නිතරම කොණ්ඩා මෝස්තර දමන කොණ්ඩය ස්ටේ‍්‍රට් කරන පර්ම් කරන අයගේ කෙස් ඉක්මණින් ගැලවී යනවා
හිසකෙස් නිතරම කාන්තාවන්ගේ මනස පීඩාවට ලක් කරන බව සත්‍යයක්. කෙස් වැඩිපුර වර්ධනය වීම මෙන්ම නොවීමද ඔවුන්ව තව තවත් පීඩාවට ලක් කරයි. ඇතැම් විට පිරිමි අයෙකුගේ මෙන්ම නිකට, උඩුතොල ආශි‍්‍රතව ද කෙස් ගස් වර්ධනය සමාජයේදී ඇයට ගෙනෙන්නේ දරාගත නොහැකි පීඩාවක්. ඒ වගේම පුරුෂයන්ට ද හිසකෙස් පිළිබඳව පවතින ගැටලු ප්‍රමාණය මෙපමණකැයි සීමාවකට ලක් කළ නොහැකියි. ඒ අතර උඳුගොව්වා කෑම මෙන්ම හිස්හොරි ද ප්‍රධාන තැනක් හිමිකර ගනියි. මෙවැනි කරුණු කාරණා මුල් කරගත් මෙම සාකච්ඡාව චර්ම රෝග පිළිබඳ විශේෂඥ වෛද්‍ය ජනුකා ගලහිටියාව මහත්මිය සමගයි.
උඳුගොව්වා කෑම යනු කුමක්ද? අපගේ ශරීරයේ ප්‍රතිදේහ සෛවලින් ඇතිවන රෝගී තත්ත්වයක්. මෙය සතෙක් බැක්ටීරියාවක් හෝ දිලීරයක් බලපාන තත්ත්වයක් නොවේ. මින් සිදුවන්නේ කෙස්ගසේ බල්බය ප්‍රදේශයට අපේ ශරීරයෙන්ම ඇතිවන ප්‍රතිදේහ ක්‍රියාත්මක වී කෙස් ගස විනාශ වීමයි. මෙය ඉතා ඉක්මනින් සිදුවන ක්‍රියාවලියක්. තවද මෙහිදී පැල්ලමක් හැරුණු විට කිසිදු රෝග ලක්ෂණයක් දක්නට නොමැත. ඒ වගේම විවිධ පුද්ගලයාගේ ශරිරයේ විවිධාකාරයෙන් අඩු වැඩි වශයෙන් ඇතිවිය හැකියි. මෙය එක් වරක් හෝ කිහිපවරක් ද ඇතිවිය හැකියි. මෙවැනි රෝගීන්ට සුදු කබර, තයිරොයිඩ් හා සම්බන්ධ විවිධ රෝග, සන්ධි අමාරු ආදී රෝග සමඟ සම්බන්ධ වී මෙම රෝග ඇතිවිය හැකියි. ඊට ප්‍රතිකාර කරන ආකාරය පවා වෙනස් වේ.
මීට ප්‍රතිකාර ලෙස සිදුකරන්නේ කුමක්ද? ඇතැම් විට මීට ප්‍රතිකාර නොකළත් රෝගය ඉබේම සුවවිය හැකියි. නමුත් එම පැල්ලම් විශාල වනවිට හෝ වෙනත් රෝගයක් සමග ඇති වී තිබේනම් ඊට අනිවාර්යයෙන්ම ප්‍රතිකාර ලබාගත යුතුයි. ඒ වගේම හිස කෙස්වලට නිතර මෝස්තර දැමීම, රසායනික ද්‍රව්‍ය නිතර භාවිතා කර හිස අලංකරණය මගින් තව තවත් හිස කෙස් ගැලවී යාම වැඩි කරවයි.
හිස්හොරි යනු කුමක්ද? අපගේ සාමාන්‍ය සම වගේම හිස් කබලේ සම මැරී ඉවත් වේ. සාමාන්‍යයෙන් මෙය ඇසට නොපෙනන තරම් කුඩා ආකාරයකට සිදු වේ. නමුත් හිස්හොරි තත්ත්වයේදී ඇසට පෙනෙන තරම් විශාල කැබලි ලෙස ගැලවී යයි. ඊට හේතුව හිස් කබලේ සෛල ගැලවී ගෙන යන වේගය වැඩි වීමයි. ඒ වගේම සාමාන්‍ය සමේ පවතින දිලීරයක වර්ධනයක් නිසා වැඩිපුර සම ගැලවී යාමෙන් හිස්හොරි ඇතිවිය හැකියි. මේ සඳහා දිලීර නාශක ෂැම්පු වර්ග බොහෝදුරට භාවිතා වේ.
