ඔබේ නිවසටත් පුංචි දිය ඇල්ලක්
ඔබේ නිවස ඇතුළත සිහින් සරින් දිය ගලා හැලෙන සුන්දර දිය ඇල්ලක්
නිර්මාණය කර ගන්න ඇත්නම් කොයිතරම් අපූරුද? වර්තමානයේ බොහෝ නිවෙස් වල ගෘහ
අභ්‍යන්තර උද්‍යානයක් (INDOOR GARDEN) ඇතුළත් දිය ඇල්ලකින් නිවස තුළට
ස්වාභාවික පරිසරයේ චමත්කාරය, සිසිලස අපූරුවට ලබා ගන්න පුළුවන්. එසේම සිතටත්
සිසිලසක්, සතුටක් ලැඛෙනවා. මේ නිසා INDOOR GARDEN එකට දිය ඇල්ලක් එකතු කර
ගැනීම හැම අතින්ම සුදුසුයි. නමුත් ඔබේ නිවස ඇතුළතට දිය ඇල්ලක් එක්කර ගැනීමට
පෙර අවධානය යොමු කළයුතු කරුණු කාරණා කිහිපයක් තිඛෙනවා. මේවා ගැන අවධානය
යොමු කිරීම මගින් ඔබට දිය ඇල්ලෙන් ලැඛෙන සතුට, විනෝදය උපරිම ව ලබා ගන්න
පුළුවනි. එහෙනම් අපි මේ කාරණා ගැන සොයා බලමු.
දිය ඇල්ලේ ප්‍රමාණය :
සාමාන්‍යයෙන්
අපි හිතන්නෙ දිය ඇල්ල පුළුවන් තරම් ලොකුවට හදන්න ඕන කියලනේ. නමුත් පුළුවන්
තරම් ලොකුවට නෙමෙයි නිවසට පරිසරයට ගැලපෙන ලෙසයි එය කළ යුත්තේ. සාමාන්‍ය
ප්‍රමාණයට වඩා ස්වභාවික පෙනුමක් එන විදියට දිය ඇල්ල නිර්මාණය කර ගන්න. ඒ
වගේම දිය ඇල්ලේ ප්‍රමාණය තීරණය කිරීමේ දී ඔබට ඒ සඳහා වැය කළ හැකි මුදල ,
කාලය ( ඉදිරියේ දී නඩත්තු කිරීමට ) ශ්‍රමය පිළිබඳවත් අවධානය යොමු කළ යුතු
ය.
දිය ඇල්ලේ ස්වභාවය :
ස්වභාවය
යන්නෙන් අදහස් කළේ ජලය ගලා හැලෙන හැඩය , ජල පහරේ වේගය ආදිය යි. බොහෝවිට ගෘහ
අභ්‍යන්තරයේ තනන දිය ඇල්ලක් ශබ්ධය අඩුවෙන් නගන , ජලය විසීරීම අඩු ස්වභාවයේ
එකක් වීම සුදුසුයි. මන්ද එවිට නිවසේ කතා බහට බාධාවක් නොවීමයි. ජලය විසීරීම
වැඩි නම් ඒ අවට ගෙබිම තෙමී ලිස්සා අනතුරු විය හැකියි. එසේම ගෘහ භාණ්ඩ
වලටත් ඉන් හානිවන්න පුළුවන්.
ඔබේ පුංචි දූ දරුවන් :
ඔබේ
නිවසේ පුංචි දූ දරුවන් සිටිනවා නම් මෙවැනි නිර්මාණයක් කිරීමේ දී ඛෙහෙවින්
සැලකිලිමත් විය යුතුයි. ඊට හේතුව ජලයට වැටී දරුවන්ට අනතුරු සිදුවිය හැකි
නිසයි. දරුවන් සිටී නම් ඔවුන් දියට වැටීම වළකන, ඔවුනට ලංවිය නොහැකි ආරක්ෂිත
ක්‍රමයක් යෙදිය යුතුයි. ආරක්ෂාව ගැන 100% සහතික නොමැති නම් වඩා හොඳම දෙය
දිය ඇල්ල ගැන අදහස කල් දැමීමයි.
ඔබට කාලය තිබේද?
දිය ඇල්ලක් නිර්මාණය කිරීම නොවෙයි වඩා අපහසු. එය නිසි පරිදි නඩත්තු කරගෙන යාමයි. ජලය නිසි පරිදි පිරිසිදු කිරීමට, එහි ඇති ශාඛ නඩත්තු කිරීමට ඔබට කාලය වෙන් කළ හැකි විය යුතු ය. නැතිනම් නඩත්තුව සිදු නොවීමෙන් ඉතාම කෙටි කාලයකින් ඔබේ නිවස අසුන්දර කරන දර්ශනයක් බවට ඔබේ සුන්දර දිය ඇල්ල පත් වේවි.
