කිලෝ 15කින් මම බර අඩුකරගත් ආකාරය - 01
අද මම කියන්නේ මම කොහොමද කිලෝ 15කින් මගේ බර මාස 3ක් වගේ කෙටි කාලෙකින් අඩු කරගත්තේ කියලයි. පත්තරවල, යූටියුබ් එකේ තියන වීඩියෝ වල අපි අනත්තවත් බර අඩු කරගන්න ක්‍රම වගේම බර අඩු කරගත් අයගේ විස්තර අපි දැකලා තියනවා. ඒත් ඒ ගොඩාක් වීඩියෝ ලංකාවේ නොවන ඒවා. ඒ නිසා ඔවුන් පුරුදු වූ ආහාර වර්ග හා ආහාර රටාවන් දකුණු ආසායාතික රටක් වන ලාංකික අපට නොගැලපෙන අවස්ථා ඕන තරම්. මමත් ඇත්තටම ඒ වගේ කරන්න ගිහින් මුදල් පවා නාස්ති කරගත්තා. අන්තිමේදි මම හදා ගත්තා මගේම කෑම රටාවක්. මගේම ප්‍රතිපත්තියක්. ඉතින් මහත අඩු කරගන්න ඕන කියලා හිතෙන මහත නැතිනම් ස්ථුලතාවය නිසා පීඩා විදින ඕනම කෙනෙක්ට මේක උදව් වේවි.
ඉස්සල්ලාම මම කියන්න කැමතියි, ලොඩ රෝග වලින් පීඩා විදන අය කරුණාකර මෙය අනුගමනය කරන්න පෙර තමන්ගේ පෞද්ගලික වෛද්‍යවරයා හමු වෙන්න. මම බලාපොරොත්තු වෙනවා මේ පිළිබඳවත් ස්ථුලතාවය නැති කිරීම පිළිබඳවත් ලිපි පෙළක් ඔබට ගෙන එන්නට. අද මම කතා කරන්නේ මගේ ආහාර රටාව ගැන විතරයි.
හැත්තෑවයි :
මගේ බර කිලෝ 70යි ග්රෑම් 800ක් වී තිබුණා. එකපාරරට වැඩිවුනු මගේ බර නිසා මම කනස්සල්ලෙන් හිටියේ. සමහර ඇඳුම් මට අඳින්න බැරි වුනා. බර අඩු කරගන්න ඕන කියලා හිතුවට කොහොමද අඩු කරගන්නේ කියලා තේරුමක් තිබුනේ නෑ. මේ දවස්වල තමයි මම පෙර සඳහන් කළ පරිදි ටිකක වියදම් අධික diet plan වලට ගියේ. ඒත් ඒවායෙන් කිසිම ප්‍රථිපලයක් තිබුනේ නැතිවුනාමට මට තවත් එපා වුනා.
ආරම්භය :
මම කරපු හොදම දේ තමයි ගූගල් එකේ බැලුවා food nutrition මොනවාද කියලා. ඒ කියන්නේ අපි ගන්නා ආහාර වල ඇති පෝෂක මොනවාද කියලා. ඒ බලද්දි මම වැඩි වශයෙන් බැලුවේ ශ්‍රි ලංකාවේ අපි වැඩියෙන් ගන්නා ආහාර වර්ගයි.
නැගිට්ට ගමන් :
ඉන්පසු මම යාන්තම් උණුසුම් වතුර වීදුරුවකට මීපැණි හැන්දක් දාලා බොනවා. මම tea fan කෙනෙක් නම් නෙවෙයි. ඇත්තටම මම තේ බොන්නෙම නෑ. කවදාවත්ම.
උදේ ආහාරය :
මම උදේට කන්නේ ධාන්‍ය වර්ග විතරයි. මුං, කවුපි, කඩල ආදිය මාරුවෙන් මාරුවට දදවසින් දවස මාරු කරගගෙන ආහාරයට ගන්නවා. ප්‍රමාණය අපේ ගෙවල් වල තියෙන එළවලු දීසියෙන් භාගයක් පමණ. ඒ කියන්නේ හැදි දෙකක් දෙක හමාරක් විතර. කෑමට කළින් මම හොද වතුර වීදුරුවක් බොන්නත් අමතක කරන්නේ නෑ. ඒකෙන් අපි කන ප්‍රමාණය අඩ කරන්නේ වතුර වළින් බඩ පිරෙන නිසා. ඒකත් කෑම පාලනය කරන්නට හොද ක්‍රමයක්.
10ට විතර :
ග්‍රීන් ටි එකක් එක්ක කහ කඩල අතට අහුවෙන ප්‍රමාණය ආහාරයට ගන්නවා. ඒ බඩගිනි තිබුනොත් විතරයි. නැතිනම් මම ග්‍රීන් ටී එක විතරයි බොන්නේ.
දවල් ආහාරය :
මම නම් දවල්ටත් කෑවේ ධාන්‍යම තමයි. නිවසේ හදන එළවලු, මාලු, පලා ජාති එක්ක ඇට මිශ්‍ර කරගෙන කන්න මම නම් ආසයි. ඔබට දවල්ටත් ධාන්‍යම කන්න බැරි නම් දවල්ට රතු බත් හො වැඩියෙන් හොදයි තම්බපු රතු හාල් බත් හැදි 2ක් එක්ක එළවලු මාලු, පලා එකතු කරගෙන කන්න. උදේ කෑම වේල වගේම තමයි දවල්ටත් කන්න කළින් වතුර වීදුරුවක් බොන්න අමතක කරන්න එපා. දන්නවනේ හේතුව?
හවසට :
හවසටත් මම කරන්නේ 10ට කරන දේමයි.ග්‍රීන් ටි එකක් එක්ක කඩල කනවා.
රාත්‍රි ආහාරය :
මම නම් රෑට කන්නේ නැත. ඒක මගේ පුරුද්දක් වෙලා. ඒත් රෑ කැම වේල අවශ්‍ය අය ඕන තරම් ඉන්නවා. ඒ නිසා මම ඒකට දාන්නම් රෑ කෑම වේලක්. රෑට බත් කන්න එපා. සැහැල්ලු කෑමක් කන්න. ඒකට පළතුරු හෝ තම්බපු එළවළු, සුප්, කැඳ වගේ දෙයක් ගන්න.
මේ තමයි මගේ දෛනික කෑම වේල. ඊලඟ ලිපියෙන් මම ඔබට කියන්නම් කන්න ඕන මොනවද කන්න ඕන නැත්තේ මොනවද කියලා.
තිළිණි මීගහපල
