හිසකෙස් පෝෂණය කරන ධාන්‍ය වර්ග
ආහාරවලින් අවශ්‍ය නිසි පෝෂණය නොලැබීම හිසකෙස් ගැලවී යෑමට හේතුවන බව පර්යේෂකයන් පිරිසක් පෙන්වා දෙනවා. ඒ විතරක්ම නෙවෙයි, හොඳින් කෙස් වඩවා ගෙන සිරුරට අවශ්‍ය නිසි පෝෂණය ලබා ගැනීමට සුදුසුම ආහාර කීපයක් ද ඔවුන් පෙන්වා දුන්නා.
වට්ටක්කා ඇට
වට්ටක්කා ඇටවල සින්ක්, මිනරල් අඩංගු නිසා හිස්කබල වියළී යෑම, කෙස් ගැළවී යෑම වැළකෙනවා. සෑම දිනකම වට්ටක්කා ඇට ආහාරයට ගතහොත් හිසකෙස් වැටීමද වළක්වා ගත හැකියි.
සූරියකාන්ත ඇට
සූරියකාන්ත ඇටවල විටමින් ඊ අඩංගු වෙනවා. කෙස් ගැලවී යෑම වැළැක්වීමට සහ හොඳ කෙස් කලඹක් වර්ධනය කර ගැනීමට සූරියකාන්ත ඇට ඉතාම සුදුසුයි.
උළුහාල් ඇට
උළුහාල් ඇට මිශ්‍රණයක් ලෙස සකසා හිසකෙස්වල ගැල්වීමෙන් හොඳින් හිසකෙස් වර්ධනය කර ගැනීමට හැකියාව ලැබෙන අතර, නිල්වන් කෙස් කලඹක් ලබාගත හැකියි.
සමාධි ඕබඩආරච්චි
මව්බිම
