අහක දාන කෙසෙල් ලෙල්ලකටත් ඔබව ලස්සන කරන්න පුළුවන්

කෙසෙල් කියන්නේ අපි හැමෝම ආස කරන පලතුරක්. එමෙන්ම එහි පෝෂණ සංඝටක රාශියක්ද අඩංගු වේ. නමුත් අද අපි කතා කරන්නේ විස්මිත විසඳුම් ලබා දෙන කෙසෙල් ලෙල්ලෙන් සිදු කරගත හැකි රූපලාවණ්‍ය සත්කාරයන් කිහිපයක් පිළිබඳවයි.

කුරුලෑ ආසාදන තත්ත්වයන් ඉවත් කර ගැනීමට :
කෙසෙල් පොත්තෙහි ඇතුළුපැත්ත ඔබේ මුහුණේ කුරුලෑ තිබෙන ස්ථානවල විනාඩි 5ක් පමණ සෙමින් පිරිමදින්න.

ඇස් යට ඇති අදුරු පැහැය ඉවත් කර ගැනීමට :
කෙසෙල් ලෙල්ලෙහි ඇතුළු පැත්ත කෝමාරිකා මදවල ස්වල්ප වේලාවක් ගිල්වා තබන්න. ඉන්පසුව එය ඇස් යට තබා ස්වල්ප වේලාවක් විවේකීව සිටින්න.

සුදුවන් දිදුලන දත් දෙපළක් ලබා ගැනීමට :
කෙසෙල් ලෙල්ලෙහි ඇතුළු පැත්තට කහ කුඩු ස්වල්පයක් ඉසින්න. ඉන්පසුව කෙසෙල් ලෙල්ල දත් මත සෙමින් අතුල්ලන්න. එමඟින් දුර්වර්ණ වී අවපැහැ ගැන්වී ඇති ඔබගේ දත් පැහැපත් කරගත හැකියි.

දීප්තිමත් සමක් සඳහා :
කෙසෙල් ලෙල්ලෙහි ඇතුළු පැත්ත සම මත සියුම්ව ඇතිල්ලීම මඟින් සමෙහි තෙතමනය ආරක්ෂා කරන අතරම සමට නැවුම් බවක්, පෝෂණීය බවක් ගෙන දෙයි. එයට හේතුව කෙසෙල් පොත්තෙහි ඇතුළු පැත්තේ විටමින් පෝෂණ සංඝටක රැසක් අඩංගු වීමයි.

සම මත ඇති කැළැල් ඉවත් කිරීම සඳහා :
කෙසෙල් පොත්තෙහි ඇතුළත ඇති සුදු පැහැති කොටස දුඹුරු පැහැයට හැරෙනතුරු ස්වල්ප වේලාවක් අදාළ පැල්ලම් ඇති ස්ථානවල සියුම්ව අතුල්ලන්න.

උපුටා ගැනීම මව්බිම