මතක හිටින්න ශ්‍රී සරස්‌වතී තෙල පළඳින්න
අකුරු කියවීමේ මංගල්‍ය පූර්ණවත් කර ගැනීමට පළමුව දරුවාගේ ජන්ම වේලාව සස¹ බලා සුබ නැකැත් හෝරාවක්‌ තෝරා ගත යුතුයි. එහෙත් දරුවාට අකුරු කියවන මුල්ම ගුරුවරුන් වන්නේ පළමුව අම්මත් දෙවනුව තාත්තාත්ය. එය අප නොදැනුවත්ම දරුවට අකුරු කියවීම කෙරී ඇත. එනිසා ඔවුන්ට දෙගුරුන් යෑයි කියති. නැකැත් හෝරාවෙන් කෙරෙන්නේ පළමුව අත්පොත තැබීමයි. එයින් බලා පොරොත්තු වන්නේ
දෛනික සාමාන්‍ය අධ්‍යයනයක්‌ නොව අවට ලෝකය ස්‌වභාවධර්මය හා යහපත් සමාජය සමඟ ඉදිරියට යැම සඳහා අදාළ ශිල්ප ශාස්‌ත්‍රයක්‌ අධ්‍යයනය සඳහා මුල පිරීමයි. අත්පොත් තැබීමේදී කරුණු කීපයක්‌ ගැන සැලකිලිමත් විය යුතුයි. ඒවා නම් අකුරු කියවන දරුවාගේ ජන්ම වේලාව කෙසේදැයි සස¹ බැලීම ඔහුගේ කේන්ද්‍රයේ අධ්‍යයනයට හිමි පස්‌වැනි රාශිය හෙවත් විද්‍යස්‌ථානය පාපී ග්‍රහයන්ගෙන් පීඩාවට හෝ බැල්මට ලක්‌වී තිබුණත් ඊට සුදුසු නැකැත් වේලාවක්‌ තෝරා ගතයුතුයි. ගුරු හා සිකුරු දෙදෙනා ඉගෙනීමට බලපාන ග්‍රහයන් නිසා ඔවුන් ජන්ම පත්‍රයේ හැසිරෙන ආකාරය හා ස්‌ථාන ගැන විමසිලිමත් විය යුතුය. එමෙන්ම දරුවාට හිමි පක්‍ෂියා කවරෙකුදැයි සොයා ඔහුගේ රජ හෝ භෝජන අවස්‌ථාව දැන ඊට සරිලන නැකැත් තෝරා බේරා ගත යුතුයි. මේ අයුරින් ජන්ම පත්‍රය පරීක්‍ෂාකර බැලීම අත් පොත් තැබීමේ මූලික අවස්‌ථාව වේ.
සූර්යයා උත්තරායනයට පත් කාලය අකුරු කියවීමට සුබයි. එනම් ජනවාරි මස මැද භාගයේ සිට ජුලි මැද භාගය තෙක්‌ය. දක්‍ෂිණා යන කාලය ඒ සඳහා එතරම් උචිත නොවන බව ඉන් අදහස්‌ කෙරේ. පුර පෑලවිය හා අව සඩවක යන තිථි දෙකද අකුරු කියවීමට නුසුදුසු රාශි වශයෙන් සිංහ, වෘෂභ, වෘශ්චික, කුම්භ යන රාශි හතර අයෝග්‍ය බව උගන්වා ඇත. එසේම ඒ සඳහා කන්‍යා, මිථුන, ධනු, මීන යන සිවු රාශින්ද ශුභ නැත. ඉන් ඉතිරි වන්නේ මේෂ, කටක, තුලා, මකර යන රාශි හතර පමණයි. දවස්‌ වශයෙන් ශනි, රවි, කුජ යන දිනයන්හි අත්පොත තැබීම සුදුසු නැත.
