නිවසේ කොටසක් සෑදුවත් අත්තිවාරම සම්පූර්ණයෙන්ම දමන්න

මෙය බලාපොරොත්තුව සපල කර ගැනීමට නම් බඹ සාදන නිවසේ අත්තිවාරම සම්පූර්ණයෙන් ම දමා ගත යුතුය. ඊට පසු නිවසේ කොටස් සාදා ගෙන පදිංචි වුවත් අත්තිවාරම නිවැරදිව සුබව ඇත්නම් ඉතිරි වැඩ කර ගැනීමට හැකියාව ඇතිවේ.

මෙහි ප්‍රධානතම හේතුව වන්නේ නිවසේ අත්තිවාරම ගුප්ත ආකාරයට ක්‍රියා කිරීමයි. මුළු අත්තිවාරම වටා තරංග ඒකාකාරව ගමන් කිරීමයි. අත්තිවාරමේ කොටසක් දමා ගොඩනැගීමට බඹ අදහස් කළහොත් තරංග භාගයක් දුරට ගමන් කර නවතී. මෙය ඉතිරි වැඩ සඳහා බාධාවකි. මෙය එම නිවසේ වැඩ ප්‍රමාද වීමට හේතු වේ.

බඹ නිවස වර්ග කරන්නේ අත්තිවාරමේ දිග - පළල උපයෝගී කරගෙන අය, වැය, ආයු ආදී අංගයන් සුබ ලෙසට තබා ගෙනය. ඒ වගේම සැලැස්මේ පාද බෙදා ඇත්තේ ද නන්දා, භද්‍රා, රිත්තා, පූර්ණා ආදී වශයෙන් සුබ පාද උපයෝගී කරගෙනය.

මෙසේ පාදයන් හි සුබ පල ලබා ගැනීමට නම්, සැලැස්ම අනුව අත්තිවාරම සම්පූර්ණ විය යුතුය. එවිට අත්තිවාරම වටේ සුබ තරංග මෙන් ගමන් කර සුබ පල උදා කර දේ. එවිට පළමු කොටසේ කොටසක් සාදා ගෙන පදිංචි වුවත්, ඉතිරි කොටස ද බඹ දැමූ අත්තිවාරමේ පදනම මත ගොඩනැගීමට ඔබට හැකියාව ඇති වේ.

ඔබගේ නිවස සැලැස්මේ අත්තිවාරමේ කොටසක් පළමුව දමා ඒ මත නිවසේ කොටසක් පමණක් සෑදුවහොත් මෙහි අංග සම්පූර්ණ අත්තිවාරමක් නැත. නිවාස සැලැස්ම කොතරම් හොදට වර්ග කර තිබුණත් සැලැස්මට අනුකූලව අත්තිවාරම පොළොවේ පිහිටා නැත.

ඒ වගේම බඹ සැලැස්ම පාද බෙදා ඇති ආකාරයට අසුබයැයි සම්මත බාද්‍රා, රිත්තා ආදී පාදයක අත්තිවාරම නතර වී තිබුණහොත්, ප්‍රතිඵලය තවත් භයානකය. නිවසේ අත්තිවාරමේ සුබ තරංග පියවි ඇසට නොපෙනෙන ආකාරයට අත්තිවාරම වටේ ගමන් කරයි. මෙය බාධාවකින් තොර ගමන් කිරීමට ඉඩ සපයා දීමෙන් කරන කියන වැඩ වල සාර්ථකත්වය ඇති වේ.

අත්තිවාරමේ කොටසකින් අසුබ තරංග මඟින් එම නිවසේ පදිංචි වීමෙන් විවිධාකාර කරදර ආදියනට මුහුණ දීමට සිදුවේ. විශේෂයෙන් ලෙඩ රෝග, ආදිය ඇති වූ විය බඹ උප යන ආදායම එයට වියදම් කිරීම තුළින් නිවසේ ඉදිරි වැඩකර ගැනීමට ඔබට මුදල් නොමැති බැවින් නිවසේ වැඩ ඇන හිටී.

ලෙඩ රෝග පමණක් නොවදියුණුව නැතිවීම, රැකියා ව්‍යාපාර ඇණ හිටීම, සතුරු කරදර, පවුලේ අසමගිය ආදී විවිධාකාර බාධා පැන නැඟීමට පුළුවන. මෙහිදී ඔබ හොඳින් තේරුම්ගත යුත්තේ නිවාස සැලැස්ම වර්ග කරන්නේ නිවසේ සම්පූර්ණ දිග පළල මතය. මෙසේ වර්ග කර සෑදු සැලැස්මේ කොටසක් පමණක් දමා එහි කොටසක් සාදා එහි පදිංචි වුවහොත් එහි සුබ වර්ගය කිසිසේත් ක්‍රියාත්මක නොවන අතර ක්‍රියාත්මක වනුයේ අසුබ වර්ගයය.

මෙවැනි නිවාස අපගේ වාස්තු විද්‍යා පර්යේෂණ අනුව අපට හමු වී තිබේ. බිත්ති ගරා වැටී, තණකොළ, පොට වැල් බැදී, දිය සෙවල බැදනු අඩක් සාදා ඇති අතහැර දැමූ නිවාස අපගේ පරීක්ෂණයන්ට ලක් වී ඇත.

වැඩ ප්‍රමාද නිසා මෙහි ඉහත පෙන්වා දුන් අසුබ ගෙවල් අවුරුදු 2 කකට වඩා සාදා ගැනීමට නොහැකි වුවහොත් එම නිවසට භූත දෝස බලපායි. එසේ සිදු වුවහොත් එම නිවස අතහැර දමා යෑමට සිදු වේ.

කොටසක් සාදා නිවසේ වහලය තනි පලයකට සමහරු ගසයි. මෙයත් අසුබ පලදායකය. ගරාජ, දරමඬු, ගව, බලු ආදී සතුන්ගේ කූඩු, මඩු ආදිය සාදන්නේ තනි පලයටය. මේවාට හැර නිවසේ වහල සඳහා තනි පල ඔරොත්තු දෙන්නේ නැත. සාදන ලද නිවසේ කොටසේ වහලය තනි පලයට වීම එහි වැඩ ප්‍රමාදයට හේතු වන බැවින් බොරු වහලයක් ගසා හෝ පල දෙකකට සාදා ගැනීමෙන් වැඩ ඉක්මන් වේ.

සමහර අය අන් අය කරන්නන් වාලේ විශාල ගෙවල් සඳහා සැලසුම් අදිති. මෙසේ කර මුදල් නොමැති බැවින් කොටසක් සාදා අතරමඟ වැඩ නතර කර දමති. මෙසේ සිට අවුරුදු ගණනකට පසුව ඉතිරි වැඩ කර ගැනීමට නොහැකි වීමෙන් විකුණා දමති. පළමුව ඔබගේ ආර්ථික තත්ත්වයට ගැලපෙන ආකාරයට නිවාස සැලැස්ම සාදා ගෙන නිවස ගොඩනගා ගන්න. ඔබට සම්පූර්ණ කර ගැනීමට නොහැක්කේ නම් පළමුව අත්තිවාරම සම්පූර්ණයෙන් දමා නිවසේ කොටසක් සාදා ගෙන එහි වහලට පල දෙකකට තාවකාලිකව හෝ ගසා එහි පදිංචියට යන්න. එසේ යෑමෙන් නිවසේ ඉදිරි වැඩ ඉක්මණින් ඔබට කර ගැනීමට වාසනාව උදා වේ.