තෙල් බැදුම් වගේම පොල් කිරිත් ශරීරයට අහිතකරයි
පුද්ගලයකුගේ පැවැත්ම සඳහා මේදය අත්‍යවශ්‍ය බව ඔබ දන්නවාද? මේදය යනු අපගේ ශරීරයට අහිතකර සංයෝගයක් නොවෙයි. එමෙන්ම මේදය යනු රෝගකාරකයක්ද නොවෙයි. එම නිසා ශරීරයට අත්‍යවශ්‍ය මේදය ලබා ගැනීමට බිය විය යුතු නැහැ. එහෙත් ආහාරවලින් මේදය ලබා ගැනීමේදී ප්‍රමාණය හා මේදය ලබාගන්නා ආහාර වර්ගය පිළිබඳ නම් සැලකිලිමත් විය යුතුමයි.
මේදය වර්ග දෙකයි
මෙහිදී අපගේ අවධානයට යොමු විය යුතු විශේෂ කරුණක් තිබේ. මන්ද මෙහිදී අපගේ ශරීරයට හිතකර හා අහිතකර තෙල් වර්ග හඳුනා ගැනීම අතිශය වැදගත් බැවිනි.මේදය ප්‍රධාන වශයෙන් කොටස් දෙකකින් යුක්තය.
- සංතෘප්ත මේදය සංතෘප්ත මේදය යටතට පොල් කිරි, පොල් තෙල්, සත්ත්ව තෙල් හා බටර් ආදිය අයත්ය.
- අසංතෘප්ත මේදය මේ යටතට තල තෙල්, සෝයා තෙල්, ඉරිගු තෙල්, සූරියකාන්ත තෙල්, රටකජු තෙල් වැනි දෑ අයත්ය.
අසංතෘප්ත මේදය යටතට වැටෙන තවත් විශේෂයක් වන්නේ ඔලිව් තෙල්, කැනෝලා තෙල් හා වෙළෙඳ පොළේ එළවළු තෙල් ලෙස හඳුන්වන ෆාම් තෙල් (Palm Oil) ය.
තල තෙල්
මෙහිදී තල තෙල්වලට විශේෂ අවධානයක් යොමු කළ යුතුය. තල තෙල් ද්‍රවිඩ ජනතාව අතර ජනප්‍රිය වුවද සිංහල ජනතාව එහි සුවඳට ප්‍රිය නොකරයි. වර්තමානයේ තල තෙල් නිෂ්පාදන ක්‍රියාවලියේදී එහි දුර්ගන්ධය ඉවත් කර තිබේ. තල තෙල් භාවිත කිරීම මගින් හෘද රෝග වළක්වාගත හැකිය. මෙය දේශීය නිෂ්පාදනයක් බැවින් විශ්වාසයෙන් භාවිත කළ හැකිය.
සත්ත්ව තෙල්
සතුන්ගෙන් ලබා ගන්නා සංතෘප්ත මේදයේ කොලෙස්ටරෝල් අඩංගුය. එහෙත් අසංතෘප්ත මේදය හෙවත් ශාක ඇටවලින් ගන්නා තෙල්වල කොලෙස්ටරෝල් අඩංගු නැත. සියලුම මේදවල සංතෘප්ත හා අසංතෘප්ත මේදයේ අඩු වැඩි වශයෙන් මිශ්‍රණයක්ද තිබිය හැකිය.
