කට්ල්ෆිශ් බීන්ස්
අවශ්‍ය ද්‍රව්‍ය :
- රවුමට කපා ගත් දැල්ලො ග්‍රෑම් 100
- කපා ගත් බෝංචි ග්‍රෑම් 100
- කපා ගත් ළූණු ගෙඩි 1
- කපා ගත් තක්කාලි ගෙඩි 2
- තලා ගත් ඉඟුරු සුදු ළූණු මේස හැඳි 2
- කෑලි මිරිස් තේ හැඳි 1
- මිරිස් කුඩු තේ හැඳි 1
- කහ කුඩු තේ හැඳි 1/2
- රම්පේ හා කරපිංචා
- අබ ස්වල්පයක්
- මිටිකිරි කෝප්ප 1/2
- තෙල් ස්වල්පයක්
- ලුණු හා ගම්මිරිස් කුඩු
සාදා ගන්නා ආකාරය :
- දැල්ලො වලට ලුණු හා ගම්මිරිස්කුඩු අතගාලා තියාගන්න.
- තෙල් ටික ලිපේ තියලා රත්වෙනකොට අබ ටික දාගන්න. ඒකට ළූණු, රම්පේ, කරපිංචා, තක්කාලි, ඉඟුරු, සුදුළූණු පේස්ට් එක දාලා තෙම්පරාදු කරගන්න.
- දැන් දැල්ලො ටික දාලා මිරිස්කුඩු, කහකුඩු හා කෑලි මිරිස් එකතු කරගන්න.
- දැල්ලො ටික විනාඩි 3ක් වගේ පිසගෙන බෝංචි ටික දාගන්න. බෝංචි බාගෙට තැම්බීගෙන එනකොට මිටිකිරි ටික එකතු කරලා උතුරවගෙන ලිප නිවාගන්න.
