මුහුණේ රැළි ඉවත් කරන, බර අඩු කරන ෆේස් ලිෆ්ට් ඩයට් ගැන දැනගනිමු
කාන්තාවන් අතර ඉතාම දරුණු වගේම සුලභ ප්‍රශ්නයක් තමයි බර වැඩිවීම. බර පාලනය කරන්න විවිධාකාර ක්‍රම දහස් ගණනක් තියෙනවා. ඒ වගේම වයසත් එක්ක ඇති වෙන තවත් ප්‍රශ්නයක් තමයි මුහුණේ ඇති වෙන රැළි. කාන්තාවන් මේ ප්‍රශ්න වලට විසඳුම් ලබාගැනීමට ඕනම දෙයක් කර්න්න සූදානමෙන් ඉන්නවා. බඩගින්නේ ඉන්න, දිනපතාම ව්‍යායාම වල නිරත වෙන්න වගේම ශල්‍යකර්ම වලට පවා භාජනය වෙනවා. බර අඩු කරන්න වගේම රූපලාවන්‍ය ක්ශේත්‍රයේ බහුලව ප්‍රතිකර්ම තියෙන තවත් දෙයක් තමයි මේ මුහුණේ ඇති වෙන රැළි.
රැජිණිය අපි මේ ප්‍රශ්න දෙකටම සාර්ථක විසඳුම් ලබාදිය හැකි ඩයට් ප්ලෑන් එකක සොයාගත්තා. මේ ලිපිය මගින් ඔබ නිකලස් පෙරිකෝන් විසින් සොයාගත් මේ ඩයට් එක ගැනත්, එය කරන ආකාරය ගැනත්, එය ක්‍රියා කරන ආකාරය ගැනත් ඔබට පැහැදිලි විස්තරයක් ලබා දීමට උත්සහ කරනවා. මේ ඩයට් ප්ලෑන් එක නිවැරදිව අනුගමනය කිරීම මගින් ඔබට දින තුනක් ඇතුලත සමේ ඇතිවෙන වෙනස්කම් හඳුනාගත හැකි වෙනවා.
නිදහස් ප්‍රකෘති අණු සහ සම වියපත් වීම
ෆේස්ලිෆ්ට් ඩයට් කියන පොත රචනා කළ නිකලස් පෙර්කෝන් චර්ම රෝග විශේෂඥයෙක් මෙන්ම පෝෂණවේදියෙකුද වෙනවා. මොහු කියන ආකාරයට අපේ ශරීරයේ ඇති නිදහස් අනු නිශ්චිත ප්‍රමාණයන්ගෙන් ඇති විට ඒවා අපේ ශරීරයට විසබීජ සමඟ සටන් කිරීමට හැකියාව සලසා දෙනවා. නමුත් මෙය අවශ්‍ය ප්‍රමාණය ඉක්මවා ගිය විට ප්‍රතිශක්තිකරණ පද්ධතියේ ක්‍රියාකාරිත්වයට හානි පමුණුවන අතර මුහුණේ රැළි ඇති වීමට ද බලපානවා.
නිදහස් අණුවක් යනු තමන්ගේ ඉලෙක්ට්‍රෝන දෙකෙන් එකක් අහිමි වූ හානි වූ අණුයි.
සාමාන්‍යෙන් අණු හානි වීමට ප්‍රධාන හේතු වන්නේ අධික සීනි පරිබෝජනය, නින්ද අඩු වීම, අධෝරක්ත කිරණ වලට නිරාවරණය වීම, දුම්පානය සහ මත්පැන් පානය ආදිය බලපානවා.
මේ සඳහා ප්‍රතිකර්මය වන්නේ උසස් තත්වයේ ප්‍රෝටීන් සහ ප්‍රතිඔක්සිකාරක ලබා ගැනීමයි. ඒ මගින් අහිමි වූ ඉලෙක්ට්‍රෝන නැවත ලබා දෙමින් නිදහස් අණු පිළිසකර කරනවා.
ෆේස් ලිෆ්ට් ආහාර වේල
ෆේස් ලිෆ්ට් ආහාර වේල හරහා මුහුණේ රැළි ඉවත් වෙනවා, එමෙන්ම කොණ්ඩයේ, නියපොතු වල, සමේ සහ අස්ථි වලට තත්වය වැඩි දියුණු කරනවා. මෙහිම අතුරු ප්‍රථිපලයක් ලෙස ශරීරයේ බරත් ඩු වෙනවා.