පොල් තෙල් හා පොල් කිරි
ලංකාවේ ජනතාව බහුල වශයෙන් පරිභෝජනයට ගන්නේ පොල් තෙල් හා පොල් කිරිය. මෙහි වැඩිපුරම අඩංගු වන්නේ සංතෘප්ත මේදයයි. එබැවින් සංතෘප්ත මේදය සහිත පොල් තෙල් හා පොල් කිරි වැඩිපුර ගැනීමෙන් කොලෙස්ටරෝල් සෑදීමේ ක්‍රියාවලිය වැඩි වේ. සාමාන්‍යයෙන් විදේශ රටවලට සාපේක්‍ෂව අපේ රටේ තෙල් හා මේදය පරිභෝජනය කරන්නේ අවම වශයෙනි. එහෙත් සාමාන්‍යයෙන් ශ්‍රී ලාංකිකයෙක් දිනකට ලබා ගන්නා මුළු මේදයෙන් 90%කට වඩා ලබාගන්නේ පොල් තෙල් හා පොල් කිරිවලින් බව සමීක්‍ෂණවලින් හෙළි වී ඇත.
මිටිකිරි
විශේෂයෙන් බොහෝ විට මිටිකිරි භාවිත කිරීම ශරීරයට අහිතකරය. පොල් කිරි බහුලව ආහාරයට ගැනීමෙන් (විශේෂයෙන් මිටිකිරි ලෙස) අප ගන්නා සංතෘප්ත මේද ප්‍රමාණය ඉහළ යයි. ක්‍රියාශීලී නොවන පුද්ගලයන් සංතෘප්ත මේදය ආහාරයට ගැනීමෙන් කොලෙස්ටරෝල් මට්ටම ඉහළ යයි. එමෙන්ම ශරීරයේ බර වැඩි වීමක්ද සිදු විය හැකිය. පොල් අස්වැන්න වැඩි ප්‍රදේශවල පුද්ගලයන් අනවශ්‍ය ලෙස පොල් කිරිවලටත් පොල් නොමැති ප්‍රදේශවල පුද්ගලයන් අධික ලෙස පොල් තෙල්වලටත් යොමු වීම දැකිය හැකිය. සෞඛ්‍ය අමාත්‍යංශයේ නිර්දේශය අනුව සාමාජිකයන් පස්දෙනකු සිටින පවුලකට දිනකට මධ්‍යම ප්‍රමාණයේ පොල් ගෙඩියක් භාවිත කළ යුතුයි. මේ නිර්දේශය පිළිපැදීමෙන් ශරීරයට අහිතකර තත්ත්වයක් ඇති නොවේ. අසංතෘප්ත මේදය යහපත් කොලෙස්ටරෝල් (HDL) නිපදවයි. එමෙන්ම සංතෘප්ත මේදය අයහපත් කොලෙස්ටරෝල් (LDL) නිපදවයි. එම නිසා හැකි තරම් සංතෘප්ත මේදය පරිහරණයෙන් ඉවත් වීමට උත්සාහ කරන්න.
සමබර වෙන්න
අසංතෘප්ත මේදයේ ශාක තෙල් (ශාක ඇටවලින් ලබා ගන්නා තෙල්) වෙළෙඳ පොළේ එළවළු තෙල් ලෙස හඳුන්වයි. පොල් තෙල්වලට ශාක තෙල් මිශ්‍ර කරන අවස්ථා හඳුනාගත හැකිය. ශාක තෙල් පොල් තෙල්වලට වඩා මිලෙන් අඩුය. මෙහි යම් කිසි ප්‍රමාණයක් අසංතෘප්ත මේදය අඩංගු නිසා වැඩි වශයෙන් පරිහරණයට ගැනීමෙන් හෘදයාබාධ වැලඳීමේ අවදානමක් තිබේ. නිවෙසේදී ඔබ පොල් තෙල් හා ශාක තෙල් සමබරව පරිභෝජනයට ගන්නේ නම් වඩාත් සුදුසුය.
