ප්‍රේම සම්බන්ධ කඩා දැමීම පාපයක්ද?
අප ජීවත් වන විශ්වය තුළ ඉපදුනු සෑම සත්වයෙක්ටම පේ‍්‍රම සම්බන්ධතාවයක් නොමැති තරම්ය. මේ අතර සමහර ගස් වැල් වලටද පේ‍්‍රම සම්බන්ධතා තිබෙනවා. විශේෂයෙන් කිසියම්ම පේ‍්‍රම සම්බන්ධතාවයක් නැතුව ජීවත්වන්ට බැහැ. ඒක නිසාමයි කිසියම් ගසක එතෙන්නේ. ගසකට එතෙන විට එතැන් සිට ඒ වැල ඉතාම නිරෝගීමත්ව සීඝ‍්‍රයෙන් වැඩෙනවා. ඒ ගසද දලූලා වැඩෙනවා. මේ අතර තුළ කිසියම් වැලක් මේ ගස වටා එතී පරපෝෂිතව වෙලා ගන්නවා. මෙවැනිම ආකාරයට මිනිස් ලෝකයෙද සම්බන්ධතා ඇතිවනවා. මෙසේ වන සෑම විටකම ස්වකීය භාර්යාව ද දරුවන් ද තමාගේ තත්ත්වය ද වයස ද අමතක වනවා. මේ සියලූම විපර්යාසයන්ට අපවටා වේගයෙන් භ‍්‍රමණය වන ග්රහ කිරණ මූලික වනවා.
පිරිසිදු පේ‍්‍රම සම්බන්ධතා කඩා දැමීම පාපයක් තමයි. නමුත් හොර රහසේ ඇතිවන අනිසි පේ‍්‍රම සම්බන්ධතා වල ප‍්‍රතිඵලය නරකමයි. ලංකාවේ විශේෂිත වූ පේ‍්‍රම සම්බන්ධතා නොතිබුණා නොවේ. සාලිය - අශෝක මාලා ප‍්‍රතිඵලය වූයේ යහපතක්. දස්කොන් - ප‍්‍රමිලා ප‍්‍රතිඵලය වූයේ අයහපතක්. මේ සම්බන්ධතා කෙසේ වූවත් පිරිසිදු - සොම්නසක ආත්මීය බැඳීම වූයේ යසෝදරා - සිදුහත් පේ‍්‍රම වෘතාන්තයයි. මෙසේ පේ‍්‍රම සම්බන්ධතා සිදුවූවන් අතර මගදී නැවතුන ඒවාද නැතුව නොවේ. ජනපද කල්‍යාණි හා නන්දකුමරු ඊට උදාහරණයි.
පිරිමි දරුවෙකු හෝ ගැහැනු දරුවෙකු ඉපදුනාට පසු කල වයස හරියනකොට ශරීරයේ හෝමෝන කි‍්‍රයාව උඩ මෙවැනි සම්බන්ධතා ඇතිවනවා. පුරාණයේද මෙවැනි සම්බන්ධතා නොතිබුනා නොවේ. නමුත් වැඩි කොටසක්ම දෙමවුපිය යෝජනාත්මක විවාහ ඇතිවුණා. නමුත් වර්තමානයේ බොහෝ දුරට ආදර සම්බන්ධතා හේතු කොට ගෙන විවාහ වැඩියි. ඒ තරමින්ම දික්කසාද වීමේ වැඩි ප‍්‍රවේශයක් පවතිනවා.
සමහර
පොහොරන්දම් පරීක්‍ෂණයෙන් පසුවද සිදුවන විවාහ දික්කසාද හෝ විවාහ ප‍්‍රශ්න
වලට යොමුවනවා. විවාහක සැමියා හෝ බිරිඳ සිටියදී වෙනත් කෙනෙකුගේ පහස ලැබීමට
තරම් කරුණු එළඹෙන්නෙ ඇයි. මෙසේ වීමට එකම පිළිතුර ජ්‍යොතිෂයයි. එම
ශාස්ත‍්‍රයේ නටාංශක දෝෂත්, සරාගි යෝගත් කිව්වොත් නිවැරදියි. මේවා උත්පත්ති
ජන්මපත‍්‍ර වලින් අවබෝධ කරගන්න ඕනෑ. විශේෂයෙන්ම පොත පතේ සඳහන් වුණ පරිදී හෝ
ගුරුවරයා කියාදී ඇති පරිදීම පොරොන්දම් පරීක්‍ෂණය කරන්න බැහැ. පොරොන්දම්
වලින් කරන්නෙ ලකුණු මට්ටමක්. ඉන් ලැබෙන ලකුණු මට්ටමෙන් පසු විවාහය ගැන
තීරණය කරනවා.
