This site has features that require javascript. Follow these simple instructions to enable JavaScript in your web browser.
Sithmal Yaya
සහෝදර රේඛා සහ මහා ත්‍රිකෝණය

කෙනෙකුගේ පවුල් ජීවිතය ගැන විමසීමක්‌ කිරීමේදී සහෝදර සහෝදරියන් ගැනත් විමසන්නට අමතක කරන්නෙ නැහැ සහෝදර සහෝදරියන් කීදෙනෙක්‌ සිටියිද. ඔවුන් කුමන තත්ත්වයේ අයද ඔවුන්ගෙන් ඒ අයට උදව් ලැබෙනවාද මේ ආදී වශයෙන් තම තමන්ගේ සහෝදර සහෝදරියන් ගැන තොරතුරු දැනගන්න අපි මොන තරම් ආසයිද. එහෙම නම් කෙනෙකුගේ අත බලල කෙනෙකුගේ සහෝදර සහෝදරයින් ගණන දැනගන්න පුළුවන්නම් මොනතරම් වටිනවද කියල ඔබටත් හිතෙනවා ඇති. ඒ පිළිබඳව දැණුමක්‌ ලබා දෙන්නයි අද අපේ උත්සාහය. 

සිකුරු මණ්‌ඩලයෙන් පහල මහපටඟිල්ලත් මැණික්‌ කටුව ප්‍රදේශයත් අතරයි සහෝදර රේඛා පිහිටා තියෙන්නේ. මේ සමග පලවන රූපසටහනින් එම රේඛාවල සාමාන්‍ය පිහිටීම බලාගත හැකිවේවි. එහි දිස්‌වෙන දීර්ඝ සෘජු රේකාවලින් සහෝදරයන්ගේ ගණනත් කෙටිවු හෝ ඇදසවු රේකාවලින් සහෝදරියන්ගේ ගණනත් කෙටිවු හෝ අඳවූ රේඛාවලින් සහෝදරියන්ගේ ගණනත් දැනගත හැකි වෙයි. අත් රාශියක්‌ බලා අත්දැකීම් ලැබූවිට කෙනෙකුගේ සහෝදර සහෝදරයන්ගේ ගණන හරියටම කියන්න ඔබටත් හැකි වේවි. 

හස්‌ත රේඛා ශාස්‌ත්‍රය අනුව සහෝදර සහෝදරයින්ගේ නිවැරැදි තොරතුරු කියන ආකාරය ගැන මේ වනතුරු විධිමත් පර්යේෂණ කර නැති නිසා අපි වඩාත්ම විමසිලිමත් විය යුතුයි. මුලින් සඳහන් කල අන්දමට සහෝදරයින් වෙනුවෙන් වැටී ඇති රේඛාවලින් වඩාත්ම පළල්ව පිහිටා ඇති ගැඹුරු රේඛාවලින් උසස්‌ම දියුණුවක්‌ ලබන සොහොයුරන් ගැන ප්‍රකාශවෙයි. සහෝදරියන් ගැන කියෑවෙන රේඛාවලින් වඩාත්ම කැපී පෙනෙන රේඛා වැටෙනු ඇත්තේ උසස්‌ම දියුණුවක්‌ ලබන සොහොයුරියන් වෙනුවෙනුයි. ඒ වගේම ත්‍රීශූල ලක්‍ෂණයකින් අවසන්වූ සහෝදර රේඛාවලින්ද උසස්‌ දියුණුවක්‌ ලබන සහෝදර සහෝදරියන් හඳුනා ගත හැකිවෙයි. සහෝදර රේඛා අතරින් උසින් හා මහතින් වැඩි රේඛා වැටෙනු ඇත්තේ තමන්ට උදව් උපකාර ලබාගත හැකි සහෝදර සහෝදරියන් වෙනුවෙනුයි. කිසිම උදව්වක්‌ ලබාගත නොහැකි සහෝදර සහෝදරයින් වෙනුවෙන් දුර්වර්ණවූ කෙටිරේඛා වැටෙන බව මතක තබාගත යුතුයි. එක කුස උපන් තමන්ගේම සහෝදර සහෝදරයින් මරා ගන්නා අයත් අප අතර ඉන්නා බව රහසක්‌ නොවේ. තැනින් තැන කැඩුන, කලුපාට සහෝදර රේඛාවලින් ඒ වගේ දේවදත්ත වැනි සහෝදරයින් පෙන්නුම් කරයි. කෙටි රේඛාවලින් කැපී ගිය හෝ දෙකඩ වී ගිය සහෝදර රේඛාවලින් මළගිය සහෝදරයින් ගැන කියෑවෙයි. ඒ විදියටම සහෝදරියන් ගැනන් ප්‍රකට වේ. රේඛාවන් කැපී හෝ දෙකඩ වී නම් එමගින් ප්‍රකටවන්නේ සහෝදරයින් මියගොස්‌ ඇති බවය. සමහර විට ඉදිරියේදී අකල් මරණයකට ගොදුරුවෙයි. සහෝදර සහෝදරයින් වෙනුවෙනුත් එවැනි රේඛා වැටීමට පුළුවන. එකට ඒකාබද්ධවූ හෝ තරු ලක්‍ෂණයකින් ආරම්භවූ සහෝදර රේඛාවලින් බොහෝවිට පෙන්නුම් කරන්නේ නිවුන් සහෝදර සහෝදරයින් ගැනයි.

