කල් තබාගන්නා ආහාර ගත් පසු කම්මැලිකම වැඩිවේ
බේකන්, සොසේජස්‌ වැනි සකස්‌ කළ මස්‌ වර්ග හා පැණි බීම සඳහා එකතු කරනු ලබන පොස්‌පේට්‌ නමැති රස කාරකය හේතුවෙන් ඒවා පරිභෝජනය කරනු ලබන පුද්ගලයන් කම්මැලි තත්ත්වයකට පත් කරන බව ඇමරිකා එක්‌සත් ජනපදයේ ටෙක්‌සාස්‌ විශ්වවිද්‍යාලයේ, සවුත්වෙස්‌මන් වෛද්‍ය මධ්‍යස්‌ථානයේ පර්යේෂකයන් පිරිසක්‌ විසින් අනාවරණය කර ගෙන තිබේ.
මෙම ආහාර පාන පරිභෝජනය කිරීමෙන් පුද්ගලයන් කම්මැලි වන බවට අමතරව ශරීරයේ මේද දහනය කිරීම අඩු කරන බව වෛද්‍ය මතයයි. මෙම ආහාර පානවලට යොදන පොස්‌පේට්‌ අවශ්‍ය ප්‍රමාණයට වඩා පරිභෝජනය කිරීමට නුසුදුසු වුවත් එය බ්‍රිතාන්‍යයේ වයස්‌ගත වූවන්ගෙන් සියයට 28 කටත් වඩා භාවිත කරන බවට හෙළි වී ඇත. පොස්‌පේට්‌ ඇතුළු රස කාරකයන් යොදා ගනුයේ ආහාරයක්‌ කල් තබා ගැනීමේ කාලය දීර්ඝ කිරීමටත් ආහාරයට රසක්‌ එකතු කිරීමත් සිදු කරන නිසාය.
