සැමන් ඔම්ලට්
අවශ්‍ය ද්‍රව්‍ය :
- සැමන් ටින් එකක්
- බිත්තර දෙකක්
- හීනියට කපා ගත් ලූනූ
- හීනියට කැපූ අමු මිරිස් කරල් දෙකක්
- හීනියට කැපූ මාළු මිරිස්
- රතු හා කොළ බෙල් පෙපර් ගෙඩි බාගයක් බැගින් (අවශ්‍ය නම් පමණක්)
- කොටු හැඩයට කපා ගත් තක්කාලි ගෙඩියක්
- ලුණු
- ගම්මිරිස්
- පොල් තෙල්
- කැබැලි කරගත් චීස් ස්වල්පයක් (අවශ්‍ය නම් පමණක්)
බිත්තර දෙක බිඳ එයට ලුණු හා ගම්මිරිස් එකතු කර හොඳින් බිට් කර ගන්න. එයට චීස් සැමන් හා බෙල් පෙපර් හැර අනෙක් කළමණා සියල්ල එක් කර නැවත හොඳින් කලවම් කර ගන්න. දැන් පෑන් එකකට පොල් තෙල් හෝ ඔලිව් තෙල් දමා රත් වූ පසු බිත්තර මිශ්‍රණය වත් කර රවුමට සකසා ගන්න. එයට උඩින් චීස් හා බෙල් පෙපර් දමා ගන්න. දැන් තරමක් පොඩි කර ගත් සැමන් දමා විසිරුවා තක්කාලිද එක් කරන්න අවශ්‍ය නම් නැවත ලුණු ගම්මිරිස් දමා බැඳෙන්න හරින්න.
