ඉවසන්න බැරි ගැස්ට්‍රයිටිස් රෝගයට අත්දුටු දේශීය ප්‍රතිකර්මයක්
“බුදු අම්මෝ. මගේ පපුව හිර වෙනවා. බඩ දැවිල්ලයි. ඉවසන්න බැරියෝ. මොකද
මොකද මේ වෙලා තියෙන්නේ. ගෑස්ටික් (අම්ලපිත්ත). කියාගන්න බැරි, දරාගන්න බැරි
හිතාගන්න බැරි, මොකක්ද මේ ලෙඩේ. දැන් අවුරුදු ගාණක ඉඳලා හැම තැනින්ම බේත්
කළා. ඒත් හොඳක් නෑ. මේක බලා ඉඳලා බැහැ. දැන් කොච්චර කල්ද. කවුරු හරි මොනවා
හරි කරලද දන්නැහැ. ශාස්ත්‍රයක්වත් අහලා බලමුද? ඔන්න අපි ප්‍රසිද්ධ දේවාලෙක
කපු මහත්තයෙක්
ළඟට ලෙඩාව එක්කගෙන ගියා. උන්නැහේ හොඳට ආරූඪ වෙලා, අවුරුදු ගාණකට ඉස්සර වෙලා මෙයාගේ හිතගන්න කියලා ඉනාවක් කවලා. මේක අස්කරනකං ඉතිං, අස්නොකළොත් ජීවිතේ වුණත් නැතිවෙන්න පුළුවන්. මේක ලේසි කෙනකුට කරන්නත් බැහැ. මේක මම කරලා දෙන්නම්. හැබැයි මෙච්චර ගාණක් යනවා. මොනවා කරන්නද කොහොම හරි කරගන්ඩ එපායැ. ගෙදර රත්තරන් බඩු ටික හරි උකස් කරලා කරමු. ඉතිං කපුරාල කියපු විදිහටම කළා. හිතාගන්න බැරි මුදලකුත් වියදම් වුණා.
අනේ ටික දවසයි ලෙඩේ හිටියටත් වඩා වැඩි වුණා. කපුරාලට ගිහිං කිව්වා එයා කිව්වේ එහෙනං කිල්ලට අහුවෙන්න ඇති කියලා. මේක හරියන්නේ නැහැ. අපි වෙන කට්ට¾ඩියෙක් වත් බලමුද. අන්න අරහේ ඉන්නවා. දැක්ක ගමන් ඔක්කොම විස්තර කියනවලු. අනේ අපි එහෙටත් ගියා. එයා කිව්වා කලින් කරපු එක්කෙනා හරියට කරලා නැහැ. මහා බලගතු ඉනාවක් තමයි කවලා තියෙන්නේ.
කරලා දෙන්නම් හැබැයි මෙච්චර යනවා. කොහොම හරි අමාරුවෙන් අපි ඒකත් කළා. ටික දවසයි ලෙඩේ ආයෙත් මතුවුණා. අපි ඔය කියන කියන තැන්වල ගියා. ළය විරේක කළා. කොඩිවින කැපුවා. තොවිල් කළා. ඒ එකකින්වත් ලෙඩේ සුව වුණේ නැහැ. ඔය අතරෙදි තමයි මේ උදවිය අපේ වෙද ගෙදරට ගොඩවුණේ.
රෝගියා පරීක්ෂා කළා. නාඩි පරීක්ෂා කළා. රෝගය හඳුනාගත්තා. රෝගය ගැන අවබෝධයක් ලබා දුන්නා.
මේකට තමයි කියන්නේ “අම්ලපිත්ත රෝගය’ ඒ කියන්නේ ගැස්ට්‍රයිටිස් ශරීරයේ පවතින අධික උෂ්ණත්වය. එක හේතුවක් බඩ පුරවා දැමීම. කේන්ති යන ගති සොබාවය. වමනේ යන්න වගේ එනවා යන්නේ නැහැ. හැබැයි වමනේ (පිත) ගියොත් තරමක සුවයක් දැනෙනවා. අතපය කැක්කුම් _ පිත (ඇසිඩ් වගේ) පපුව හරහා පපුව හිරකරගෙන ඔළුවට ගහනවා. එතකොට හිස කැක්කුම, ඔළුව හැරිච්ච අතේ යන්න හිතෙනවා. ඒකට පැරැණි අය කියන්නේ “පිත ඔළුවට ගහලා වගෙයි” කියලා. නොසලකා හැරියොත් බඩෙත් ආමාශයෙත් තුවාල පවා හැදෙන්න පුළුවන්. හරියට පිළිනොපැද්‍ෙදාත් සමහරුන්ට ජීවිත කාලයටම වුවත් තියෙන්න පුළුවන්. එහෙම ඕනෑවෙන්නෙ නැහැ. මොකද අපේ දේශීය පාරම්පරික වෙදකමේ තියෙනවා සම්පූර්ණයෙන්ම සුවපත් වෙන ඔෟෂධ. හැබැයි මේක ඉවසීම, විශ්වාසය, පිළිපැදීම තියෙන්නම වුවමනායි. තේරුණාද?