ඇගේ රෝම වැඩිවීම ආශි‍්‍රතව ඇතිවන තත්ත්වය ගැන කථා කොළොත්? වර්තමානයේ කාන්තාවන්ට බහුලව තිඛෙන උඩ තොල හා ඛෙල්ල නිකට ආශි‍්‍රත ප්‍රදේශ වලද පිරිමි අයෙකුගේ මෙන් රැවුල ඇතිවිය හැකියි. මෙය බහුලව දැකගත හැකි තත්ත්වයකි. මීට හේතුවන්නේ ඇතැම්විට පවුල්වලට ආවේනික ලක්ෂණයක් විය හැකියි. මොවුන්ට කිසිදු හෝර්මෝන වෙනසක් හෝ රෝගයක් දැකගත නොහැක. සාමාන්‍යයෙන් ඔසප් වීම නතර වූ පසුත් රැවුල් ඒම පිළිබඳ එතරම් කලබල විය යුතු නොවේ. එය ස්වභාවිකයි. මෙය රූපලාවණ්‍ය අතින් ගැටලුකාරී වුවද කායිකව එය එතරම් ගැටලුකාරී නොවේ. නමුත් වෙනත් හේතූන්ද මීට බලපෑ හැකියි. ඒ අතර ගැහැනු දරුවෙක් වැඩිවියට පැමි”මට පෙර මේ තත්ත්වය ඇති වනවා නම් දරුවාගේ හෝර්මෝනවල ප්‍රශ්න තිඛෙනවාදැයි විමසා බැලිය යුතුයි. ඇතැම් අයගේ අවුරුද්දකින් දෙකකින් ශරීරය පුරා රෝම ඇතිවිය හැකියි. එවැනි අවස්ථාවකදී හෝර්මෝන නිපදවෙන ග්‍රන්ථිවල ඔමපදර ඇති වී තිබේද කියා විමසා බැලිය යුතුයි. ඒ වගේම තවත් අයට ඔසප් වීමේ වෙනස්කම්, තට්ටය පෑදීම, කුරුලෑ බහුල වීම ආදී රෝග ලක්ෂණ පෙන්වන පොලිසිස්ටික් ඕවේරියන් රෝග තත්ත්වයත් මීට හේතු වේ. එහිදී ස්කෑන් පරීක්ෂණ හා හෝර්මෝන පරීක්ෂණද කර බලා ගැනීම ඉතා වැදගත්.
කාන්තාවන්ගේ ශරීරයේ අනෙකුත් ප්‍රදේශ වලත් රෝම ඇතිවිය හැකිද? පිරිමි අයගේ මෙන් රැවුල ලෙස රෝම කූප වර්ධනය වනවා වාගේම ශරීරයේ අනෙකුත් ප්‍රදේශ (අත්, කකුල්) ආදියේ රෝම ඇතිවිය හැකියි. සමහරවිට ශරීරය පුරා ඇතිවන මෙම තත්ත්වය කාන්තාවකට දැඩි මානසික පීඩාවක් ඇතිකර විය හැකියි. මෙම තත්ත්වයත් යම් ජාන බලපෑමක් නිසා ඇතිවිය හැකි අතර එය අතිශය ස්වභාවික තත්ත්වයක්. ඊට අමතරව අක්මාවට බලපාන ඇතැම් රෝගී තත්ත්ව නිසාත් එසේ විය හැකියි. උපතට පසුව ඇති වූ උපන් ලප මත කෙස් වැඩිපුර ඇතිවිය හැකියි. මෙය උපන් ලප තත්ත්වයක් නිසා බිය විය යුතු නොවේ. ඇතැම් රෝග සඳහා ලබාදෙන ඖෂධ නිසාද රෝම සිරුර පුරා ඇතිවිය හැකියි.
වැඩිපුර රෝම වර්ධනයට පවතින ප්‍රතිකර්ම පිළිබඳ පැහැදිලි කළොත්? මේ සඳහා නිවසේදීම කරගත හැකි ප්‍රතිකාර ලෙස (රෝගයක් නොමැති නම්) රෝම ඉවත් කරන ක්‍රම අනුගමනය කළ හැකියි. රැවුල බාන ආකාරයට රේසරයක් මගින් ඉවත් කළ හැකියි. නැත්නම් වැක්ස් හෝ ත්‍රෙඩින් මගින් වැඩිපුර රෝම ඉවත් කළ යුතුයි. රැවුල ගානවිට සම රළුවන බව පැවසුවත් එහි කිසිම සත්‍යක් නෑ. රැවුල කපන විට ඉතිරි වන කෙස්කොට මෙසේ පැවසීමට හේතුවෙයි. කිසිදු අසනීපයක් තිඛෙන අයෙක් රැවුල වැඩි වේ යන බිය නිසා එය ඉවත් නොකර බිය වනවාට වඩා රැවුල කැපීම මගින් කිසිදු ගැටලුවක් ඇති නොවේ. රැවුල් ගස්වල ගණකම තරමක් වැඩි වුවද වැවෙන ප්‍රමාණය වැඩිවීමක් සිදු නොවේ.
හිසකෙස් වර්ධනයට යොදන ෂැම්පු නිසා හිසකෙස් ශක්තිමත් වේද? හිසකෙස්වලට වෙළඳපොළෙ තිබනෙ විවිධ ෂැම්පු වර්ග යෙදීමෙන් ඒවා ශක්තිමත් වීමක් සිදු නොවුණත් දිළිසෙන බව ආදිය පමණක් ඇති වේ. එය වෛද්‍ය විද්‍යාත්මක මතයයි.
උපුටා ගැනීම දිනමිණ
