නිවසට කොටසක් එකතු කිරීමේදී මේ ගැනත් දැනගන්න
කාලයක් සමග සියල්ල වෙනස් වෙනවා. වෙනස් නොවන කිසිදෙයක් නොමැති අතර වෙනස් නොවන එකම දෙය වෙනස් වීම පමණක් බව ඔබ අසා ඇති වදනකි. බුද්ධ දර්ශනයේ පදනම මෙම වෙනස් වීම නැතහොත් අනිත්ය බවයි. ලෝකයේ පවතින ජීවී අජීවී සෑම දෙයක්ම වෙනස් වෙමින් පවතින අතර එය සදාතනික සත්යකි. මෙම ක්රියාවලියෙන් මිදීමට කිසිවෙකුටත් නොහැකි අතර එය හඳුනාගෙන ඊට මුහුණ දීම කළ යුතුව ඇත. මෙම වෙනස් වීමේ ස්වභාවය ඔබගේ නිවසට පොදු ලක්ෂණයකි. අතිතයේ රජකම් කළ ප්රබල රජවරු තමාගේ රජ මාලිගයට තමාගේ බල පරාක්රමයේ සංකේතයක් ලෙස ඉදි කර ඇති බව ඉතිහාසය පිරික්සීමේදී පෙනී යයි. එසේම පිය රජු ඉදිකළ රජ මාලිගයට පුතා වෙනස් කම් සිදු කර ඇත. නැතහොත් අලුතින් මාලිගාවක් තනා ගන්නා ලදී. පොලොන්නරුවේ එකම ස්ථානයේ රජ මාලිගා තුනක් ඉදිකර ඇත්තේ වාස්තු සිද්ධාන්ත ගලපා ගැනීමට බව පෙනී යයි. නූතනයේදී පියා විසින් ඉදිකරන මහ ගෙදර පුතා විසින් එ ආකාරයට පාවිච්චි නොකරන අතර යම් යම් වෙනස්කම් නැතහොත් නවීකරණයන් සිදු කරන බව පෙනේ. කාලයත් සමඟ සිදු වන නවතාවන්ට අනුව තමාගේ නිවාසය කළින් කලට කඩා බිඳ වෙනස් කිරීම් සිදු කිරීම අවශ්ය දෙයක් වුවද එහිදී සිදුවන වාස්තු මූල ධර්මයන්ගේ වෙනස් වීම් පිළිබඳ ඔබව දැනුවත් කිරීම මෙම ලිපියේ ප්රධාන අරමුණ වේ.
- දැනට පදිංචි නිවසට අලුතෙන් කොටසක් එක් කිරීමට හා අලුත්වැඩියාව.
- මිලට ගත් නිවස නවීකරණය කිරීමට කොටසක් එකතු කිරීම.
- දැනට පදිංචි වී සිටින නිවසේ කොටසක් ඉවත් කරමින් නව නිවසක් ඉදිකිරීම.
- බ්රහ්ම පාදය - දැනට පවතින බ්රහ්ම පාදයේ පිහිටන ස්ථානය වෙනස් වේ.
- ගෘහ පිණ්ඩය - දැනට බලගැන්වී ඇති ගෘහ පිණ්ඩය සම්පත් පරම මෛත්රී සිට වධ විපත් හා දක්වා වෙනස් විය හැකිය.
- ද්වාර සටහන - දැනට පවතින ද්වාරයන් පිහිටන දිශාවන් වෙනස් විය හැකිය.
- දිශානුගත කරණය - දැනට යහපත් දිශාවල ස්ථානගත වී ඇති ගෘහ අංග අයහපත් ස්ථාන වලට ස්ථාන ගත විය හැකිය.
- මුල්ගල - පැරණි නිවසේ තිබූ මුල් ගල පෑගෙන ස්ථානයකට යෙදිය හැකිය.
- පාද සටහන - ගෘහයක පාද සටහන ඉතා වැදගත් වාස්තු මූලධර්මයකි. මෙහිදී බිත්ති හා ද්වාර නන්දා/ ජයා/ පූර්ණා යන සුභ පාද වලින් ඉවත් වී භද්රරික්කා යන අසුභ පාද වල පිහිටිය හැකිය.
- වහලයේ වෙනස් වීම් - වහලයේ හැඩතල හා පරාල කුරුපා යටලී ආදිය මෙන්ම පිහිලි හා වතුර බැස යන පල වල ස්ථානය වෙනස් විය හැකිය.
ඉහතින් පෙන්වා දුන් පරිදි ඔබගේ නිවසේ එක් බිත්තියකින් අඩි 1 ක් හෝ 2 ක් වෙනස් වීම යනු එම නිවසේ වාස්තු මූලධර්මද එයට අනුරූපව වෙනස් වන බව සිතන්න. ඔබ විසින් නිවසට හිතුමතේට සිදු කරනු ලබන එකතු කිරීම් සිදු කිරීමට පෙර එම වෙනස්කම් කළ පසු නිවසේ සිදු වන වාස්තු වෙනස් වීම් පිළිබඳව විශේෂ අවධානය යොමු කළ යුතුය. එහිදී ඔබ සෑම වීටම වාසියක් මිසක් අවාසියක් සිදු නොවේ. ඔබගේ නිවසේ සෑම කටයුත්තක්ම වාස්තු සිද්ධාන්තවලට අනුව ගළපා ගැනීම තුළ සෑම වීටම සිදුවන පාඩු අවම කර ගත හැකිය.
- ගෘහ පිණ්ඩය වෙනස් වන නිසා - නිවස සෑදීම නතර වීම සහ ප්රමාද වීම.
- බ්රහ්ම පාදය වෙනස් වීම - ලෙඩ දුක් හා මූල්ය හානි සිදු වීම.
- ද්වාර සටහන වෙනස් වීම - නිවසේ සමගිය බිඳ වැටීම.
- මුල් ගල පෑගීම - ගෘහ හිමියාගේ මරණය හා නිවස හැර යාම.