මහාත්‍රිකෝණය : මහා ත්‍රිකෝණය හැදෙන්නේ එක පැත්තකින් ජීවන රේඛාවත් අනෙක්‌ පැත්තෙන් ශීර්ෂ රේඛාවත් තවත් පැත්තකින් සුඛ රේඛාවෙනුත් මායිම්වූ ඒකාබද්ධ වීමෙනුයි. අත්ල මැද්දේ පිහිටන මේ මහා ත්‍රිකෝණය කලින් විස්‌තර කරදී ඇති කුජතලාවට බොහෝ විට සමානයිවගේ පෙනුනත් ඔය දෙකේ විශාල වෙනසක්‌ තියෙන බව අමතක නොකල යුතුය. සමහර අයගේ අත්වල සුඛරේඛාව පිහිටල නොතිබෙන්නට පුළුවන්. එවැනි අවස්‌ථාවක කීර්ති රේඛාව පිහිටන තියෙනවනම් එය ඒ පැත්තට මායිම් වශයෙන් සැලකීමට පුළුවන. අත්ලේ විශාල ප්‍රදේශයක්‌ පුරා පැතිර පවතින මහා ත්‍රිකෝණයක්‌ පිහිටීම වඩාත්ම වාසානාවන්ත පිහිටීමක්‌ වෙයි. මනා ශරීර ශක්‌තියක්‌ ඇතිවීමට වගේම ප්‍රගතිශීලී අදහස්‌ මනසේ ඇතිවීමටත් එය හේතුවේ. ජීවන, ශීර්ෂ, හෘදය රේඛාව යන රේඛා තුනම රෝස පැහැයෙන් යුක්‌ත වන අත මහ ත්‍රිකෝණයට අයත්වන ප්‍රදේශයත් ලාරෝස පැහැයෙන් යුක්‌ත වීමත් භාග්‍යමත් පිහිටීමක්‌ වෙයි. නින්දිත ගති පැවතුම් ඇතිවන නිසා මෙම මහා ත්‍රිකෝණය ඉතා කුඩාවීම සුභදායක නොවේ. බාධක රේඛාවලින් ව්‍යාකූල නොවී මනාව පිහිටා ඇති මහා ත්‍රිකෝණය නිසා එයට සම්බන්ධ වන්නා වූ ජීවන රේඛා සහ සුඛ රේඛාව බලයද වර්ධනය වෙයි. කැඩි බිදී ගිය ජීවන ශීර්ෂ සුඛරේඛාවන්ගෙන් නිර්මාණය වන මහා ත්‍රිකෝණය අශුභ පිහිටීමකි. එවැනි සලකුණු ඇති අය ආත්මාර්ථකාමී පුද්ගලයින් වන අතර ඔවුහු දූෂිත චරිත ඇත්තෝද වෙති. මහා ත්‍රිකෝණයට සීමාවන අල්ලේ මැද ප්‍රදේශය (කුජතලාම) වල ගැසී තිබීම පුද්ගලයා කුසීත අයෙක්‌ බව ප්‍රකට වෙයි. මහා ත්‍රිකෝණය තුළ දිස්‌වෙන කුඩා ත්‍රිකෝණයක සලකුණ වාසනාවන්තය. රජයේ සේවයේ උසස්‌ තනතුරු ලැබීමට මෙය හේතුවෙයි. මහ ත්‍රිකෝණය තුළ රතු පැහැති ලප පිහිටීම රුධිර රෝගවලට සහ සිරුරේ හෝමෝන සමතුලිත තාවය බිඳවැටී ඇති බවට සලකුණකි. කාන්තාවකගේ නම් දරු ගැබක පිහිටිම මෙම ලක්‍ෂණය දැකිය හැකිවෙයි. මහ ත්‍රිකෝණය තුළ සුදු පැහැ ලප පිහිටීම බිඳ වැටුන සෞඛ්‍ය පෙන්නුම් කරයි. සෙම් රෝග හා කාන්තාවක්‌ නම් විවිධාකාර කාන්තා රෝගද වැලඳිය හැකි බව කියෑවේ එමෙන්ම මහා ත්‍රිකෝණය මත කළුලප බෙහෙවින්ම අශුභභඵල ගෙනදෙයි. නෂ්ඨ කාමරෝග, දරුඵල හීනවීම, ඌෂ්ණරෝග ආදී විවිධ ලිංගික රෝගාබාධ ඇති බවට කළුලප සලකුණක්‌ විය හැකි බැවින් මහා ත්‍රිකෝණය තුළ පවතින ලප කැලල් පිළිබඳවද නිරත්තරයෙන් පරික්‍ෂාකාරී විය යුතුවේ. 

හිඹුටානේ - පියතිලක ද අල්විස්‌
උපුටා ගැනීම දිවයින