මතක ශක්තිය දියුණු කරගන්න ක්‍රමෝපායන් කිහිපයක් මෙන්න.
ඔබට නිතර අමතක වීම සිදු වෙනවාද?
බොහෝ විට සංකීරණ බැංකු රහස්‍ය
අංකයක්, දුරකථන අංකයක් ඔබේ මතකයේ රැදී තිබේ. නමුත් ඉතා සුළු යැයි හැගෙන
බොහොමයක් දෑ ඔබේ මතකයෙන් ගිලිහි යයි. උදාහරණයක් වශයෙන් ඔබේ මෝටර් රථයේ යතුර
තැබූ ස්ථානය, ඔබේ මුදල් පසුම්බිය තැබූ ස්ථානය අමතක වී එය අපහසුවෙන් සොයා
ගත් අවස්ථා ඔබට ඔබේ ජිවිතයේ බොහෝ විට හමු වී ඇති. දිනයක් අවසානයේදී ඔබ අප
හැමට අසීමිත සිදුවීම් රැසක් හමු වේ. නමුත් ඒ සිදුවීම් සියල්ල අපගේ මතකයේ
රදවා තබා ගැනීම අත්‍යවශ්‍ය නොවේ. ඒවායෙන් කොටසක් හෝ ඔබ මතකයේ තබා ගැනීම
ප්‍රයෝජනවත් වේ. යම් අවස්තාවන් වලදී ඔබේ කාර්යාලයේ වැඩ කටයුතු අමතක වීමෙන්
ඔබ මහත් අපහසුතාවයට පත් වන අවස්ථා ඇති වීමට පිළිවන. එය හිතා මතා සිදුකල
කාර්යක් නොවුනත් එවිට සේව්‍ය සේවක දෙපක්ෂයම යම් අපහසුතාවයකට පත් වේ.
එබැවින් ඔබ ඔබේ මතක ශක්තිය වර්ධනය කර ගැනීම අත්‍යවශ්‍ය වේ. මෙම ලිපිය ඔබගේ
කාර්යාලිය හෝ එදිනෙදා වැඩ කටයුතු අතපසුවීමකින් තොරව ඉටු කර ගැනීම සදහායි.
ඔබ පෝෂ්‍යදායි ආහාර වේලක් ලබා ගන්න.
එය ඔබගේ මතක ශක්තිය වර්ධනය කර ගැනීමට
බොහෝ සෙයින් ඉවහල් වේ. මෝටර් රථයක් ධාවනය කිරීමට ඉන්ධන අවශ්‍ය වෙනවා මෙන්
අපගේ ඉන්ද්‍රිය ක්‍රියාකාරිත්වයට පෝෂණය අත්‍යවශ්‍ය වේ. නිසි පෝෂණය නොලැබීම
මගින් ඔබගේ ශරීර ශක්තිය මෙන්ම මාතෘ ශක්තියද දුර්වල වේ. එහෙයින් ඔබ පෝෂණ
ඌනත්වයෙන් තොර වීම මෙම කාර්ය සදහා වඩාත් යෝග්‍ය වේ.
සුමියුරු සංගීතයට සවන් දෙන්න.
සංගීතයට බොහෝ රෝගාබාධයන්ට පිළියම් සපයයි. ඔබ
කාර්යාලයේ හෝ නිවසේ වැඩ කරන අතර තුර මියුරු සංගීතයට සවන් යොමු කරන්න. ඔබ
තෝරා ගන්නා සංගීත රාවය ඝෝෂාකාරී සංගීතයක් නොවන්නට වග බලා ගන්න. ඝෝෂාකාරී
සංගීතය ඔබේ මනස නොසන්සුන් කරයි. නමුත් ශාස්ත්‍රීය සංගීතය ඔබේ මනසේ
ඒකාග්‍රතාවය වර්ධනය කරන අතර එය නිරන්තරයෙන් ඔබේ ධාරණ ශක්තියද වර්ධනය වේ.
ඔබගේ මානසික ආතතිය පාලනය කර ගන්න.
අධි මානසික පීඩනය ඔබේ මතක ශක්තිය දුර්වල
කරයි. එබැවින් හදිසි සාම අවස්තාවකදීම ඔබේ මනස සැහැල්ලුවෙන් තබා ගන්න. මනස
සැහැල්ලු වන තරමට ඔබේ ධාරණ ශක්තියේ ධාරිතාවද ඉහල යයි.
ඔබට ලැබෙන තොරතුරු ඔබට නිම කිරීමට ඇති වැඩ කොටස් වෙන් වෙන්ව ලියා තබා ගන්න.
ඒ සදහා නියමිත කාල රාමුව දින දර්ශනයක් ලියා තබන්න. එවිට ඔබත අතපසුවීමකින් තොරව ඔබේ රාජකාරිය නිසියාකාරයෙන් ඉටු කර ගැනීමට හැකි වේ. නැවත නැවත මෙනෙහි කරන්න. ඉතා සරල වශයෙන් සිදු කරන මෙම මානසික ව්‍යායාමය තුලින් ඔබේ මතක ශක්තිය වැඩිවන ආකාරය ඔබට අත්විදිය හැකිය. ඒ සදහා ඔබ ඔබ ගැන අවධානය යොමු කරන්න. ඊට පෙර දින කිහිපයක සිට කර ගෙන ආ කාර්යයන්ද මෙනෙහි කරන්න. ඔබ මුණගැසුණු පුද්ගලයන්ගේ නම් ඔබ සභාගි වූ උත්සව හෝ කාර්යාලිය සම්මේලනයන් ඒවායේ කතා නැහැ වුනු දෑ මෙනෙහි කරන්න. මෙලෙස කටයුතු කිරීමෙන් මනසේ ධාරණ ශක්තිය මෙන්ම ඔබේ මනසේ ජව සම්පන්න බව ද වැඩි දියුණු කරගත් හැකිය. මිට අමතරව දිනපතා ශාරීරික ව්‍යායාම වල දීම ආදී කටයුතු වල යෙදීමෙන්ද ඔබේ මතක ශක්තිය වර්ධනය කර ගත හැකිය. එබැවින් ඔබත් මෙවැනි ව්‍යායාම හා අනෙක් ක්‍රමෝපායන් තුළින් ඔබේ මතක ශක්තිය වැඩි කරගනිමින් සාර්ථක දිවි පෙවෙතක් ගත කිරීමට උත්සාහ ගන්න.
උපුටා ගැනීම නවලිය