මං උපදෙස් ටිකක් දෙන්නද?
උෂ්ණාධික ආහාර පාන- ඔය අන්නාසි අච්චාරු, තක්කාලි, සැමන්, ඉස්සෝ, දැල්ලෝ, පාන් කෑමත් හොඳ නැහැ. බඩපිරෙන කල් කෑම ගැනීමත් (අර කොසොල් රජ්ජුරුවන්ට වගේ) ඒකත් හොඳම නෑ.
නිසි වේලාවට කෑම ගැනීම, වැඩිපුර වතුර බීම, හිත ගත සැහැල්ලුවෙන් තබාගැනීම, මානසික සුවය, ආදරය අවශ්‍යමයි, වෛරය, කේ‍රා්ධ සිතුවිලි, දීර්ඝකාලීනව පවතින නඩු හබ ආරාවුල් ඔය බොහොම දේවල් මේ ලෙඩේ වැඩිවෙන්න හේතු වෙනවා. මත්පැන්, දුම්පානය ගැන කියන්න ඕනේ නැහැනේ. කොහොමද මේක වළක්වා ගන්න පුළුවන්, දේශීය ප්‍රතිකාරවලින්ම තමයි. අප වෙද ගෙදර ඒ සඳහා සකස් කළ ඔෟෂධ තිබෙනවා. පහත සඳහන් ප්‍රතිකාරවලින්ද ඔබට සුවය අත්කර ගන්න පුළුවන්.
- දිනපතා දියබත් ආහාරයට ගන්න.
- කැහිපිත්තන් කොළ ටිකක් ගෙන කොටාගත් විට එය එවේලේම කන්න පුළුවන්. ඒවා ස්වාභාවික ජෙලි වගේ.
මේ දෙකින් ලක්ෂ ගාණක් වියදම් කරලා කරගන්න බැරිදෙයක් කරගන්න පුළුවන් වෙනවා.
මේ දිනවල අප වෙද ගෙදරින් ඩෙංගු, කොරෝනා ඇතුළු බොහෝ රෝගීන් සුවපත් කළ කායික මානසික සුවය ලැබෙන මහා බලගතු ඉෂිවර තෙල නැවත සිඳගැනීමේ කටයුතුවල නිරත වෙනවා. ඒ සඳහා තැඹිලි පොල් අවශ්‍යතාව තිබෙනවා. වෙනත් ඔෟෂධ වර්ග රාශියකින් තඹ කම්බියේ කෙම් ක්‍රමය සමඟ ගිරිමානන්ද සූත්‍රයෙන් පිරිත් කර සැමටම තෙල් ටිකක් නොමිලේමත් ලබාදෙනවා. හැකි තරමින් තැඹිලි පොල් ලබාදෙන්න. තැඹිලි පොල් ගෙඩියක් හෝ සපයා දෙන කෙනකුට නොමිලේම ඉසිවර තෙල ලබා දෙනවා. කෙම් ක්‍රමයට තෙල හිඳින බැවින් සියලුම දෙනාගේම නම්ගම් සියල්ල අප වෙත හැකි ඉක්මනින් ලබාදෙන්න. එම නම් තඹ කොළයක ලියා තඹ භාජනවලට සම්බන්ධ කර තඹ කම්බියක් අල්ලාගෙන ගිරිමානන්ද සූත්‍රයෙන් පිරිත් කරනවා. ඔෟෂධවල ශක්තියද, ගිරිමානන්ද පිරිතේ ශක්තියද, විශ්ව ශක්තියද එකතුව බලගතු ප්‍රතිශක්තියක් ලැබෙනවා.
ආයුර්වේද වෛද්‍ය එස්.පී. අධිකාරිගේ
78/3, මල්වත්ත පාර, විද්‍යාල හන්දිය, හෝකන්දර දකුණ
0770262594
උපුටා ගැනීම මව්බිම
