ගෙඩි සහ තුවාලවලට කළ යුතු ආයුර්වේද ප්‍රතිකාර

ඉපදෙන කොටම අපි අඬාගෙන පටන් ගන්නා ජීවිතය අවසාන කරන්නේද දැඩි වේදනාවකින්මයි. මේ දැඩි වේදනාව ජීවිතයේ ඉදිරියට ගෙනයාමට උදව් වනවා සේම ජීවිතයේ පසුබෑමටද ශාරීරිකව හා මානසිකව බලපානු ලැබේ. නමුත් දැඩි පීඩාකාරී තත්ත්වය වන්නේ මානසික පීඩාව වුවත් ශාරීරිකව දැනෙන පීඩාවද විඳ දරා ගත හැක්කේ එසේ මෙසේ අයෙකුට පමණි. ශාරීරිකව නැගෙන වේදනාව මතුපිටින් ඇතිවීම ඊටත් වඩා භයානකයි. එය දැඩි වේදනා අතර පවතින කොටසකි.

ගෙඩි හෝ තුවාල සිරුරේ ඇතිවීමට බලපාන හේතු :

• වැටීම්, සීරීම්, කැපීම්
• දියවැඩියාව, නහර ගැටගැසීම්, අර්ශස් වැනි බෝ නොවන රෝග
• බෝවන රෝග
• තමාගේ ජීවන රටාවේ ඇතිවන වෙනස්කම්. (අපිරිසිදුකම හා පරිසරයේ අපිරිසිදු බව)
• ඖෂධ වර්ග හෝ සමහර රසායනික ද්‍රව්‍ය

ඉපදෙනකොටම ඇතිවන වේදනාව ද එසේමයි. දරුවාගේ පෙකැනිවැල කපා දැමිම නිසා ඇතිවන තුවාලය හා දැනෙන ශාරීරික වේදනාව ගැන මොනවට කියා පෑ හැකිද? ගෙඩි හා තුවාල ජීවිතයේ පසුබෑමට ලක්කරන්නේ ඒ නිසයි. එහි ඇති පිළිකුල් සහගත බව නිසා සුන්දරත්වය පිරිසිදුභාවය අප තුලින් ඈත් කර දමයි. අපගේ සිරුර නිරතුරු සොබාමත් කරන්නට කුමක් කල යුතුද? තුවාල නසා සම ආරක්ෂා කල යුතුව ඇත. එය සිදුකරන්නේ කෙලෙසද? විමසා බැලීම අනගි බැවින් ගෙඩි හා තුවාල වලක්වා ගන්නේ කෙසේද කියා මීගොඩ ආයුර්වේද රෝහලේ වෛද්‍ය අභයතිලක දේවගිරිගෙන් විමසීමක් කළා.

1. තුවාලය පැවති කාල සීමාව
2. එයට බෙහෙත් කර ඇති ප්‍රතිකාර
3. රෝගියාගේ ප්‍රකෘතිය
4. රෝගියාගේ ජීවන රටාව
5. රෝගියා ජීවත් වන පරිසරය

මේවා අනුව ප්‍රතිකාර නිර්ණය කල යුතුයි. පිරිසිඳු භාවය විශේෂයෙන් සැළකිලිමත් විය යුතු කරුණකි.

ගෙඩි හෝ තුවාල සිරුරේ ඇතිවීමට බලපාන හේතු.

1. වැටීම්, සීරීම්, කැපීම්
2. දියවැඩියා, නහර ගැටගැසීම්, අර්ශස් වැනි බෝ නොවන රෝග
3. බෝවන රෝග
4. තමාගේ ජීවන රටාවේ ඇතිවන වෙනස් කම්. (අපිරිසිඳුකම හා පරිසරයේ අපිරිසිඳු බව )
5. ඖෂධ වර්ග හෝ සමහර රසායන ද්‍රව්‍ය

නමුත් ආයුර්වේදයේ තුවාල දක්වා ඇත්තේ මෙසේය.

