ඉඟි පළ කරන ඉණ වට ප්‍රමාණය
ඕනෑම පුද්ගලයෙකුට උසට සරිලන බරක්‌ පවත්වාගෙන යාම ඉතා වැදගත්ය. ඇයගේ හෝ ඔහුගේ සෞඛ්‍ය සහ පෝෂණ තත්ත්වය තිරණය කිරිමට ශරිරයේ බර ඉතා වැදගත් සාධකයක්‌ බව බොහෝදෙනා දන්නේ නැත. පුද්ගලයෙකුගේ ඉන වට ප්‍රමාණයෙන් (බඳ වටා ඇති මේද ප්‍රමාණය)එම පුද්ගලයාට දියවැඩියාව, හෘද රෝග, රුධිර නාළ අවහිරතා රෝග වැළදීමේ අවදානමත් අතර දැඩි සම්බන්ධයක්‌ පවතින බව සොයාගෙන ඇත. එම රෝග සඳහා අඩු අවදානමක්‌ ඇති ආසියාතික නිරෝගී කාන්තාවකගේ ඉන වට ප්‍රමාණය අඟල් 31ට(සෙ. මී. 79)වඩා අඩු විය යුතුයෑයි සැලකේ. පුරුෂයෙකුගේ ඉන වට ප්‍රමාණය අඟල් 35 ට (සෙ. මී. 89)වඩා අඩු විය යුතුය. ඉහත ප්‍රමාණවලට වඩා ඉන වට ප්‍රමාණය වැඩි වු විට වෛද්‍ය උපදෙස්‌ මත ආහාර පාලනය මෙන්ම ව්‍යායාම මගින් තිඛෙන අවදානම අවම කර ගත හැකිය. ඔබ සෘජුව සිටගෙන සිටින විට අවසාන ඉල ඇටය සහ උකුඵ ඇටය අතර හරි මැද්දෙන් වු බදේ වට ප්‍රමාණය ඉනේ වට ප්‍රමාණය වේ. මෙය බොහෝ පුද්ගලයන්ගේ නාභිය හරහා ගමන් කරයි. දරුවෙකුගේ නම් උපතේ සිට වයස අවුරුදු 5 දක්‌වා දරුවාගේ වර්ධනය මැන බලන වර්ධන සටහන පවත්වා ගැනීම වැදගත් වේ.
අවුරුදු 5-18 කාලය
මෙම කාලය ළමා සහ යොවුන්විය ලෙස හඳුන්වයි. ළමයින් සහ යොවුන්වියේ දරුවන් අවම වශයෙන් දිනකට පැයක පමණ කාලයක්‌වත් ශාරීරික ක්‍රියාකාරකම්වල හෝ ව්‍යායාමවල නිරත විය යුතුය. මෙම ව්‍යායාම මධ්‍යස්‌ථ ක්‍රියාශීලි සහ වේගවත් ව්‍යායාම විය යුතුය. දිවීම, උස සහ දුර පැනීම, රිටි පැනීම, කව පෙත්ත යගුලිය විසි කිරිම. ජවන සහ පිටියේ ක්‍රීඩා, ක්‍රිකට්‌, පාපන්දු, දැල්පන්දු, වෙලිබෝල් වැනි සාමුහික ක්‍රීඩා වල නිරතවීමත් සුදුසු ය.
අවුරුදු 18-65 කාලය
ශරිරය නිරෝගීව, නිසි බරින් පවත්වා ගැනීම සඳහා වැඩිහිටියෙකු දිනකට පැය භාගය බැගින් සතියේ දින පහේම ව්‍යායාම සහ කය වෙහෙසා කරන කාර්යයන්වල නිරතවීම සුදුසුය. එමෙන්ම අවම වශයෙන් සතියකට දින දෙකක්‌වත් මාංශපේශි වර්ධන ව්‍යායාමවල නිරත විය යුතුය.ඳූෙවිගයෙන් ඇවීදීම, දිවීම, පිහිනීම, බයිසිකල් පැදීම, එල්ලේ ගැසීිම, වෙලිබෝල්, දැල්පන්දු, බැට්‌ම්න්ටන් යනාදී පිටියේ ක්‍රීඩාවල නිරතවීම අනුගමනය කළ හැකිය.
ගර්භණී සහ කිරි දෙන කාලය
වෙනත් සෞඛ්‍යමය ගැටඵවක්‌ නොමැති ගර්භණී සහ කිරිදෙන මවුවරුන් සඳහා හැකි සෑම දිනකම සුපුරුදු දෛනික ක්‍රියාකාරකම්වල යෙදීමෙන් සහ අවම වශයෙන් පැය භාගයක්‌වත් වෛද්‍ය උපදෙස්‌ මත සුදුසු ව්‍යායාමවල නිරතවීම කළ යුතුය. විශේෂයෙන් මෙය ගර්භණී සමයේදී සිදුවිය හැකි අනවශ්‍ය බර වැඩිවීම පාලනයට සහ ප්‍රසුතිය පහසු කිරිමට වැදගත් වේ. ව්‍යායාම මිනිත්තු 10-15 දක්‌වා කොටස්‌ වශයෙන් කළ යුතුය. මස්‌ පිඩු සහ විශේෂ හෘද මාංශ පේශි ශක්‌තිමත් කිරීම සඳහා ව්‍යායාම කිරිම වැදගත් වන අතර ශරීරයේ සෑම අවයවයකටම හොඳ රුධිර සැපයුමක්‌ ලබා දේ. ගැබිණි මවට මානසික ප්‍රබෝධය ඇති කරන අතර මානසික ආතතිය දුරු කරයි. ලබා ගන්නා කැලරි ප්‍රමාණයට සමගාමීව ව්‍යායාම හෝ ශාරීරික ක්‍රියාකාරකම් මගින් ශරිර බර තුලනය කළ හැකිය. ප්‍රධාන ආහාර වේල් තුනට අමතරව කෙටි ආහාර වේල් දෙකක්‌ ඔවුන් විසින් ලබා ගත යුතුය. ආහාර වේල් අතර කාල පරතරයක්‌ තබා ගැනීම වැදගත්ය.
උපුටා ගැනීම නවලිය පුවත් පත
