ලස්සන වීමේදී පෞද්ගලිකත්වයට මුල් තැන
කාන්තාවක් සැමදාම අලුත් විය යුතුය. යට එලෙස අලුත් වීම සදහා විවිධ උපක්‍රම භාවිතා කල හැකිය. සාම දවසකම ගතවෙන පැය ගණනින් විනාඩි කිහිපයක් හෝ තමා පිළිබඳව අවධානය යොමු කිරීමට භාවිතා කරන ඇයටඇඳුම් පැළඳුම් මෝස්‌තර වෙනස් කිරීමෙන් සහ කොන්දා මෝස්තරය වෙනස් කිරීමෙන් වුවද වෙනස් විය නොහැක්කේද? උදාහරණයක් ලෙස අපි ඇඳුම් පිළිබඳව අවධානය යොමු කර බලමු. උපතින්ම හිමිව ඇති ඔබේ ශරීර ව්‍යුහයේ අඩුපාඩු ඔබට වෙනස් කල නොහැකි වූවත් ඔබේ ශරීරය සඳහා තෝරා ගන්නා ඇඳුම් සහ පැළඳුම් හරහා පෙනෙන්නට තිබෙන සුළු අඩුපාඩු වූවද මඟ හරවා ගත හැකිය. මෙහිදී ශරීර ව්‍යුහය, බෙල්ලේ සහ කකුල් වල දිග යන සියල්ල ඔබට වෙනස් කල නොහැකි වූවත් ඔබ තෝරා ගන්න ඇඳුම් හරහා මේ අඩු පාඩු මඟ හරවා ගත හැකි වේ. ශරීරයේ වර්ණය කෙනෙකු ඇඳුම් තෝරා ගැනීමේදී අවධානය යොමු කල යුතු වැදගත් සාධකයක් වේ. තවත් උදාහරණයක් ලෙස කොන්දා මෝස්තරය වෙනස් කිරීම අපට කල හැකි අතර ඒ සඳහා හෙයාර් කලර් භාවිතය, කොණ්ඩය කපන විදිය වෙනස් කිරීම කල හැකිය. ඔබ ඒ සඳහා පල පුරුදු කේශාලංකරණ ශිල්පියෙක්ගේ උපදෙස් හෝ සේවය ලබා ගත යුතුය. මෙසේ සිතන්න, ඇසට ප්‍රිය උපදවන ඕනෑම දෙයක් පිළිබඳව දෙවරක් වූවත් සාමාන්‍යයෙන් හරි බලන අපට ඔබ නිසා තවත් කෙනෙකුට එසේ කරන්නට සිදු වුනි නම් ඔබ තමා පිළිබඳව සිතීමට යොමු කල ඉතා කෙටි කාලයේ ප්‍රයෝජනය අත්විදිනවා නොවේද? සුන්දරත්වය වර්ධනය කර ගැනීම සඳහා ඔබේ යහපත් පුරුදු වලට සහ ඔබේ ආකල්ප වලට වැඩි ඉඩක් ලැබෙන බව මතක තබා ගන්න.
