මට විතරක් නෙමෙයි හර්ෂණීටත් කොවිඞ් හැදුණා – මට හුස්ම ගන්න බැරි නිසා ඔක්සිජන් දීලා තිබුණෙ

"මෙකල කොවිඞ් රෝගයට ගොදුරු නොවී බේරී සිටීම ඒ තරම් පහසු කාර්යයක් නොවේ. එහෙත් ඔබ ඔබ වෙනුවෙන් සහ ඔබේ පවුලේ සාමාජිකයන් වෙනුවෙන් කොරෝනා රෝගයෙන් බේරී සිටීමට වගබලා ගත යුතුයි. එය ඔබේ අද දවසේ වගකීමක්..." එහෙම කියන්නේ අන් කවරකුවත් නොව ජනප‍්‍රිය ගායන ශිල්පියෙකු වන භාතිය ජයකොඩියි. ඔහු පසුගියදා ඉතා අවාසනාවන්ත ලෙස කොවිඞ් වෛරසයට ගොදුරු වුණු කෙනෙක්. මහජනතාවට වඩාත් හිතෛෂී කලාකරුවෙක් වන ඔහු එම වෛරසයට ගොදුරු වුණේ කෙසේද? දැන් ඔහුගෙකලා කටයුතු කෙසේ ද යන්න පිළිබඳව නවලිය ඔහු සමඟ කතා බහ කළා.

අලූත් තොරතුරු කියන්නේ ඉතිං මේ දවස්වල වෛද්‍ය උපදෙස් පිළිපදිමින් භාරගත්ත කලා කටයුතු කරගෙන යනවා. එ් කියන්නේ සිරස ඩදසජැ වැඩසටහනේ රූපගත කිරීම් සහ තවත් කලා කටයුතු කිහිපයක නිරත වෙමින් තමයි මේ දවස්වල කාලය ගෙවන්නේ. විශේෂයෙන් කලාකරුවකුට විවේකය කියන්නේ නිර්මාණයක් කරන්නට ලැබෙන ඉඩක්නේ.

මේ දවස්වල හැමතැනම කොවිඞ් වෛරසය ඇතිවෙමින් අපගේ සහෘද ජනතාව ගොදුරු බවට පත් කරගන්නවා. ඉතින් මමත් නොහිතපු වෙලාවක කොවිඞ්වලට ගොදුරු වුණා.මම කොවිඞ්වලට ගොදුරු වුණාය කියන පණිවිඩය සමාජ ජාල හරහා පැතිරී ගියා. ඒක ඇත්ත මට ඉක්මන් සුව පතා බොහෝ දෙනෙක් සුබපැතුම් එක් කළා. මම ඒ අයට මේ වෙලාවේ ස්තුතිවන්ත වෙනවා.කොවිඞ් මුළු ලෝකෙ පුරාම පැතිරෙමින් අපේ රටටත් පැමිණ අපේ රටත් ගොදුරක් බවට පත් කරගෙන යන එක රහසක් නොවෙයි. පළමු වෛරසට වඩා දැන් තවත් එහි ප‍්‍රභේද ලංකාවේ තිබෙන බවට මාධ්‍ය මගින් ප‍්‍රචාරය වෙනවා. මෙයින් ආරක්ෂා වීම හිතන තරම් පහසු නොවුණත්, ඔබ වෙනුවෙන්, ඔබගේ පවුල වෙනුවෙන් ඔබ කොවිඞ්වලින් ආරක්ෂා විය යුතුයි. එය ඔබගේ යුතුකමයි වගකීමයි.

කොවිඞ් වෛරසය ලොකයේ ව්‍යාප්ත වෙන්නට පටන් ගත්තේ ගිය අවුරුද්දේ. එය මාරාන්තික බවත් අපි මාධ්‍ය හරහා දුටුවා. අපේ රටේ මෙන්ම කොවිඞ් මාරාන්තික වෛරසයට ගොදුරු වෙලා ජීවිතයෙන් සමුගෙන ගිය පිරිස සුළුවෙන් තැකිය යුතු නැහැ. ඒ කෙසේ වුණත් අපේ රටේ වෛරසය ව්‍යාප්ත වෙන්නට පටන් ගත්තේ ගිය අවුරුද්දේ මුල් දවස්වල. හැමෝම මුව ආවරණ පළඳින්නට, සබන් දමා අත් හෝදන්නට වගේම විසබීජනාශක භාවිත කරන්නට ක‍්‍රියාත්මක වුණා. ඒත් පසුකාලයේ සමහරුන්ට එය ක‍්‍රමානුකූලව අමතක වී යන්නට පටන් ගත්තා කියන එක ප‍්‍රසිද්ධ රහසක්. නමුත් කොවිඞ් වෛරසය නිහඬවම හිස ඔසවමින් තිබූණා. එයයි මේ රැුල්ලට හේතුව.

