ඔබේ සම රන් පැහැ කරවන වට්ටක්කා පොතු

වට්ටක්කා කියන්නේ ඉටාමත් ගුණදායී එළවළු වර්ගයක්. පසුගිය දිනවල වට්ටක්කා ගැන රට පුරා කතා බහ කරන්න ගත්තා ඔබට මතක ඇති. ගොවීන්ට ඒවා විකුණා ගන්න අමාරු තත්ත්වයක් තිබුණා. කොහොම වූණත් මේ කියන්න යන්නේ අතිශය සුලබ වට්ටක්කා මගින් ඔබේ රුව අලංකරණය කර ගන්නා විදියක් ගැන.

වට්ටක්කා පොතු තමයි මේ සඳහා අපි භාවිත කරන්නේ. වට්ටක්කා පොතුවල විටමින් සහ ඛණිජ ලවණ බෙහෙවින් අඩංගුයි. මේ වට්ටක්ක පොතු ආලේපයක් ලෙස සකසා මුහුණේ ශරීරයේ ආලේප කල හැකියි.

මේ තියෙන්නේ ඒ ආලේපය හදන හැටි :
මේ සඳහා වට්ටක්කා පොතු ටිකක් ගෙන එළකිරි සමග බ්ලෙන්ඩ් කර ගන්න. එය මුහුණේ සහ ශරීරයේ ආලේප කොට විනාඩි 30 ක් පමණ සිට සෝදා හරින්න. නිතර මේ සත්කාරය කිරීමෙන් ඔබේ සම රන්වන් පැහැ ගැන්වේ. ඊට අමතරව රැලි වැටීමද නතර කරයි.