ස්වාභාවික පොල් තෙල්
සාම්ප්‍රදායිකව පොල් තෙල් ලබා ගන්නා ක්‍රමය අද බොහෝදුරට බැහැරව ඇත. යන්ත්‍රානුසාරයෙන් ලබාගන්නා පොල් තෙල් සම්ප්‍රදායිකව ලබා ගන්නා පොල් තෙල්වලට සමාන ගුණයක් ඇති බවට මත පළ වී ඇත. පොල් තෙල්වල ඇති වර්ණක ශරීරයට යම් ගුණයක් ඇති කරයි. එහෙත් පොල් තෙල් සුදු කිරීමේ (White cocount Oil) නිෂ්පාදන ක්‍රියාවලියේදී එම වර්ණක ඉවත් කරයි. එහිදී සිදුවන්නේ පොල් තෙල්වල ගුණය ඉවත් වීමයි. එබැවින් පොල් මිලදී ගැනීමේදී වෙනත් තෙල් වර්ග මිශ්‍ර වී නොමැති විශ්වාසදායක නිෂ්පාදන ලබා ගැනීමට හැකි නම් අපගේ ශරීරයට සුදුසුය.
මාගරින්
මෙහිදී මාගරින් කෙරෙහි අපගේ විශේෂ අවධානයක් යොමු කළ යුතුය. මාගරින් කොටස් දෙකකින් යුතුය.
1. මෘදු මාගරින් (Soft Margarin)
2. දෘඪ මාගරින් (hard Margarin)
මාගරින් නිෂ්පාදනය කරන්නේ ශාක තෙල් ඝන බවට පත් කිරීමෙන් තැවැරුමක් ලෙසටය. මාදු මාගරින්වලට කොලෙස්ටරෝල් අඩු කිරීමේ හැකියාව ඇත. ඝන මාගරින් අපගේ ශරීරයට හිතකර නැත. ඔබ මිලදී ගන්නා මාගරින් පැකැට්ටුවේ ලේබලයේ ඡදකහ්බි්එමර්එැා යනුවෙන් සඳහන් කර තිබේ. ඒවා මෘදු මාගරින් වේ. මෘදු මාගරින් ශීතකරණයේ තැබීමෙන් පසුවත් එම මෘදු ස්වභාවය එලෙසම පැවැතීමෙන් ඔබට එය නිවැරැදිව හඳුනාගත හැකිය.
ඔමේගා
ඔමේගා 3 මේදය පිළිබඳ වර්තමානයේ වැඩි කතා බහක් ඇති වී තිබේ. ඔමේගා 3 ශරීරයට හිතකර මේද වර්ගයකි. ඔමේගා 3 මේදය අපගේ ශරීරයට ශාකවල ඇටවලින්, පළා වර්ගවලින්, මාළු හා මාළු තෙල්වලින් ලැබේ. ශාකවල තිඛෙන ඇටවලින් ලබා ගන්නා මේදය වන තල තෙල්, සෝයා තෙල්, සූරියකාන්ත තෙල්, බඩ ඉරිගු තෙල්, රට කජු තෙල්වල මේ ඔමේගා 3 හිතකර මේදය අඩංගුය. විශේෂයෙන් තම්පලා, මුගුණුවැන්න, කතුරුමුරුංගා වැනි පළා වර්ගවලද ඔමේගා 3 අඩංගුය.
මාළුවල එනම් හුරුල්ලෝ, බලයා, සාලයා, කෙළවල්ලා, අමු හාල්මැස්සන් ආහාරයට ගැනීමෙන් ඔමේගා 3 මේදය ලැඛෙයි. මෙවැනි මාළු වර්ග අවම වශයෙන් සතියකට ිෙ 200ඨ - 250ඨ ැෙ අතර ප්‍රමාණයක් ආහාරයට ගැනීමෙන් හෘදයාබාධ වැළැක්වීමට ඉවහල් වෙයි. එහෙත් සාමාන්‍යයෙන් ලංකාවේ පුද්ගලයන් සතියකට ආහාරයට ගන්නේ 50ඨ 100ඨ අතර ප්‍රමාණයකි. ටින් කළ මාළු සාඩින්, මෑකරල් සැමන්වලත් ඔමේගා 3 මේදය අඩංගුය.