ව්‍යායාම වල නිරත වීමෙන් මානසික සුවය ඇති කරයි
වෛද්‍ය විද්‍යාත්මක දත්තයන් පෙන්වා දෙන්නේ කෙනෙකු දෛනිකව ව්‍යායාම වල නිරත වීම නිරෝගිමත් භාවයට පමණක් නොව ඔහුගේ හෝ ඇයගේ සිරුරේ හැඩය සහ මානසික සුවය ඇති කිරීම සඳහා හේතු වන බවයි. කෙනෙකු කෘෂ හෝ ස්ථුල ශරීරයකට හිමිකම් කියුවද මේ සෑම සියලු දෙනාටම ව්‍යායාම වල නිරත වීම අත්‍යවශ්‍ය වේ. පිහිනීම, දැල්පන්දු වැනි ක්‍රීඩා ඕනෑම කෙනෙකුගේ මස්පිඩු වර්ධනය කිරීම සඳහා සුදුසු වූවත් බයිසිකල් පැදීම ඉතාමත් යෝග්‍ය ව්‍යායාමයක් ලෙස වෛද්‍යවරුන් අනුමත කර ඇත. කෙනෙකුට දිනකට විනාඩි 10 ක කාලයක් බයිසිකල් පැදීම සඳහා වෙන්කර ගැනීම සුදුසු වේ. එමෙන්ම ස්කිපින් පැනීමද ව්‍යායාමයක් වශයෙන් සුදුසු වේ. කෙසේ වෙතත් ඔබ තෝරා ගන්නා ඕනෑම ව්‍යායාමයක් හෝ දිනපතා කිරීම සුදුසු වන අතර එයින් බලාපොරොත්තු වන්නේ කාරනා තුනක් සම්පූර්ණ කර ගැනීමයි. එනම්, මස්පිඬු වල ශක්තිමත්භාවය වැඩි කර ගැනීම, ඔබේ ශරීරයේ සහ අස්ථි වල නම්‍යතාවය වැඩි දියුණු කිරීම සහ ඔබේ හෘද ස්පන්දන අගය නිවැරදිව පවත්වා ගැනීමයි. කාර්ය බහුල බොහෝ ජිවිත ගත කරන අය තවමත් ව්‍යායාම් වල නිරත වීම කල්දමන අතර ඒ සඳහා "මේ සියලු වැඩ අවසන් කර මම හෙට සිට ව්‍යායාම පටන් ගන්නවා", "මට අදින්න සුදුසු ඇඳුම් නැහැ", "අද කම්මැලියි" වැනි නිදහසට කාරනා තමාටම ඉදිරිපත් කර ගනිමින් රෝග රැසකට නොදැනුවත්වම ඇත වැනි. ඕනෑම කෙනෙකු දිනකට අවම වශයෙන් විනාඩි 20 හෝ කය වෙහෙසා කරන ව්‍යායාම වල නිරතවීම සුදුසු වේ. හෘදයාබාධ, ආතරයිටිස් වැනි රෝග වලින් පෙලෙන අය සඳහා වෛද්‍යවරුන්ගේ නිර්දේශය මත කරන ව්‍යායාම පමණක් සුදුසු වේ. එමෙන්ම නවීන නර්තනාංග වල නිරතවීම මගින්ද කැලරි දහනය කිරීම සිදු වේ.
මුහුණේ සුන්දරත්වය සඳහා
"හදවතේ කැඩපත මුහුණයි" මේ ප්‍රකාශය සමඟ ඔබ කොතරම් දුරකට එකඟ වෙනවාද? ශරීර අභ්‍යන්තරයේ ඇති බොහෝ ගැටළුකාරී තත්වයන් මුහුණේ ඇතිවන විරූපීභාවයෙන් පෙන්නුම් කෙරේ. එම නිසා මුහුණේ සුන්දරත්වය රැක ගැනීම සඳහා හදවතේ සොඳුරු බව ආරක්ෂා කර ගත යුතුය. ඒ පමණක් නොසෑහෙන අතර සමේ පෝෂණය සහ පිරිසිදුභාවය ආරක්ෂා කර ගැනීම ඉතා වැදගත් වේ. සාමාන්‍යයෙන් ඕනෑම කෙනෙකුගේ සමේ වර්ගය අනුව දිනපතා පාවිච්චි කරන ක්ලේන්සර් වර්ගය තෝරා ගත යුතුය. මුහුණ පිරිසිදු කිරීම උදේ සවස දිනපතාම කල යුතුය. එමෙන්ම සතියකට වරක් ඩිප් ක්ලේන්සර් වර්ගයක් භාවිතා කර මුහුණ පිරිසිදු කිරීම කල යුතුය. මෙහිදී විනාඩි පහක් පමණ ඇස් වසා මුහුණ ජාල වාෂ්පයට ඇල්ලීම කල යුතුය. ඉන්පසුව ගැලපෙන පැක් වර්ගයක් මුහුණේ ආලේප කර විනාඩි 20න් පමණ සෝදා සුදුසු මොයිස්චර් කරීම් වර්ගයක් ආලේප කිරීම සුදුසු වේ.
වියලි සම
මුහුණ හොදින් පිරිසිදු කිරීමෙන් පසුව සමේ වියලි ස්වභාවයක් සහ තද ගතියක් තිබේ නම් එවන් සමක් වියළි සමක් ලෙස හදුනා ගත හැකිය.