1. ශරීරයේ පවතින දෝෂ වෙනස්කම් නිසා ඇතිවන තුවාල උදා - විසප්පු, විසර ගෙඩි, ලේ ගෙඩි මේවා ශරීරයේ අභ්‍යන්තරිකව ඇතිවන තත්ත්වයකි.

2. වැටීම්, තැලීම් හෝ කැපීම් නිසා ඇතිවන තුවාල - මෙය බාහිර පරිසරය මගින් ඇතිවන තත්ත්වයකි.

සිරුරේ ඇතිවන දෝෂ වෙනස්කම් නිසා ඇතිවන ගෙඩියක් පසුව තුවාලයක් බවට පත්වීම සිදුවේ. නමුත් මේ තුවාල තත්ත්වය එන තෙක් නොසිට එය ගෙඩි තත්ත්වයේදීම තුවලය බවට කැපුමකින් සකස් කොට ප්‍රතිකාර කිරීමෙන් සුව කරගත හැකියි.

1. ආම අවස්තාව - යම්තම් මොදු වී ගෙන එන අවස්ථාවකි. මෙය මද උණුසුම්ව දැනේ. වේදනාව ද අඩුවෙන් පවතී මෙම අවස්ථාවේදි ගෙඩියක් මෙන් මතු නොවී යම් තම් සම ඉස්සී පවතී

2. මෙය ගෙඩිය පැසවීමට එන අවස්ථාව හෙවත් ආයුර්වේදයේ සඳහන් වන්නේ පච්චමාන අවස්ථාව ලෙසයි. මෙම අවස්ථාව වන විට ගෙඩියේ තත්ත්වය වෙනස් වේ. දැවිල්ල හා වේදනාව වැඩියි. නින්දයාම අඩුවේ. එසේම විපාසාව ඇතිවේ. සම පිම්බුණු ස්වභාවයක් ගනී. සම රතුපාට හෝ කහපාට විය හැකියි. සමහර විට උණ තත්ත්වය පැමිණිය හැකියි.

3. මේ තත්ත්වයේදී වේදනාව අඩු වී යයි. මෙය පක්ව අවස්ථාව වේ. සුදුපාට සැරවෙන් පිරී පවතින අතර රෝගියාට කෑම රුචිය ඇතිකරයි. ගෙඩියේ අවසාන තත්ත්වයයි.

1. ආම අවස්ථාවේදී රෝගය සුවකළ හැකියි. මෙහිදී සිදුවනුයේ දෝෂ තත්ත්ව විසුරුවා හැර ඖෂධ දීමයි.

• රන් කුඹල් මැටි, පෙරුම් කායම්, කුඹුරු කොල ඉස්මෙන් අඹරා ගැල්විය හැකිය. මෙහිදී ගෙඩිය මුළුමනින්ම වැසෙන සේ ගෑ යුතුයි.
• ඉඟුරු කොත්තමල්ලි, වෙනිවැල්ගැට තම්බා බොන්න. සීතාරාම වටී 2 බැගින් උ/ ස.
• සුදර්හන චූර්ණය තේ හැඳි 1 බැගින්.

මෙම අවස්ථාව රෝගියාට දැඩි ලෙස පවතීනම් වමන විරේඡන කර්ම කළ යුතුයි.

2. ගෙඩිය පැසවීමට එන අවස්ථාව හෙවත් පච්චමාන අවස්තාවේදී ඔබට මෙම ප්‍රතිකාර වලට යොමු විය හැකියි.

• අහු ගැට, අත්තන ගැට, දෙහි ගැට පොල් කිරෙන් තම්බා අඹරා ගාන්න. මෙහිදී සම්පූර්ණ තුවාලයම වැසෙන සේ ගෑ යුතුයි.
• කෝමාරිකා, නෙල්ලි, මුං ඇට,කැකුළු හාල්, සියඹලා දළු පොල් කිරෙන් තම්බා අඹරා ගාන්න.