මේ ආහාර වේලේ මූලික ආහාර වර්ග වන්නේ,
- සැමන්
(Salmon මාළුවා, ටින් මාළු නොවේ) – මෙම මාළුවා ප්‍රෝටීන් බහුල මාළු වර්ගයක් වන අතර මේවා මගින් සහරීරයේ සෛල ප්‍රතිසංස්කරණය කරනවා. එමෙන්ම සැමන් වල අඩංගු ඔමේගා අම්ල මගින් සම පෝෂණය කරනවා. ඊට අමතරව සැමන් වල මුහුණේ මාංෂපේශි ඇතුළුව සිරුරේ මාංශපේෂි වල තානය ආරක්ෂා කරන ප්‍රති ඔක්සිකාරක සහ DMAE ද අඩංගු වෙනවා. එයින් සමේ රැළි ඇති වීමද අඩු වෙනවා. - තද කොළ පාට එළවලු
– තද කොළ පැහැති එළවලු වල ප්‍රති ඔක්සිකාරක ඉහළ ප්‍රමාණයකඩංගු වෙනවා. එය වයස්ගත වීම වැලැක්වීමට උපකාර වෙනවා. - බෙරි වර්ග සහ පළතුරු
(රාස්ප්බෙරි, බිල්බෙරි, ස්ට්‍රෝබෙරි, කොමඩු, ඇපල්, පෙයාර්ස්) වර්ග අතුරුපස සඳහා ආහාරයට ගන්න. මේවායේ බහුල ලෙස ප්‍රතිඔක්සිකාරක, කාබෝහයිඩ්‍රේට් සහ සහ ඉඅහල ග්ලයිසෙමික් ප්‍රතිශතයක් අඩංගු වෙනවා. එයින් ශරීරයේ සීනි මට්ට්ම ඉහල දමන්නේ නැහැ.
ඔබ මේ ආහාර ලබාගත යුතු පිළිවෙල වන්නේ මුලින් ප්‍රෝටීන් පසුව කාබෝහයිඩ්‍රේට ලෙසයි.
දින තුනේ ඩයට් ප්ලෑන් එක
මේ ආහාර වේලේ ප්‍රධාන ආකාර දෙකක් තිබෙනවා, දින තුන සහ දින 28. වෛද්‍ය
පෙර්කෝන් පවසන්නේ මේ ආහාර වේල අනුගමනය කරන විට, දින තුනේ ආහාර වේලේදි අවම
වශයෙන් දින තුන තුල දෙවරක් සැමන් මාලු ආහාරයට ගන්නවා නම්, ඔබට මෙහි වෙනස
දැනෙන්න පටන් ගන්නවා. ඒ වගේම ඔබ දීර්ඝ කාලීන ආහාර රටාවට යොමු වෙන්න කලින්,
දින තුනේ එක අත්හදා බැලුවොත් ඔබට දීර්ඝ එකට සූදානම් වීමටත් ඔබේ අවශ්‍යයතාවය
අනුව එය තේරුම් ගන්නටත් පුලුවන්.
උදෑසන ආහාරය :
ස්ක්‍රම්බල්ඩ් බිත්තර 3ක්, තම්බපු
බිත්තරයක් හෝ සැමන් මාළු ග්‍රෑම් 110ක් හෝ 160ක්, ඕට් මීල් කෝප්ප භාගයක්,
බෙරි කෝප්ප භාගයයි කොමඩු කෑල්ලයි, වතුර වීදුරු එකක් හෝ දෙකක්.
දහවල් ආහාරය :
සැමන් හෝ ටූනා ග්‍රෑම් 100ක් හෝ 150ක්,
අඳුරු කොළ පාට එළවලු, ඔලිව් ඔයිල් සහ දෙහි අඩංගු සැලඩ් එකක්, කිවි ගෙඩියක්
හෝ ලෙමන් භාගයක් සහ බෙරි කෝප්ප භාගයක්, වතුර වීදුරු එකක් හෝ දෙකක්.
රාත්‍රී ආහාරය :
සැමන් හෝ ටූනා ග්‍රෑම් 100ක් හෝ
150ක්, අඳුරු කොළ පාට එළවලු, ඔලිව් ඔයිල් සහ දෙහි අඩංගු සැලඩ් එකක්, තම්බපු
එළවලු බෝල් භාගයක් ( බ්‍රොකලි, ඇස්පරගස්, නිවිතිය), කොමඩු භාගයක්, වතුර
වීදුරු එකක් හෝ දෙකක්.
නින්දට පෙර : ඇපල් ගෙඩියක්, කළුකුන් මස් ග්‍රෑම් 50ක්, ස්වභාවික යෝගට් ග්‍රෑම් 150ක්, හේස්ල් නට්, වෝල්නට් හෝ ආමන්ඩ් වැනි ඇට වර්ගයකින් අහුරක්.
