කන්‍යාභාවය සහ කන්‍ය පටලය අතර සම්බන්ධය……
ඇත්තට මේ “කුතුහලය“ වැදගත් දෙයක්ද ?
මේ කුතුහලය නොවන්නට ජීවයේ පැවැත්මක් නොවන්නට ඇති.මෙවන් දියුණුවක් නොවෙන්නට ඇති. මිනිසුන්ට ඇති කුතුහලය දනවන මතෘකා අතරේ 'ලිංගිකත්වය' යනු ප්‍රමුඛස්ථානය ගන්නක්. සංස්කෘතිය නීතිය , ගෞරවය වගේ සාධකත් සමඟ යටපත් ව පැවතුනද මෙය විවෘතව කතා කළ යුතු තවත් එක් මාතෘකාවක් වන බව ඔබ සැමට මෙම ලිපිය අවසානයේදී පසක් වේවි.
කෙසේ වෙතත් මේ ලිංගික කුතුහලයන් අතරින් ශ්‍රී ලාංකික අප අතර කන්‍යාභාවය සහ කන්‍ය පටලය කියන පද වලට හිමිවන්නේ සුවිශේෂී ස්ථානයක් .
කන්‍යාපටලය යනු කුමක්ද ….?
Hymen එසේ නොමැතිනම් කන්‍යාපටලය පිහිටා ඇත්තේ යෝනි මාර්ගයේ විවරයට ඉතා ආසන්නව. මෙය තුනී පටලයක් (නමුත් සමහර අවස්ථා වල ඝණකම් විය හැක) මෙම පටලය මැද සිදුරක් පිහිටා ඇත. වෛද්‍ය විද්‍යාත්මකව ගත් කළ මෙම පටලයෙන් කාන්තවකගේ ශරීරයට විශාල සේවයක් ඉටු නොවේ.විටෙක හිතෙන්නට පුළුවන් මේ පටලය නිසා යෝනි මාර්ගයට බාහිරින් යම් දේ ඇතුලු වීම පාලනය වෙනවා නේද කියලා ..නමුත් මෙය බොහොම තුනී පටලයක් , එයට ලොකු බලපෑමක් කිරීමට තරම් සවියක් නැහැ.
නමුත් සමාජ විද්‍යාත්මකව නම් හරිම වැදගත්.පෙර ලිංගිකව එක් වී නොමැති බව පෙන්වන සංකේතයක් විදියට මේ කන්‍යා පටලය යොදා ගන්න එක අපේ රටේ විතරක් නොවෙයි බොහෝ රටවල සිදුවන්නක්.එනම් කන්‍යාපටලය බිඳිලා නම් ඒකේ තේරුම ඇය ලිංගිකව එක්වී ඇති බවමයි කියන තරමට හිත් ඇතුලට කිඳා බැස ඇති අදහසක් වී ඇත.නමුත් මෙම පටලය බිඳී යා හැකි වෙනත් ආකාර එමටය.
කන්‍යා පටලය මැද සිදුරක් තිබෙන්නේ ඇයි?
ජීව විද්‍යාත්මකව මේ සිදුර සෑදී ඇත්තේ කාන්තාවකගේ “ආර්තවයේදී “ ඉවත් වල රුධිරය බැහැර වීමට මඟක් විදියට. සමහර අවස්ථාවල මේ සිදුර ප්‍රමාණවත් පරිදි විශාලව නොතිබීම වගේම , සිදුරක් නොතිබිමත් රෝග තත්ත්වන් බවට පත් වෙනවා. එවිට නිසි ලෙස ආර්තව රුධිරය පිටතට යන්නේ නැහැ.
කන්‍යා පටලය පවතින විවිධ ආකාර
ආර්තවයේ රුධිරය එළියට ගලා එන්නට ඇති ඒ සිදුර නම් කරන්නේ Vaginal opening කියා.මේකේ ප්‍රමාණයේ හා හැඩයේ වෙනස්කම් නිසා ඇතිවන තත්තව කිහිපයක් පහත දක්වා ඇත.