මෙයද ගෙඩිය වැසෙන සේ ගෑ යුතුයි.

3. ගෙඩිය පැලෙන්න හෝ පුපුරන්න බලන අවස්ථාව. මෙහිදී සැරව පිරී පවතින ගෙඩිය පලා ප්‍රතිකාර කළ යුතුයි.

• ජයපාල දළු ඇල් වතුරෙන් අඹරා ගෑම.
• වල් ලූණු අල උණු අළු පල්ලේ තම්බා එලඟි තෙලෙන් අඹරා ගල්වන්න.

• මෙම අවස්ථාවේදී සැරවෙන් පිරි ගෙඩිය පැලුවේ නැත්නම් තුවාලය අභ්‍යන්තරයට වර්ධනය විය හැකියි. එවිට නාඩි වෘණයක් ඇතිවිය හැකියි. එනම් මාංශපේෂි ඛාදනය වෙමින් ඇතුලට සිදුරක් ආකාරයට සැරව පිරී යාමයි.

පැලු පසු එය ශෝධනය කර සැරව ඉවත් කළ යුතුයි. පසුව මාංහ පේෂි වර්ධනය වන ඖෂධ යෙදිය හැකියි. එසේම කැළල මැකීමටද ඹෟෂධ යෙදවිය යුතුය.ි ඒ සඳහා බෙලි මදය මී පැණියෙන් අඹරා ගෑමෙන් කැළල මැකිය හැකියි.

1. මධුමේහය ( දියවැඩියාව) නහර ගැටගැසීම හා පාකින්සන් යන රෝග අවස්ථාවලදී තුවාල සුවවීමට කල් ගතවේ.
2. ශරීරයේ ධාතු ක්ෂය වී ප්‍රතිශක්තිකරණය අඩු අවස්ථාවලදී
3. කුෂ්ඨ රෝග වලදී දෝෂ තත්ත්ව ඉහල යාම නිසාද තුවාල සුව නොවේ.
4. තුවාලයක් තිබුණු තැනක නැවතත් තුවාලයක් ආ විටද එම තුවාලය සුව වීමට ප්‍රමාද වේ.
5. සර්ප දෂ්ඨ වලදී

ප්‍රතිකාර - විවිධ අවස්ථාවන් වලදී ඇතිවන තුවාල හෝ ගෙඩි අනුව අස්ථි බිඳිම් වලට අනුගතව ප්‍රතිකාර කළ යුතුයි.

• රුධිරයේ සීනි මට්ටම නියමිත මට්ටමට පවත්වමින් ඒ සඳහා අවශ්‍ය ඖෂධ ලබාදීම සිදුුකළ යුතුයි.
• මෙහිදී ඇතිවන තුවාල වලදී අන්නාසි, බල මාළු, ඉස්සෝ, දැල්ලෝ, කකුළුවෝ, අච්චාරු, චට්නි වර්ග සහ සැමන් වැනි උෂ්ණාධික ආහාර නතර කල යුතුයි. අධික දැවිල්ල ඇති විට පිත් සමන ප්‍රතිකාර කළ යුතුයි. එනම් රුධිරය පිරිසිඳු කිරීමේ ක්ෂාය වර්ග දීමයි.
• අරව, බුළු, නෙල්ලි, රසකිඳ අඩංගු ක්ෂාය.
• වෙනිවැලි ගැට, ඉඟුරු, කොත්තමල්ලි ක්ෂාය වෙරිකෝස් වේන් (නහර ගැට ගැසීම) නිසා ඇතිවන තුවාල සුව වීමට ප්‍රමාද නම් අපිරිසුදු රුධිරය ඉවත් කළ යුතුªයි. මෙහිදී ඖෂධීය ද්‍රව්‍ය යොදා පිරිසිඳු කරන ලද කූඩැල්ලන් මාර්ගයෙන් රුධිරය ඉවත් කිරීම සිදුකළ යුතුයි.