කුජ ශනි දෙදෙනා දෙවැන්නේ සිටීනම් අකුරු කියවීම අශුභයි. බුධ, ගුරු සවැන්නෙහි සිටිය විටද, සිකුරු හත්වැන්නේ සිටින විටද රවි දොළහේ හා දහයේ සිටින විටද අකුරු කියවීම නරක බවට සමහර සෘෂිවරු විසින් පෙන්වා ඇත. නැකැත් වශයෙන් හත, සා, පුනාවස, අනුර, සිත, රේවතී, සුවණ, අස්‌විද යන නැකැත් අට අකුරු කරවීමට ඉතාම සුදුසු බවත් සෙසු නැකැත් මේ සඳහා නොගත යුතු බව ජ්‍යෙතිෂය ශාස්‌ත්‍රයේ නියමයයි.
සෑම පුද්ගලයකුටම තමා උපන් වේලාවේ පැවැති දිනය හා හෝරාවන් තම ලග්නයේ කේන්ද්‍රයේ උච්ච හා ස්‌වක්‌ක්‍ෂේත්‍ර වූ ග්‍රහයනුත් එකතැන්වූ මොහොතක්‌ වෙතොත් එය අකුරු කියවීමට සුදුසු උතුම් සරසවි යෝගයකි. නමුත් මෙය සිදුවන්නේ කලාතුරකින්ය.
බුධ දිනක සූර්යයා කන්‍යා රාශි ගතවූ විට බුධ ඒ රාශියේ උච්චව හෝ ස්‌වක්‍ෂේත්‍ර නම් ඒද සරස්‌වතී යෝගයකි. එනිසා උගත් නක්‍ෂත්‍රාචාර්ය වරයකු හමුවී ඔහුගේ උපදෙස්‌ අනුව අත්පොත් තැබීමට සුදුසු නැකැත් වේලාවක්‌ යොදා ගැනීමෙන් පසු දෙවනුව මුලින්ම කියවිය යුතු අතර හා අංකය තෝරා ගත යුතුයි.
හෝඩියක අක්‍ෂර අතරින් කියවීමට සුබ හා අසුබ ද ඇත. එයින් අපායාක්‍ෂර හා මනුෂ්‍යාක්‍ෂර අතහැර දිව්‍යාක්‍ෂරවලට අයත් අක්‍ෂරයක්‌ පළමුව කියවිය යුතුය. ඉලක්‌කම් වශයෙන් ඉරට්‌ටේ ගණනක්‌ නොකියවා ඔත්තු ගණනක්‌ යොදා ගත යුතුයි. ඒ සඳහා ජන්ම පත්‍රය පරීක්‍ෂාවට ලක්‌කළ ජ්‍යෙතිෂ්‍යවේදියා ඒ ඒ දරුවන්ට හිමි ජය අකුරු සහ ඉලක්‌කම් දීමට සමතෙකු වෙයි.
