ඔබ නොහිතන තැන්වල සැඟවුණු කැමරා
පුංචිම පුංචි බොත්තමේ ඉඳන් අපි පාවිච්චි කරන උපකරණවල, දවසේ වැඩවලදී හමුවන ස්ථානවල සූක්ෂ්මව මේවා අටවලා තියෙන්න පුළුවන්. කාන්තාවකට තමන්ගෙ පෞදගලිකත්වය රැකගන්න වැට බඳින්න හැකියාව video camera වලට තියෙනවා. කාලෙකට කලින් video camera අටවලා ජීවිතයක් විනාශ කරපු කතාව මතක ඇතිනෙ. හැබැයි හොඳින් හිතලා බැලුවොත් මේ විනාසේ නවත්ත ගන්න බැරිකමකුත් නෑ.
හොටෙල් කාමර : ප්‍රසිද්ධ ස්ථානවල ආවරණය කරන තැන්වලට වඩා අනාවරණය නොවුණු තැන්වල video camera සවිකරලා තියෙන්න බැරි කමක් නෑ. මේ ක්‍රමය මුලින්ම පටන්ගත්තෙ හොටෙල් කාමරවල වගේම නාන කාමරවල හයිකරපු කැබ් වලින්. පවුලෙ අය එක්ක මිතුරියන් සමඟ නිවාඩුවක් ගතකරන්න හරි වෙන වෙලාවක හරි ඔබ එහෙමතැනකට යනව නම් පරෙස්සම් වෙන එක නුවණට හුරුයි. විශේෂයෙන් සමහර හොටෙල් කාමරවල නිදන ඇඳක් නාන කාමරයෙ දොර එකට යාවෙලා තියෙනවා නම් ඒ නාන කාමරයේ දොර වහලා දාන එක ඇඟට ගුණයි. සමහර වෙලාවට ඔය කාමරයට එල්ල කරපු video කැමරා එකක් නාන කාමරයෙ තියෙන්න පුළුවන්. ඒ වගේම දිගට වැටෙන තිර රෙදි එකවරක් ගසා දැම්මොත් ඒකෙ අමුණලා තියෙනවා නම් ඒවා ගැලවිලා යන්න පුළුවන්. video කැමරා හිතාගන්න බැරි තරමට කුඩාවට හදලා තියෙනවා. විශේෂයෙන්ම අඹු සැමියන් නම් පෞද්ගලිකත්වය රැකගන්න විදුලි පහන් නිවා දමන එකත් එක්තරා උපක්‍රමයක්. නානකාමරයෙ ගත කරන සුළු මොහොතෙදි වුණත් video කැමරාවක් ඔබ ඉස්සරහ තියෙන්න බැරි කමක් නෑ. සින්ක් එකට ඉහළ කොටසෙ ඉවර වෙච්ච ෂැම්පු බෝතල් වගේ දේවල් තියෙනවා නම් ස්නානයට කලින් ඒවා ඉවත් කරන්න ඕනෑ. මොකද ඔබ පාවිච්චි නොකරන දෙයක් යොදාගෙන ඔබව ඩැහැගන්න තරම් කපටි මොළ වැඩ කරනවා. එහි කණ්ණාඩියක් තියෙනවා නම් තෙත රෙද්දකින් පිහදලා දාන්න. පුංචි කැමරාවක් තිබුණොත් ඒවගෙ පරිපථ පිච්චිලා අක්‍රියවෙලා යනවා. ඒ වගේම ඉහළ කවුළුව විවෘත කරලා තියෙන එකත්එච්චර යහපත් දෙයක් නෙවෙයි. මේ දේවල් කියත්දි ඔබට හිතෙයි මේවා ඔක්කොම කරන්නවෙලාව කොහෙද තියෙන්නෙ කියලා. ඒත් ඔබ ගිලගන්න ඉන්න මිනිස්සුන්ට ඕනෑතරම් වෙලාව තියෙනවා ඒ වැඩේට. හෝටෙල්වල ඹ්චථන ඉඩචඤඥ, කබඩ් වගේ දේවල්වල අපිට නොපෙනෙන කැමරා රඳවන අයට හොඳ තෝතැන්නවල්.කියවන කෙනෙක්ට හිතෙයි හැම හෝටලයම මේ වගේ සිදුවෙනවද කියලා එහෙම දෙයක්නෑ. තරු පන්තියෙද නැත්ද කියලා නෑ. සමහර තැන්වල විතරයි video camera වැඩේ සිද්ධ වෙන්නේ.