පොරොන්දම්
පරීක්‍ෂණ යෙදී එහෙනම් මේ දෝෂ තිබුණෙ නැද්ද? නැත්නම් අහුවුණේ නැද්ද? දුටුවේ
නැද්ද? ඕනෑම ඡන්ම පත‍්‍ර දෙකක් පරීක්‍ෂණයට ගත් විට එහි ඇති කරුණුත් සසඳා
බැලීම කළ යුතු වනවා. පිරිමි කේන්දරයේ ඇති දෝෂ වලින් ඔහුට කරදරයක් නුදුන්නට
ගැහැනු කේන්දරයේ ඇති දෝෂ ඇයට කරදර නොකලාට දෙදෙනා විවාහ වූ දිනයට ඒ දෝෂය
ඉස්මතුවී කරදර කරනවා. උදාහරණයක් වශයෙන් පිරිමි සඳහන් නැකත හා ගැහැනු
කේන්දරයේ සඳහන් නැකත වෙන් වෙන් වුණාට ඒවා එකම ග‍්‍රහයෙකුට අයිති වුණේද,
කිසියම් දිනක විවාහයෙන් පසු මහදශා සහ අතුරු දශා එකම වුණේද එවිට මේ විවාහ
යුවළ වෙන් කිරීමක් වන්නේය. මෙය ජ්‍යොතිෂයේ කඩ හන්දි මාරකයයි කියනවා.
මේ
සම්බන්ධව ආර්. එච්. විලියම් ග‍්‍රන්ථ වේදියාගේ ‘‘පොරොන්දම් බලන හැටි’’ පොතේ
74 පිටුවේ මෙම දෝෂය සඳහන් වුවත් එකම මහදසාවේදී පමණක් සිදුනොවන බව
ගුප්තවේදී හා ජ්‍යොතිෂවේදී හැටියට මම වගකීමෙන් සඳහන් කරනු කැමැත්තෙමි.
මෙවැනි නොපෙනෙන විවාහ දෝෂ එමට මේ ජන්ම පත‍්‍රවල සඳහන්වී ඇති නිසා මේ හැම
එකක්ම කෙරෙහි ස්වකීය දැනුම උපයෝගි කරගත යුතුමය. තවද විවාහ වී දරුවන්ද ලැබ
විවාහ ජීවිතය ගතකරන එක් අයෙක් වෙනත් කෙනෙක් සමඟ අයුතු සම්බන්ධකම් පවත්වන බව
ඔබ අපි කොතෙකුත් අසා ඇත්තෙමු.
සමහර අය
බිරිඳට වියදම් සඳහා මුදල් දෙන අයත් නොදෙන අයත් සිටින බව නොරහසකි. විවාහක
බිරිඳ වෙනත් අයෙකු සමගත් විවාහක සැමියා වෙනත් තැනැත්තියක් සමගත් පේ‍්‍රම
සම්බන්ධතා පැවැත්වීම ඔබද මමද අනුමත නොකරන මුත් එසේ කරගෙන යයි. මෙවැනි අයුතු
සම්බන්ධතා ඇතිවූ හැමවිටම ප‍්‍රථමයෙන් තනිවූ කෙනාගේ මානසික තත්ත්වය කඩා
වැටෙනවා. දරුවන් අසරණ වෙනවා. ගිය අය පේ‍්‍රමයෙන් මුසපත් වුණාට අන් හැම
දෙනාගෙම ශක්තිය බලාපොරොත්තු බිඳ වැටෙනවා. පළමු සඳහන් පේ‍්‍රම සම්බන්ධතා තුළ
සෙනහස ආදරය පැවතුනත් දෙවනුව සඳහන් අනියම් සම්බන්ධතා තුළ වැඩිපුරම පවතින්නේ
කාම - රාගය සමග පේ‍්‍රමයයි. මෙවැනි සම්බන්ධතා වලින් මුදා ගන්නෙ කෙසේද?
මෙහිදී ජ්‍යොතිෂ්‍යයේ කරුණු කාරණ ඇද්ද යන්න විශේෂයෙන් සලකා බැලීම වටී.
මෙවැනි අයුතු සම්බන්ධතා කඩා ඉහිරීම පාපයක්ද? මෙවැනි අයුතු
පේ‍්‍රම සම්බන්ධතා කඩා දැමීමේ එකම විද්‍යාව ගුප්ත විද්‍යාවයි. එනම් එම
ශාස්ත‍්‍රය උපයෝගී කරගෙන ගුරුකමක් කිරීමෙන් පමණය. වස්කවි, සෙත්කවි කීම
නොවේ. ගුප්තවේදියකු වශයෙන් වගකීමෙන් සඳහන් කරන අතර සමහර වානිජවේදීන් ‘‘වරු
03, දින 03 දෙපා ළඟට ගෙනදෙමි’’ යනුවෙන් පළකිරීම් දැක ඇත. ඒවා සම්බන්ධ තීරණය
ඔබේ අතේය. මෙවැනි සම්බන්ධතා ඇති කරන්නේද නැති කරන්නේද ගුප්ත
ශාස්ත‍්‍රය තුළිනි. කිසියම් හෝ ආදර බැම්මකින් අවංකව බැඳි දෙමවුපියන්ගේ
උවමනාවට වෙන්කරන සම්බන්ධතා වෙන් නොකරන්නේ සීනි හා පිරිසිදු හකුරු එනම්
(කිතුල් හකුරු සීනි) මිශ්ර කර එම මිශ‍්‍රණය මතුරා දීමෙනි.