කොහොම නමුත් පහුගිය වසරේ අවසන් දිනෙක මම ගිය තැනක කෙනෙකු කොවිඞ් පොසිටිව් බව දැනගන්නට ලැබුණා. ඒ නිසා මටත් PCR එකක් කරගන්නා ලෙස කිව්වා. ඊට දින කීපයකට පසු මම PCR පරීක්ෂණයක් කර ගත් නමුත් මම කොවිඞ් රෝගයට ගොදුරු වී නැති බව දැනගන්නට ලැබුණා. ආයෙත් මම සතියකට පසු නැවත වරක් PCR පරීක්ෂණ කර ගනු ලැබුවා. එහිදී ද මම නිරෝගී අයෙකු බව තීරණය වුණා. මම එයින් සතුටු වුණා. හැබැයි මම පරිස්සමෙන් හිටිය. මගේ කාර්යාලයට හෝ ශබ්දාගාරවලට පවා ගියේ නෑ.

නමුත් ඊට දින කිහිපයකට පසු මට සියුම් කැස්සක් ඇති වුණා. එය මම ඒ තරම් ගණන් නොගත්තත්, මගේ මිත‍්‍රයා සන්තුෂ් මට කිව්වා ඔක්සිජන් පරීක්ෂා කරන පොඩි ගැජට් එකක් තියෙනවා ඒක අර ගෙන පරීක්ෂා කරල බලන්න කියලා. මම එහෙම සිදුකළා. එතකොට මට දැනුණා ක‍්‍රමානුකූලව මගේ ශරීරයේ ඔක්සිජන් ප‍්‍රමාණය අඩුවෙනවා කියලා. කැස්ස ඇති වෙලා හතර වැනි දවසේ උදේ දෙතුන් පාරක් උගුර කසමින් ඇති වුණ කැස්ස හවස වනවිට කක්කල් කැස්ස සේ නිරන්තරයෙන්ම ඇතිවෙන්න ගත්තා. ඒ වෙලාවේ හිතුණා මට කොවිඞ් ඇති වෙලා කියලා. මේ හේතුව නිසා මම දන්න අපේ ඥාති වෛද්‍යවරයෙකුගෙන් තත්ත්වෙ පැහැදිලි කරලා මං දැන් මොකද කරන්නේ කියලා විමසුවා.

ඔහු රෝහලේ කොවිඞ් රෝගීන් සඳහාම ප‍්‍රතිකාර කරන වෛද්‍යවරයෙක්. ඔහු කිව්වා ඉක්මනින් රෝහලකට යන්න. නමුත් විශේෂ පහසුකම් බලාපොරොත්තු වෙන්නේ එපා. රෝගීන්ගෙන් රෝහල් පිරිල තියෙන්නෙ කියලා. කොහොම නමුත් මගේ බිරිඳ හර්ෂනී මාව රෝහලට අර ගෙන ගියා.

ඒ වුණත් අපි නිතරම අවධානයෙන් සිටියත්, මුව ආවරණ පැළඳ හිටියත් ඉතා සුළු අතපසුවීමක් නිසා රෝගයට ගොදුරු විය හැකියි. මම සහභාගී වුණ ඒ මීටින් එකෙ හිටියේ ඉතා සුළු පිරිසක්. අපි නියමිත දුරස්ථ බව තියාගෙනයි එය පැවැත්වූවේ. නමුත් අවාසනාවට මම ගොදුරක් බවට පත් වුණා. මෙහි අවදානම, භයානකකම ඔබට වැටහා ගන්න අපහසු නැහැ. මේ සමාජයෙ කොතැනක හෝ නිරෝගී අයෙකු ලෙස පෙනී සිටින කොවිඞ් රෝගියකු, ආසාදිතයෙකු සිටිය හැකි බවත් අමතක කරන්න නම් එපා. මොකද මම ඡුක්‍ඍ පරීක්ෂණ දෙවරක් සිදු කරලත් මට කොවිඞ් ඇති බව තහවුරු වුණේ නෑ.

කොහොමද මම ඒක ඔබට විස්තර කරන්නේ.. ඒක විස්තර කරන්න හරි අමාරුයි. හෙදියන්, වෛද්‍යවරුන් ආරක්ෂිත ඇඳුම් ඇඳගෙන හිටියේ. ඔවුන් හඳුනා ගන්න බෑ. මම තනිවම කාමරේක හිටියේ. දින ගණනාවක්ම මාව පරීක්‍ෂා කරන්න එන වෛද්‍යවරුන් හෙදියන් ගේ මුහුණු පෙනෙන්නෙ නෑ. ආරක්ෂිත ඇඳුම් ඇඳගෙන හිටියේ. කතාබහ කරලා යනවා. මම ඔහුගෙන් අහනවා දැන් කොහොමද මගේ තත්ත්වය කියලා. "ඔයා කලබළ වෙන්න එපා අපි බලමු." වැනි වදන් තමයි ඔවුන්ගෙන් ප‍්‍රකාශ වුණේ. මට හුස්ම ගන්න බැරි නිසා ඔක්සිජන් දීලා තිබුණෙ. බොහෝ දේවල් හිතට දැනුණා. අපිි බොහෝ දේවල් කරන්නේ ඉතාම සුළු දෙයක් වෙනුවෙන් නේද කියලා හිතුණා. කාන්සිය, පාලූව, බය මේ ඔක්කොම එකට දැනෙන කොට කොහොමද විස්තර කරන්නේ. ඒක හරිම අමාරු තත්ත්වයක්. මම ඔක්සිජන් ගහ ගෙන ඔහේ හිටියා. හතරවෙනි දවසේ මා පරීක්ෂා කරන්න ආපු වෛද්‍යවරයා කිව්වා අද තමයි අපිට සතුටුදායක දවසක් උදා වෙලා තියෙන්නෙ කියලා. ඒ කියන්නේ කලින් මම ගත කරලා තියෙන්නේ අවදානම් කාලයක්.