Hymen
නමුත් සමහර අවස්ථාවල මෙම යෝනි විවරය නිසි ලෙස විවෘත නොවී පවතින්නට පුළුවන්.එනම් ඉතා කුඩා විවරයක් සහිතව පවතින්නත් පුළුවන් (Microperforate hymen)
ඒ වගේම මේ විවරය මැදින් බිත්තියක් බැඳ ඇති ආකාරය වගේ තීරුවක් සහිතව යෝනි විවරය පිහිටන්නත් පුළුවන් ( Septate hymen ) මේ අවස්ථා දෙකම බොහොම සරල ශල්‍යකර්මයකින් නිවැරදි කරගන්නට පුළුවන් තත්ත්වයන්
සිදුරක් නොමැති කන්‍යා පටලය / Imperforated Hymen …
කුඩා අවධීයෙදි පැහැදිලිව මේ තත්ත්වය හඳුනා නොගත්තොත් ( සමහර අවස්ථාවල උපතින් දින කිහිපයක් තුල මේ තත්ත්වය හඳුනාගන්නට හැකිවෙනවා) ඇය වැඩි විය පත්වන තුරුම කිසිම වෙනසක් කරදරයක් සිදුවන්නේ නැත. එහෙත් වැඩිවියට පත් වීමත් සමඟ සම වයසේ ගැහැණු දරුවන්ගේ මෙන් සියළු වෙනස්කම් සිදුවූවත් ඇයගේ මල්වරවිමක් හඳුනාගත නොහැක. එහිදී නිසි වෛද්‍ය පරීක්ෂණයකට යොමු වීම මගින් (ස්කෑන් පරික්ෂාවක්) කන්‍යාපටලය විසින් යෝනි මාර්ග විවරය වසාගෙන ඇති ආකාරය මෙන්ම , එකතු වු ආර්තව රුධිරය මගින් සිදුවී ඇති ගැටළුත් හඳුනාගන්නට පුළුවන් .
මෙය ඉතා සුළු ශල්‍යකර්මයක් මගින් නිවැරදි කරගත හැක.
කොහොමද කන්‍යාපටලය කැඩෙන්නේ ………?
“ලිංගික එක්විමකදි‘‘ …ඔබේ උත්තරේ එහෙම වුනත් ඔබ දන්නවද සමහර අවස්ථාවට පටලයේ ඇදෙන සුළු බව හේතුවෙන් කන්‍යා පටලයේ බිඳීමක් නොමැතිව ලිංගික එක්වීමක් වුවද සිදුවිය හැකි වග…
ක්‍රීඩා කිරීමේ වලදි සිදු කරන පැනීම් හා Stretching වගේ සිදුවීම් නිසා , ලිංගිකව එක් නොවුවත් මෙය ඉරී යන්නට ඉඩ ඇත.එමෙන්ම ස්වයං වින්දනය අවස්ථාවකදි තමන්ගේම ඇඟිල්ලෙන් එන පීඩනය නිසාත් නැත්නම් යෝනි මාර්ගය තුලට ඇතුළු කරගන්නා දේ නිසාත් මෙය බිඳීයාමකට ලක්විය හැක.
හදිසි අනතුරු වලදි වගේම සමහර වෛද්‍ය පරික්ෂණ හෝ ශල්‍ය කර්ම වලදිත් කන්‍යා පටලය බිඳි යන්නට ඉඩක් පවතී.එසේ සිදුවූවා නම් නම් , අදාල වෛද්‍යවරයා ඒ පිළිබඳව රෝග විනිශ්චය කාඩ් පතේ සඳහන් කරනු ලැබේ. එමෙන්ම උපතින්ම Hymen එක නොපිහිටන අවස්ථාවනුත් (Congenital absence of hymen) තත්තවයත් ඉතාමත් කලාතුරකින් දැකිය හැක.
කන්‍යා පටලය කැඩීම සහ රුධිරය පිටවීම අතර සම්බන්ධය.
මේ පටලය ඉතා තුනීයි , ඒ වගේම බොහොම සියුම් රුධීර නාලිකා සුළු ප්‍රමාණයක් ඇති ඒ වගේම බොහොම සුළු ස්නායු අග්‍ර කිහිපයක් ඇති ව්‍යුහයක්.ලිංගික කාර්යයේදි පටලය ඉරියාමක් වුනොත් සුළු ලේ වහනයක් විය හැක.සමහර විට එය එළිය නොදැනෙන තරමේ සුළු ප්‍රමාණයක් වෙන්නත්
එමෙන්ම කන්‍යාවියක් නොවන කෙනෙක්ගෙන් වුනත් ලිංගික එක්වීමෙදි රුධිරය වහනය විය හැකි හේතු කිහිපයක් තිබේ , ලිංගික කාර්යයේ ඇති වේගවත් බව සමඟ යෝනි මාර්ගයේ ඇතුළු පටක ඉරි යා හැක.එමෙන්ම Dysperunia තත්ත්වයකදීද මෙය සිදුවිය හැක.
එමෙන්ම ලිංගික අතවරයක් සිදුවූ අවස්ථාවකදී අධිකරණ වෛද්‍යවරයකු කන්ා පටලය පරික්ෂා කිරීම මගින් වටිනා කරුණු බොහොමයක් දැනගත හැක.
උපුටා ගැනීමකි.
