මුල්වන දිනයකි. ආදරය කිරීමට, ආදර හසුන්
ලිවීමට, අලුත් ඇඳුම්, වාහන මිලදී ගැනීමට, කෘෂිකාර්මික නිෂ්පාදන හා මෙවලම්
මිලදී ගැනීමට, ගව මහීසාදී සතුන් බෝ කිරීම ආරම්භයට, ගොවිතැන් කටයුතු ආරම්භයට
බඩු බාහිරාදිය හුවමාරු කිරීමට නැව්වල හා මුහුදු ගමන්වලට මෙදින යහපත්ය.
බැංකු කටයුතු සඳහාත් බැංකු ගිණුම් ආරම්භ කිරීමේ කටයුතු සඳහාත් මෙදින
යහපත්ය.
සෙනසුරාදා :
සෙනසුරාදා හෙවත් ශනි දින ශනි හෝරාව බලවත් වේ. යකඩ වානේ කම්හල් ඉදිකිරීමට
හා කම්හල් වල කටයුතු වලටද මෙදින යහපත්ය. විනය සම්බන්ධ කටයුතු ආරම්භයට
මෙන්ම පුද පූජා කටයුතු ආරම්භයට මෙදින සුබයි.
නීතිවිරෝධී සංවිධාන ආරම්භයට, පක්‍ෂ රැස්‌වීම් පැවැත්වීම ආදී කටයුතුවලට මෙන්ම සොරුන් ඇල්ලීම වැනි කටයුතු වලටද මෙදින සුබ වේ.
උපුටා ගැනීම දිවයින