"ඔබේ පෙනහැල්ලට වෛරසය ආසාදනය වෙලා තියෙනවා. ඔබට හුස්ම ගන්න බැරි වුණේ ඒ නිසයි. දැන් ඒ තත්ත්වය ක‍්‍රමානුකූලව යතා තත්ත්වයට වෙමින් තිබෙනවා කියලා දැන් අපට සතුටු වෙන්න පුළුවන්. ඔබ ඔබගෙ පෙනහළු වලින් දැන් හුස්ම ගන්නවා. ප‍්‍රකෘති තත්ත්වයට පත්වෙමින් තිබෙනවා." කියලා වෛද්‍යවරයා පැවසුවා. ඒ වෙනකොට මම දවස් 11 ක් රෝහල් ගත වෙලා.

මම රෝහලේ ප‍්‍රතිකාර ලබමින් සිටි රෝගීන් තරමට අවදානමට ලක් නොවුණත් ඒක දරා ගන්න මං බැරි තත්ත්වයක්. අපිට අවස්ථ දෙකක් ලැබෙන්නේ නෑ. කලාතුරකින් තමයි එම අවස්ථාවන් ලැබෙන්නේ. ඒ නිසා මං ඉල්ලන්නේ ඔබ වඩාත් ප‍්‍රවේශම් වෙන්න කියල.

ඇත්තටම මගේ නෝනා හර්ෂණීට කොවිඞ් වැළඳුනා. වාසනාවට ඇයට ලොකු අපසුතාවක් ඇති වුණේ නෑ. අපිට අපහසුතා ඇති වෙන කොටම අපි දුව අම්මලාගේ ගෙදර යැව්වා. ඒ නිසා දුවට වැළඳුනෙ නෑ.

වෛද්‍ය උපදෙස් දීල තිබෙන්නේ වැඩි මහන්සියක් වෙන්න එපා කියලා. නමුත් මේ දවස්වල සිරස වැඩසටහනට සහභාගි වෙනවා. ඊට අමතරව ගීත ඇල්බමයක් කරන්න සූදානම් වෙනවා. අපි මීට කලින් 2019 ඔබ නිසා ගීත ඇල්බම් එක නිකුත් කළා. එහි දෙවැනි කොටස ලෙස තවත් ගීත ඇල්බමයක් කරන්න සූදානම් වුණා. 2019 පාස්කු ප‍්‍රහාරය නිසා එළිදැක්වීම ප‍්‍රමාද වුණා. 2020 දී කොරෝනා නිසා තවත් ප‍්‍රමාද වුණා. දැන් එම ගීත ඇල්බමය නිකුත් කරන්න සූදානම් වෙනවා. අලූත් ගීත නිර්මාණවල තමයි නිරත වෙලා ඉන්නේ.

කොරෝනා වසංගතය සමඟ කොහොමද කටයුතු කරන්නේ?
මේ වසංගතය තව අවුරුදු එකහමාරක් පමණ තියේවි. එන්නත මගින් ආරක්ෂා වෙන්නේ යම් ප‍්‍රතිශතයක් පමණයි. මෙයින් ආරක්ෂා වෙමින් අපේ දෛනික කටයුතු කරගෙන යන්නට සිදු වෙනවා. විශේෂයෙන් අපි දැනට කරන වොයිස් වැඩසටහන සීමිත සාමාජික සංඛ්‍යාවකින් හා අත්‍යවශ්‍ය අය පමණක් සහභාගී කරගෙන තමයි කරන්නේ. එ් වැඩසටහනට එන සියලූම දෙනා ඇන්ටිජන් පරීක්ෂණයට නිතිපතා භාජනය කරනවා. දුරස්ථභාවය තබා ගෙන කර ගෙන යනවා. වැඩසටහන විකාශනය වෙද්දී මුව ආවරණ පැළඳ ගෙන නොසිටින බව ඔබට පෙනුණත් මුව ආවරණ ඉවත් කරන්නේ කැමරාව දබ කළාට පස්සෙයි. එ් නිසා ඔබත් සෞඛ්‍යය නීතිරීති නිසිලෙස පිළිපදිමින් කටයුතු කරන්නේ නම් එයින් වරදක් නොවේවි. ඔබේ ආරක්ෂාව ඔබම සපයා ගන්න කියලා තමයි කියන්න තියෙන්නේ.

සුගත් ශාන්ත මොරගහකුඹුර

උපුටා ගැනීම saaravita.lk