නිමි ඇඳුම්සල් : උත්සව කාලයට ඇඳුම් කඩවල්වල ගජරාමෙට තෙරපෙන සෙනඟ අතරෙ ඇඳුම් ගන්න වගේම ලස්සන ඇඳුම් ඇඳලා හැඩ බලන්න එන අයත් ඉන්නවා. ඔය කොයිකාටත් වැදගත් දෙයක් තමයි fit on වල ඇඳුම් මාරු කරන යුවතියක් video කරපු ව්‍යාපාරිකයොත් හිටියා මතක ඇති. සමහර නිමි ඇඳුම්සල්වල කැමරා ක්‍රියාත්මක වීම සීමාවක් යටතේ තිබුණත් සමහර තැන්වල එහි හිමිකාරිත්වයට නොදන්වා video කැමරා අටෝලා තියෙනවා. ඒ වගේ තැන් හරියට හඳුනගන්න බැරි හින්දා කරන්න තියෙන එකම දේ fit on room එක හොඳින් නිරීක්ෂණය කරන එක විතරයි. සාමාන්‍යයෙන් සුදු පැහැයට හුරු නැති අඳුරු fit on room එකක් තුල video camera ඇටවීමට වැඩි සම්භාවිතාවයක් තියෙනවා.
කැබ් රථවල ගමන් කිරීම : හදිසියකට කොහෙ හරි යන්න මීටර් ටැක්සියකට කතාකරන එක සාමාන්‍ය දෙයක්නෙ. ඒ වගේම විශේෂ ගමනකට කැබ් සර්විස් එකකට කතා කරනවා. තරුණියක් විදියට ලස්සන විලාසිතා කරන්න කවුරුත් කැමැතිනෙ. ඒත් සාදයකට, වෙනත් කටයුත්තකට කෙටි ගවුම්වලින් සැරසිලා ටැක්සි වල යනවා නම් මීට පස්සෙ ඔබට තව ටිකක් හිතන්න වෙනවා. කවුරුවත් නොදන්නවා වුණාට ඩ්‍රැයිවර් නිහඬ වුණාට ඔබේ අඟපසඟ වීඩියෝ වන video කැමරාවක් වාඩිවෙන අසුනෙ දාරයක රදවලා තියෙන්න බැරි කමකුත් නෑ. ගමනෙ අවසානය වෙනකම්ම මේ කැමරාවලින් ඔබව ගොදුරු කරගනීවි. ඒකට කරන්න තියෙන්නෙ කැබ්එකේ වාඩිවෙන්න කලින් ඒ සීට් එකේ පහත කොටස අතින් ගසා දාන්න. එතකොට camera තියෙනවනං ඒවා අක්‍රියවෙලා යනවා. දැන් පොඩි චකිතයක් හිතට එයි ඛ්චඡ වලත් එහෙම වෙනවනෙ කියලා. කියන්න තියෙන්නෙ හදිස්සියට ඛ්චඡ පාවිච්චි නොකර ඉන්න එක නෙවේ. ඒකට උත්තරේ නිතරම පරෙස්සමට තමන්ගෙ ගමන යෑමයි කළ යුත්තේ.
මේ වගේ විශේෂ තැන් කිහිපයක video camera වලින් කාන්තාවන් ගොදුරු කරගන්න පහසුවෙලා තියෙන්නෙත් ඔබ සැලකිලිමත් නොවුණොතින් විතරයි. video camera වලින් බේරුණත් බස් රථ, දුම්රියවල හිටගෙන ගමන් කරන තරුණියක් නම් තමන් ඇඳ සිටින්නේ කෙටි ඇඳුමක් නම් තවත් පරෙස්සම් වෙන්න ඕනෑ. මොකද තමන් හිටගෙන ඉන්න අසල අසුනේ පුද්ගලයා කාටත් හොරෙන් ඔබගේ සිරුරේ අනවශ්‍ය ලෙස තමන්ගේ ජංගම දුරකතනයෙන් රූගත කරගන්න පුළුවන්.අද වෙනකොට video දර්ශන පටිගත කරන්න වගේම video පෙන්වලා හොඳ ගාණක් හොයන මිනිස්සු මේ වෙලාවෙත් ක්‍රියාත්මක වෙනව වෙන්න පුළුවන්. හොඳම දේ තමන් ආරක්ෂා වෙන එක. කුඩාම කුඩා කැමරාවකට ඔයාගේ ජීවිතේ වෙනස් කරන්න පුළුවන්. කාගෙවත් නෙත් සතුටු කරන එකවත් ඕතචජඬථචඪත වෙලා චරිතෙ නැති කරගන්න එකවත් කරගන්න කිසිම කාන්තාවක් කැමැති නෑනෙ. ඒ හින්දා අද ඉඳන් සැලකිලිමත් වුණොත් පහුවෙලා අඬන්න කරන්න ඕනෑ වෙන්නෙම නෑ.
නදීෂ නිර්මාණ හේරත්
මව්බිම