සුදුසු ආහාර : වැඩිපුර බිත්තර ආහාරයට එකතු කර ගැනීම, බටර්, තෙල්, කොළ පාට සහ කහ පාට එළවලු, තක්කාලි, අලිගැට පේර වැනි ආහාර සුදුසු වේ.
උදෑසන සම පිරිසිදු කිරීම : සමේ වර්ගයට සුදුසු ක්ලේන්සර් එකක් තෝරා ගෙන සම පිරිසිදු කිරීමෙන් පසුව ටෝනර් කිරීම කල යුතුය. සමේ වියලි භාවය වැඩි නම් ඒ සඳහා උණුසුම් ජලය භාවිත කල යුතුය. වියලි ස්වභාවයෙන් ආරක්ෂා වීම සඳහා මොයිස්චර් ක්‍රීම් වර්ගයක් දිනපතා ආලේප කරන්න.
මිශ්‍ර සම
මෙවැනි සමක් ආකාර දෙකකින් ක්‍රියා කරන අතර වියළිසම හොදින් පිරිසිඳු කිරීමෙන් පසුව මොයිස්චර් ස්වල්පයක් ආලේප කල යුතු අතර තෙල් සහිත සමේ කොටස පිරිසිඳු කිරීමෙන් පසුව ටෝනර් කල යුතුය.
සුදුසු ආහාර : ධාන්‍ය වර්ග, අමුවෙන් සෑදු එළවලු, සැලඩ් වර්ග ආහාරයට ගැනීම සහ සිනි පාලනය කිරීම, ගැඹුරු තෙලේ බැදපු ආහාර ගැනීමෙන් වැලකීම සුදුසු වේ.
උදෑසන සම පිරිසිදු කිරීම : සම පිරිසිදු කිරීමෙන් පසු මුහුණ සහ බෙල්ල ටෝනර් කිරීම කල යුතුය. මේ සඳහා කොට්න් කැබැල්ලක් හෝ වූල් පෑඩ් එකක් භාවිතා කල යුතුය. ටෝනර් නොමැති නම් ඒ සඳහා සිතල වතුර ටෝනර් ලෙස භාවිතා කරන්න. ගැටළු සහිත සම පිරිසිදු කරන්නේ පරිස්සමින්.
සාමාන්‍ය සම :
මෙවැනි සමක් මෘදු සහ සිනිදු වන අතර නිරෝගිමත් පැහැයක් පෙන්වයි. මෙවැනි සමක ආරක්ෂාව සදහා ස්වභාවික මොයිස්චර් වර්ගයක් දිනපතා ආලේපය වඩා සුදුසුය.
සුදුසු ආහාර : මෙවැනි සමක පෝෂණය සඳහා ප්‍රෝටීන බහුල ආහාර සහ විටමින් ඒ, බී සහ සී අඩංගු ආහාර වඩාත් සුදුසු වේ.
උදෑසන සම පිරිසිදු කිරීම : මෘදුව කවාකාරව පිරිමදිමින් මුහුණ ක්ලේන්සර් කර ගන්න. ඉන් පසුව මොයිස්චර් ක්‍රීම් ස්වල්පයක් ආලේප කරන්න.
වියලි සංවේදී සම
සංවේදී සම පිරිසිදු කිරීම සඳහා සුදුසු ක්ලේන්සර් ක්‍රීම් වර්ගයක් භාවිතා කල යුතුය.
සුදුසු ආහාර : තන්තු ආහාර සුදුසු වන අතර උෂ්ණාධික සහ සීත ආහාර ගැනීමෙන් වැලකි සිටීම, ඇල්කොහොල් භාවිතයෙන් ඉවත් වීම සුදුසු වේ.
උදෑසන සම පිරිසිදු කිරීම : සුදුසු ක්ලේන්සර් වර්ගයක් භාවිත කර මුහුණ පිරිසිදු කිරීමෙන් පසුව ටෝනර් එකක් ලෙස සිතල වතුරින් සෝදන්න.
ගැටළු සහිත සම
මෙවැනි සමක් සඳහා ස්පොන්ජ් හෝ මුහුණ පිසදමන තුවා භාවිත නොකළ යුතු වන්නේ ඒවායේ ඇති බැක්ටීරියා හෝ දිලිර සමේ සෑම තැනකම පැතිර යා හැකි බැවිනි. හොදින් සම පිරිසිදු කිරීම සිදු කල යුතු වන්නේ සුදුසුම ප්රිසිදුකාරකයක් මගිනි.
