චීස් පැටිස්
අවශ්‍ය ද්‍රව්‍ය :
- පිටි ග්‍රෑම් 250
- බිත්තර 01
- බටර් ග්‍රෑම් 25
- ලුණු ස්වල්පයක්
- ගම්මිරිස් කුඩු ස්වල්පයක්
- සිහිනියට ගා ගත් චීස් ටිකක්
- බැද ගැනීමට තෙල්
බිත්තරය හොදින් ගසා ගන්න. පිටි, බටර්, ගසා ගත් බිත්තරය ,ලූණු හා වතුර ස්වල්පයක් දමා පිටි අතේ නොඇලෙන ගුලියක් ලෙස අනාගන්න. චීස් සහ ගම්මිරිස් කුඩු කලවම් කර පසෙකින් තබා ගන්න. දැන් පිටි මෝලිය රෝලින් පින් එකක ආධාරයෙන් පැතලි පෘෂ්ඨයක් මත තුනීකර අවශ්‍ය තරමේ රවුම් කපා ගන්න. එම රවුම් මැදට චීස් ටිකක් තබා එය නවා පැටිසයක් සේ අල්වා ගන්න. දැන් රත්වූ ගැඹුරු තෙලේ දමා රන්වන් පාටට බැද ගන්න.
