රියාට චෝදනා
සුෂාන්ත් සිං රාජ්පුත් කොවිඩ් - 19 නිසා ඉන්දියාව වසා දැමූ සමයේ අකාලයේ ජීවිතයෙන් සමුගත් දක්ෂ ජනප්‍රිය බොලිවුඩ් තරුවයි. ඉංජිනේරුවකු වීමට දිල්ලි ඉංජිනේරු කොලීජියට ඇතුළත් වුවද නර්තනයට හා රංගනයට ඇති උමතුව නිසාම ඔහු ඉගෙනීම අත්හළේ ය. බොලිවුඩයේ අති සාර්ථක ජනප්‍රිය නළුවකු ලෙසින් සුබ අනාගතයකට මුලපුරා තිබියදී හදිසියේම ජූනි 14 වැනිදා ගෙල වැලලා ගෙන සියදිවි නසා ගැනීමත් සමඟ මරණය සම්බන්ධයෙන් ඇඟිල්ල කෙළින්ම දිගු වූයේ ඔහුගේ පෙම්වතිය රියා චක්‍රබෝර්ති කෙරෙහි ය. රියා වට්ස්ඇප් මඟින් මත්ද්‍රව්‍ය ගැන කළ කතා බහක් මේ වනවිට සැකයට ලක් වී තිබේ. මත් ද්‍රව්‍ය නිරෝධන අංශයේ නිලධාරීන් පස් දෙනකු ඇයගේ නිවෙසට පැමිණ විමර්ශනයක් කර තිබේ. රියාගේ නි‍ෙවසට අමතරව ඔවුන් ඔහුගේ මිතුරකුගේ නිවසක් ද පරීක්ෂා කර ඇත.
රියා තමන්ට එරෙහි නඩුවේදී තෝරා ගෙන ඇත්තේ සල්මන් ඛාන් සහ සංජය දත්
වෙනුවෙන් කතා කළ නීතිඥයා ය. මේ නිසා දැන් සල්මන්ට කෙරෙන චෝදනා ද බරපතළ ය.
සල්මන්ගේ ‘මුව දඩයම‘නඩුවට කතා කළ රියාගේ නීතිඥයා පවසන්නේ රියා කිසි දිනක
මත්ද්‍රව්‍ය භාවිත නොකරන බවයි. සුසාන්ත්ගේ පවුලේ සාමාජිකයන් පවසන්නේ රියා
රහසිගතව සුසාන්ත්ට මත්ද්‍රව්‍ය දුන් බවයි. සල්මන් රියාට හොර රහසේ උපකාර
කරන්නේ ඇයිද සහ ඇය ඔහුගේ නිවෙසේ සැඟව සිටියාද යන්න තවමත් සුසාන්ත්ගේ මරණය
මෙන්ම අබිරහස් ය.
දිනමින