දරුවාට අකුරු කියවීම ඉන්පසු භාරදූර කාර්යයකි. අකුරු කියවන්නා දරුවන් ඉස්‌සෝදා නා පිරිසිදුව සුදු පිරුවටයෙන් සැරසී උස්‌ ආසනයක සුදු රෙද්දක්‌ එලා ඒ මත කෙසෙල් දලුවක්‌ තබා එහි පළමුව වම් පැත්තෙන් බුදුරුවක්‌ද, දෙවනුව සැරියුත් මුගලන් රහතන් වෙන් වෙන් පානක්‌ද, (රුවතුතිනියා) තැන්වැනි තැන ගණ දෙවියන්ගේ රුවක්‌ද, සිවුවැනුව ශ්‍රී සරස්‌වතී දේවියගේ පින්තූරයක්‌ද තබා පහන් 4 ම දල්වා සුවඳ දුම් හා කපුරු දල්වා බුදුපහන දල්වා තෙරුවන් වැඳ දෙවි දේවතාවන්ට ග්‍රහයන්ට පින්දී සැරියුත් මහරහතන් වහන්සේ වෙනුවෙන් පහනක්‌ දල්වා බුදු රජාණන් වහන්සේ හැරුණු කොට ප්‍රඥවන්තයන් ගෙන් අග තැන්පත්, අසූ මහ ශ්‍රාවකයන් වහන්සේලා අතර අග්‍රශ්‍රාවක දැරූ සැරියුත් මහරහතන් වහන්සේට මෙන් මගේ දරුවාට ප්‍රඥව ලැබේවායි පතා දරුවාගේ හිස තුන්වරක්‌ අත ගා තුන්වැනුව ගනදෙවියන්ට පහන දල්වා නුවණ ලැබේවායි පතා, සිවු වැනුව සරස්‌වතී දේවියට පහන් දල්වා, දරුවාට ශාස්‌ත්‍රීය කටයුතු ඉගෙනුම සඵලවේවායි පතා හරියටම නැකතට අකුරු කියවන්න. අංක කියවන්න පසුව හෝඩියම කියවා ගල්ලෑල්ලක ලිවීමට යෝග්‍යයි. ඉන්පසු දරුවා ලවා වැඩිහිටි සැමට වැඳ ආචාර සමාචාර කරන්න. පසුව බුදුන්ට කිරි ආහාර පූජාවක්‌ කර මේ උතුම් මංගල්‍ය නිමා කරන්න.
ස්‌තෝත්‍රයක සඳහන්වන අන්දමට සරස්‌වතී කොඳමල්, සඳරැස්‌, පිනිබිඳු, මුතුහර බඳු සුදු සිරුරු ඇත්තීය සුදු පියුමෙකැ අසුන් ගෙන සිටින්නීය. වීනාවක්‌ ගත් අත් ඇත්තීය. සුදු සළු හැඳ සිටින්නීය. බ්‍රහ්ම, විෂ්ණු, ඊශ්වර ප්‍රධාන සියලු දෙවිවරුන් විසින් ඇය පුදනු ලබන්නීය. ඇයගේ බලමහිම බලයෙන් සියල්ලනට සැප ලබාගත හැකිය. තවත් තැනෙක ඇය පළිඟු අක්‍ෂමාලාවක්‌ ගත් අතක්‌ ඇතිව තවත් අතකින් ගිරවකු දරා සිටින අයුරු පැවසෙයි.
චතුර් මුඛ මූඛාම්භෙජ - වන හංස වදුර් මම - මානසෙ රමනාං නිත්‍යං - සර්ව සුක්‌ලා සරස්‌වතී යන්නෙන් ශ්‍රී මද්දණ්‌ධ්‍ය චාරීහු සරසවිය මහ බඹුගේ මුවෙහි වෙසෙන බව පවසති.
බැමිකීරිය සුදුහඳුන්, වැල්මී, වදකහ, කුංකුමප්පු, නෙළුම් ඇට, රේණු පෙති, අඹරා ගිතෙලින් හා සඳුන් තෙලින් සිඳුවා කර පළඳවන්න, පළමුව සරස්‌වතී රුවක්‌ මල්යහනක තබා පුද වර්ග තබා මෙම තෙල බඳුනක තබා සුවඳ අල්වා මේ මාත්‍රය 108 වරක්‌ කියා සරස්‌වතී ආරාධනාව කරන්න.
සරස්‌වතී නමෝ තුහ්‍යං - වීර දේව කාම රූපිනී
විද්‍යා කම්මං කරිස්‌සාමි - සරස්‌වතී නමස්‌තු තේ.
ඉන් පසු මේ මන්ත්‍රයෙන් 1008 වරක්‌ කියා ජප කරන්න.
"නමෝ පත්දාර කාරකී රක්‍ෂි තෙස්‌වාඃ - ඕං අමතේ හම් පටඃ" කපුටා, කුකුළා හැඩීමට පෙර ජපකිරීම පටන්ගන්න. පාඩම් හිටියි.
රඹුක්‌කන ජිනදාස එදිරිසිංහ