දින 28 ඩයට් එක
දින තුනේ ඩයට් එක මාසයක් දිග ඩයට් එකේ ආරම්භය විය හැකිය. මෙහිද දින තුනේ ඩයට් එක සේම ආහාර වේල් තුනක් හා ස්නැක්ස් දෙකක් අඩංගු වන නමුත් ආහාර ලැයිස්තුව වඩා දිගු වේ.
- මුහුදු මාළු සහ මුහුදු ආහාර, කළුකුම් මස් සහ චිකන් බ්‍රෙස්ට්
- අර්තාපල්, කැරට්, බීට් රූට්, බඩ ඉරිඟු හැර අනිකුත් එළවලු වර්ග
- පාර්ස්ලි
- කෙසෙල්, දොඩම්, මිදි, කොමඩු, අඹ, පැපොල් හැර වෙනත් පළතුරු හා බෙරි වර්ග ( මෙම පළතුරු වලින් ක්ෂණිකව රුධිරගත සීනී මට්ටම ඉහළ යා හැකිය.
- අමු ඇට වර්ග (වොල් නට්, ආමන්ඩ්, හේසල් නට්)
- බෝංචි, ඔලිව් සහ ඔලිව් තෙල්
- මේද රහිත කිරි නිෂ්පාදන
- ඕට් මීල්
- ජලය, ග්‍රීන් ටී සහ ඛනිජ ජලය
මුළුමනින්ම තහනම්
: ඇල්කොහොල්, කෝපි, සෝඩා, පලතුරු යුෂ, ශීත කළ ආහාර, ක්ෂණික ආහාර, පාන්, පැණි රස කෑම, සෝස් වර්ග.
නමුත් තවත් දේවල් තිබෙනවා…
වෛද්‍ය පෙරිකෝන් විශ්වාස කරනවා ආහාර වේලට අමතරව ඇති තරම් ජලය පානය කිරීමත් ව්‍යායාම වල නිරත වීමත්, ප්‍රතිඵල ලබාගැනීම සදහා අත්‍යාවශ්‍යය වන බව.
සමේ තෙතමනය ආරක්ෂා කරගැනීමට දිනකට වතුර වීදුරු 8ක් හෝ 10ක ප්‍රමාණයක් හෝ ප්‍රතිඔක්සිකාරක බහුල ඛනිජ ජලය හෝ ග්‍රීන් ටී දිනපතා ලබාගත යුතුය.
දිවීම, ඇවිදීම, කාඩියෝ ව්‍යායාම, ඇදීමේ ව්‍යායාම ඇතුලත් ශාරීරික ක්‍රියාකාරකම් දිනකට විනාඩි 30 – 45ක් පමණ කාලයක් අවම වශයෙන් සතියේ දින 04ක් වත් සිදු කළ යුතුය.
නිකොලස් පෙරිකෝන් ඩයට් එකේ හොඳ සහ නරක
මෙම ආහාර වේල හොලිවුඩ් තරු පවා අනුගමනය කරති.
මෙහි වාසි :
- නීරෝගීව බර අඩුකිරීමට සහය වේ. හෘද රෝග, අධික රුධිර පීඩනය, දියවැඩියාව, සම රැළි වැටීම ආදී ක්ෂණිකව බර අඩු කරගැනීමේ ක්‍රමවේද වල අතුරු ප්‍රතිඵල වලින් වැළකී සෙමෙන් බර අඩු කර ගැනීමට උපකාර කරයි.
- ඔමේගා 3 අඩංගු ආහාර වර්ග හා ප්‍රතිඔක්සිකාරක අඩංගු ආහාර විශාල වශයෙන් අඩංගු වන නිසා සමට සහ හදවතට ඉතා හොඳයි.
- ආහාර වලින් කුස පිරී සන්සුන් බවක් ඇතිවී පැහැදිළිව සිතීමටද හැකියාව ලැබේ. නමුත් සමහරු වෛද්‍ය පෙරිකෝන්ගේ ආහාර වේල විවේචනයද කරති.
ඔවුන් පෙන්වාදෙන අවාසි
- මෙම ආහාර වේල මිල අධිකයි. මහා පරිමාණයෙන් නිෂ්පාදනය කරන සැමන් මාළු වල බැක්ටීරියා නාශක සහ රසායනික ද්‍රව්‍ය අඩංගු විය හැකි අතර ස්වභාවික සැමන් මාළු මිලෙන් අධිකයි.
- අනුමත කළ කාල වලින් පිටත බඩගින්න ඇතිවීම.
- සෑම දෙනාම එක ලෙස මාළු කෑම ප්‍රිය නොකිරීම.
උපුටා ගැනීම රැජිණිය