සුදුසු ආහාර : මෙවැනි සමක් ඇති අය ගැඹුරු තෙලේ බැදපු ආහාර සහ තෙල් අධික ආහාර, චොක්ලට් වර්ග ආහාරයට ගැනීමෙන් ළකිය යුතුය. ලෙමන් යුෂ සාරය ඇති උණු ජලය පානය කිරීම මෙවැනි සමක් සඳහා සුදුසු වේ.
උදෑසන සම පිරිසිදු කිරීම : නින්දෙන් අවදි වූ විගස සිතල ජලයෙන් මුහුණ පිරිසිදු කරන්න. වෛද්‍ය උපදෙස් අනුව ලබා ගත් ක්ලේන්සර් වර්ගයක් මුහුණ පිරිසිදු කිරීම සඳහා සුදුසු වේ. සමේ ඇති පල්ලම් ආවරණය කිරීම සඳහා ෆවුන්ඩේෂන් වර්ගයක් ආලේප කරන්න.
විඩාබර ඇස් සඳහා ප්‍රතිකාර
නිතර නිදිවරන, පරිගණක ආශ්‍රිත රැකියා වල නියුතු වන අයගේ පහසුවෙන්ම විඩාබර වන්නේ ඇස් වේ. ඇස් වටේ කළු වීම, ඇස් වටා ඉදිමීම, ඇස් අවට පටක වල වේදනාව මේ නිසා ඇති වේ. දෙනෙතේ විඩාබර ගතිය මඟ හරවා දීප්තිමත් බව රක ගැනීම සඳහා දෙනෙත් වලට නිවසේදී හෝ ප්‍රතිකාරයක් කල යුතු අතර පාවිච්චියට ගත තේකොළ පොට්ටනි දෙකක් ඇස් වසා ඇස් පියන මත විනාඩි පහළොවක් පමණ තබාගෙන සිටීම හෝ පාවිච්චියට ගත ටි බෑග් දෙකක් ඇස් මත විනාඩි පහළොවක් පමණ කාලයක් රඳවා තැබීම හෝ පිපිඤ්ඤා පෙති දෙකක් ඇස් මත රදවා තැබීම කල හැකිය. එසේත් නොමැති නම් පුළුන් කැබැල්ලක් සිතල වතුරේ පොඟවා ඇස් පියන් මත විනාඩි දෙකක් හෝ තුනක් තැබීමද සුදුසු වේ. ඒ වෙනුවට අමු අර්තාපල් වෙති හෝ ඇපල් පෙති වූවත් මේ සඳහා භාවිතා කල හැකිය. මේවා විනාඩි පහක් පමණ ඇස් පියන් මත රඳවා තැබීම සුදුසු වේ.
නිවසේදීම ෆේස් පැක් එකක් හදමු : ඩීප් ක්ලේන්සර් එකක් භාවිතා කිරීමෙන් මුහුණ පිරිසිදු කිරීමෙන් පසුව භාවිත කල යුතු ෆේස් පැක් එකක් නිවසේදීම සාදා ගත හැකිය. ඕනෑම සමක පෝෂණය සඳහා යෝගට් භාවිතා කල හැකිය. යෝගට් සමඟ පිපිඤ්ඤා යුෂ මිශ්‍ර කර ආලේපය, යෝගට් සමඟ බිත්තර සුදු මඳය මිශ්‍ර කර ආලේප කිරීම, ස්ට්‍රෝබෙරි සහ ක්‍රීම් ආලේප කිරීම සහ ඕට් පිටි සමඟ බිත්තර කහ මඳය ආලේප කිරීම කල හැකිය. මේ මඟින්සැමට පෝෂණය සහ පැහැපත් භාවය ඇති වේ. මේ පැක් වර්ගය විනාඩි 10-15 අතර කාලයක් තිබෙන්නට හැර සමෙන් ඉවත් කිරීමෙන් පසුව සිතල වතුරෙන් මුහුණ සේදීම කල යුතුය.
උපුටා ගැනීම නවලිය