නමුත් අනියම් සබඳතා වලදී ඒවා කැඞීම සඳහා දියයුත්තේ අයඩින් නොමැති ලූණු සහ
අබ ඇට කීපයකි. මේ මිශ‍්‍රණය ක‍්‍රමවත්ව මතුරා අවසානයේදී කුඩා කෘමින් සිටින
ස්ථානයකට දමා පැය කීපයක් ගිය තැන ගුරුකම නිවැරදි නම් සතුන් සෑම දෙනම ඉන්
පලායනවා ඇත. මෙවැනි ගුරුකම් අවසානයේදී පරීක්‍ෂා කර බලා ආතුරයාට දිය යුතුය.
විශේෂයෙන් සැලකිය යුතු වන්නෙ එක් කිරීමක් නම් පුරතිථියටද වෙන් කිරීමක් නම්
අව තිථියටද කර අවශ්‍ය දේ කිරීමට අවශ්‍ය කෙනාට දීමයි. මේ ගුරුකම් දෙකම
පේ‍්‍රතයාට හෝ ගෙවලයාට කළ යුතු නිසා ඊට උචිත ස්ථාන තෝරාගත යුතු වනවා. තවද
පේ‍්‍රත දිගඨිය, පේ‍්‍රත ඉනාව ගුණ විශේෂ සැලකිල්ලක් දියයුතු වනවා. තවද මේ
මැතිරීම් සඳහා මල් බුලත් පුටුව සාදන ස්ථානයද ක‍්‍රමයද විදිමත් විය යුතුයි.
බුදුමැඳුර අසල, එළිමහන් ස්ථානවල කිරීමෙන් බලාපොරොත්තු ප‍්‍රතිඵල ගන්න බෑ.
පාලූ අඳුරු ස්ථාන නියමිත රාත‍්‍රි යාමද තෝරා ගැනීම උචිත වන්නේය. මේවා එච්චර
අමාරු කාරණා නොවේ. ඒ අතරම අවශ්‍ය නියමිත දිෂ්ඨිය එම වාර ගණන මතුරා ජප
මන්ත‍්‍රය ජප කිරීමෙන් කාරණාව ඉටුකර ගත හැක. ඒ අතරම ඕනෑම ගුරුකමක්
අවසානයේදී ප‍්‍රාණ - පලිප්පු - ස්පුඨ කළ යුතු වගේම සියලූම කාරණා නිවැරදිව
කළ යුතුවේ. තවද නිවෙස්වල කරන බහිරව පූජා වලදී හා පේ‍්‍රත තටු පූජාවලදී එම
පේ‍්‍රත තටුව තුන්මං හන්දිවලට දිෂ්ඨිය හිරකිරීමක් කර නිවසට ඒම කළත් මෙවැනි
අවස්ථාවලදී එතැනදීම අවශ්‍ය දෙයට දිෂ්ඨිය හිර කළ යුතු වේ.
පේ‍්‍රතයාට හෝ ගෙවලයාට කරන ගුරුකරම් වලදී අවසානයේදී එම මල්බුලත් පුටුවට
තබන කැවිලි හා පලතුරු දිෂ්ඨි කර ඇති නිසා සතුන්ටද දුන් කල උන් ඒවා නොකන්නේ
ඉවෙන් දැනෙන නිසාය. මෙසේ කරුණු ගැන සැලකිලිමත් වීමේදී අවංක පේ‍්‍රමයෙන්
ඇතිවන පේ‍්‍රම සම්බන්ධතා කැඞීම පාපයක් වුණත් මෙවැනි අනියම් සම්බන්ධතා
කැඞීම, පිනක් බවත් අවංක පේ‍්‍රම සම්බන්ධතා ඉටුකර දීමත්, එවැනිම නොදෙවෙනි
පිනක් බවත් යෝජනා කරමි. මෙවැනි ගුරුකම් කිරීම ගුප්ත ශාස්ත‍්‍රය මගින්
පමණක්ම කළයුතු බව සඳහන් කරමු. ගුප්ත ශාස්ත‍්‍රයේ ගුරුකම් කිරීමේදී මූලිකව
සාධාරණය අසාධාරණය ගැන විශේෂ සැලකිල්ලක් දැක්විය යුතුමය. නමුත් බලයට මුදලට
ගුරුකම් නොකල යුතුමය.
උපුටා ගැනීම දිවයින