ඔමේගා 3 මේදය ලබාගත හැකි වන්නේ කරල්වලිනි. මේවා ලබා ගැනීමේදී වෛද්‍යවරයකුගේ හෝ පෝෂණවේදියකුගේ උපදෙස් ලබා ගන්න.
ඔමේගා 3 මේදය ආහාරයට ගැනීමෙන්,
- අයහපත් කොලෙස්ටරෝල් අඩු කරයි.
- රුධිරයේ මේදය අඩු කරයි.
- රුධිර පීඩනය අඩු කරයි.
- ප්‍රතිශක්තිකරණය ඇති කරන නිසා රෝගවලට ඔරොත්තු දෙයි.
- හෘද ස්පන්ධනය මනාව පවත්වා ගත හැකිය.
ඔමේගා 3 මේදය ලබා ගැනීමේදී ගැඹුරු තෙලේ බැදගත් මාළු ආහාරයට ගැනීමෙන් වළකින්න. මෙහිදී බැදීමට ගන්නා තෙල් විශාල ප්‍රමාණයක් අපගේ ශරීරයට ඇතුළු වනවා විනා මාළුවල තිඛෙන ඔමේගා 3 මේදය ලැඛෙන්නේ නැත. එම නිසා ගැඹුරු තෙලේ බැදීමෙන් සිදුවන්නේ මාළුවල ගුණය විනාශ වීමකි. මේ නිසා මාළු තම්බා ගැනීම, පිසීම හෝ අඩු තෙල් තෙම්පරාදුවක් සහිතව ආහාරයට ගැනීම සුදුසුය. තෙල් නැවත භාවිතය තෙල් නැවැත නැවැත පරිහරණයට ගැනීම පිළිබඳ මෙහිදී අවධානය යොමු කළ යුතුය. තෙල් වරක් බැදුම් සඳහා භාවිතයට ගෙන නැවැත වරක් පරිහරණයට ගැනීමේදී රසායනික වෙනස්කම් රැසකට භාජන වෙයි. නැවැත භාවිතයේදී මේදය ඔක්සිකරණය වී අයහපත් සංයෝගයක් නිපදවයි. එහිදී මේ අහිතකර සංයෝගය ශරීරයේ කොලෙස්ටරෝල් මට්ටම ඉහළ නැංවීමටත්, හෘද රෝග, පිළිකා, දියවැඩියාව වැනි රෝගවලටත් ඇති අවද්‍රානම වැඩිය. මේ අහිතකර සංයෝගය ඔර්බට මේදය ලෙස හඳුන්වන අතර මේවා සංතෘප්ත මේදයටත් වඩා අහිත කරයි. බේකරි නිෂ්පාදන, ආපන ශාලා පමණක් නොව සුපිරි පන්තියේ ආපනශාලාවලද නැවැත නැවැත තෙල් පරිහරණය කරන බව හෙළි වී ඇත. මෙහිදී ඔබ අවධාරණය කරගත යුතු කරුණක් වන්නේ අහිතකර මේදය භාවිතය අඩුකර හැකි තරම් හිතකර මේදය භාවිතයට යොමු වීමයි. යහපත් මේද වර්ග භාවිත කිරීමෙන්,
- හෘද රෝග වළක්වයි.
- අධි රුධිර පීඩනය වළක්වයි.
- ඇතැම් පිළිකා වර්ධනය වළක්වයි.
- දියවැඩියා වැනි රෝග නසයි. විශේෂයෙන් කුඩා ළමුන්ට වුවමනාවට වඩා මේදය අඩු කරන්න එපා. එය ඔවුන්ගේ වර්ධනයට බාධාවකි. නිතරම ඔබගේ සෞඛ්‍ය කෙරෙහි අවධානය යොමු කර හිතකර දේ්වලට යොමු වන්න.
ලයනි රසිකා නිරෝෂි”
උපුටා ගැනීම මව්බිම පුවත් පතඇසුරෙනි
